[alfares]

الشيمة وقدر الرجال :
سلام تسليم وصـّى به حديث الرسول
=اعمق من البحـــرواقسى من صخور الجبال
للديره اللي بها الابطـــال صارو حـــــلول
=من بعد مافارقـــو ديرة وهـــن وانحــــلال
طابور عسكر يخلّي الارض مثل الطبـــول
=فيلق مطانيخ لو يحمــى وطيس القتال
يصول ويجول ويجول ويصول ويجول
=حتى تصـــير الجبال الشامخــــه كالرمال
يانخبة الفكر في جــيل انعـــدام العقول
=ياصحوة الشعر, ياصهوة حصـــان الكمال
وش رايكم بالديـــار اللي تربّي عجــــــول
=وتعادي اصقور وانسور وخيول وجمال
فيها مساحات حــرّه للقحط والذبـــــول
=وافلام كرتون وقــيان وشـــويّة عيال
هذيك ماهي لنا ..... لا والله الاّ تزول
=دام انّها تجهل الشيمه وقـــدر الرجال
وانا هنا بين ظهـــرانيْ رجالٍ زحــــــول
= شاعر ولو همّشت شعري صروف الليال
في ديرة الطايله قمت ومقـــــامي يطــول
=أهزَ غيم الشعر وارسل رذاذ وظِــــــــلال
شاعر وباعي طويل ولا جهلت الوصول
=أقدّس الشعر ماخلّيه عبــــــد الريــــال