إختـــ لـكـم ــرت مشهدا من حياتي ...

[نظرة حياء]

[frame="3 80"]

السلام عليكم ورحمة الله وبركاته

اشبكم يا جماعه كذا نااااااااااااااااااايمين

لا لا الحال كذا ابدا مو عاجبني

الظاهر محتاجين سهره صباحي

طيب انا استاذتكم وبكره اجازه من عندي وعشان ااكد لكم اني ابلا طيوووبه ومتعاونه مع طلابي الاعزاء

حجيب لكم فلم و اشوفوا معكم نتسلى عليه الى الفجر ..



الكل يجهز الشبسات والفشار والببسي مع انو ممنوع بس الليله حاله استثنائيه ..


يلا يا احباب استرخو مع المنظر الطبيعي في التلفزيون على بال ما اجهز الفلم ..

وبما اني استاذه احب الرومنسيه والحان القلوب حيكون الفلم عن قصة حب من نوووع خاااااااااص ..



ركزوا معي واطلقوا العنان لخيالكم عشان تشوفوا المشاهد والاحداث بعيون قلوبكم وتعيشوا الجو بكل مشاعركم ..

الحكاية عن بنت صغيره عاشت قصة حب هي اللي رسمت لوحتها و عاشت فصولها ..

وهذه الفتاة هي انـــــا ,, شوفوا قصتي ..

كانت بداية رحلتي المليئة بالحب والعشق ..

بزياره لعيله من قرايبنا عندهم ولد من سني تقريبا ..

كانت نظرات الولد فيها شي من الاعجاب وبصراحه ما أخذت بالي منها ..

لكن اختي الكبيره قالت لي شوفي كيف يطالع لك شكلوو معجب ..

وقتها كان عمري تقريبا 9 سنين و لفتت نظري للولد مادري اذا كان فعلا وقتها معجب والا انا صورت الشي دا لنفسي ..

ولان اختي الكبيره كانت عايشه قصة حب او بالاصح فيه واحد يموووت على تراب رجليها ..

وكنت اشوف الشاب هذا اذا جاء مع امه عندنا كيف يجلس ياكلها بعيونو ..

وفعلا اقنعت نفسي انو معجب فيني قلبي لسى طري و نظيف ما تلوث باي شي ..

لا تقولو ناقصك حب لانو امي احن ام على وجه الارض ابويا كمان الله يخليه عمرو ما حسس وحده فينا انها اقل من الثانيه ..

بيت اهلي ملياااااااااااان حب والحمدلله ..

لكن حب المغامره هو اللي غلب , كنت اعتقد اني اقدر احب اليوم وبكره انسى ..

بس اللي صار ان الحب كل يوم يكبر يوحشني مووت مستحيل نمر من جنب بيتهم الا اتمنى عيني تلمحوا

واذا صار وشفتوا دقات قلبي تصير سرعتها جنونيه ..

طفله حبت بكل مشاعرها وكبرت وكبر الحب بقلبها ..

جلست سنين ما يعرف قلبي غيرو ولا ارتاح الا لما اشوفوو ولو من بعيد ..

كبرت وحاولت اقهر الحب لكن كان هو اللي قهرني ....

كنت افسر كل نظرة بمعنى وكل كلمه او موقف اسمع انو كان هذا الحبيب فيه بقلبي مو بعقلي ..

بصراحه حب لما افتكروا دحين استغرب كيف وصلت للمستوى الكبير فيه ..

قد يعتقد البعض منكم انو اللي سويتو شي غلط والبعض الثاني يشوف انو صح او تجربه ممكن نعيشها كلنا ..

بعد سنين دفنت هذا الحب بيدي ..

ولم يبقى له اي اثر على حياتي ..

احبتي قصه قصيره ولكن فيها معاني كبيره ..

وزي ما عودتكم حسألكم كم سؤال ..

وياليت كمان انتم تجابوا اجوبه ممتازه زي ما تعودت منكم ..

ليه انا حبيتوا هل انطبق علي المثل القائل الحب من اول نظره ؟؟

فيه مشكله في قصة حبي لو تجنبتها كان قلبي سلم من الجهد اللي عاشو ترقب وشوق و الم بعد بدون اي فائده ؟؟

وانتم يا طلابي ..

الشباب الشطار اللي عودوني على تواجدهم ..

تخيل لو كنت انت هذا الشاب وعرفت انو فيه وحده تحبك بجنوون يا ترى حتفكر تحبها انت كمان ؟؟

والبنات لو كانت وحده منكم مكاني وعاشت مشاعري تتوقعي انك حتحتفظي بحبك بعد الزواج ؟؟

وطبعا يا احبابي انا ابغى كل واحد فيكم يشوف الحكايه بعيونو يعني بلاش نكون مثاليين خلونا طبيعيين ..

وكمان فيه كلام بين السطوور المره دي حقيقي مو مقلب صدقوني ..

واللي عندوا سؤال انا تحت امركم ..

اتمنى لكم سهره ممتعه مع فلمي ,, يمكن المره الجايه يكون شي رعب الله اعلم ..

وفقكم الله لكل خير ..

[/frame]