قصيده في قبائل السعوديه والعرب والكل يرد ويذكر بيت قبيلته

[ارفع راسك انت سعودي]

قصيده رائعه
المهم اقروها
واللي يلقى اسم قبيلته يضع لنا بيت الشعر اللي مكتوب فيه اسم القبيله.
واللي مايلقاهاالعذر والسموحه منه.
وبالنهايه كلنا بشر((( لافرق بين عربي ولا اعجمي الا بالتقوى )))
إليكم القصيده..
يالله ياخالـق اراضيـن وابحـار **** الـواحـد المعـبـود رازق عبـيـده
الخالق الغفار عـلام الاسـرار **** وفـرق شعـوب الارض فـي كـل يـده
وابدي واسولف من عذيبات الاشعار **** ابيات شعر والمعانـي وكيـده
اشري وابيع واعرف كيف بختار **** واختار من جـزل البيـوت الفريـده
وذكر تراث وعـز وامجـاد وافخـار **** قبائـل تومـن بديـن وعقيـده
وصلت حضارتنا على سطـح الاقمـار **** ابنـا الجزيـر والجزيـره مجيـده
في ظل حكام لهم فعـل واشـوار **** ال السعـود اللـي تفـك الضهيـده
نسل الزعيم الحاكم العـادل البـار **** مجـدد امجـاد الجزيـره بجيـده
حتى اصبحت حره وحنا له انصار **** في ظل اخـو نـوره هنـوف سعيـده
وصارت لابو تركي بطوله وتذكار **** والفخـر والامجـاد تبقـى شهيـده
وخلف لنا املوك لهم فعل واخبـار **** الشعـب واحـد والقيـاده رشيـده
والامن بانينه على ساس وجدار **** وقرو علـى العابـث عقوبـه شديـده
وحنا حماة الدار من كـل غـدار **** ومـا همنـا بطشـه وخبثـه وكيـده
قبائـل مالحقناهـم اوعـار **** وعشنـا بهـذي الـدار عيـشـه رغـيـده
والحمد لله نحمده سر واجهـار **** شعـب تكاتـف مـن سنيـن مديـده
ودون الوطن جيش على كل معبار **** لارفرف البيـرق ونـادى عقيـده
بشرق البلاد وغربها دوم حضار **** وارض الشمال اللـي نفـوده مديـده
وارض الجنوب اللي تخيضر بالاشجـار **** جزيـرة فيهـا القبايـل عديـده
ارض بها قحطـان وافيـن الاشبـار **** وياعـز منهـم بالشدايـد بسيـده
واذكر عتيبه يوم للطيب مغـوار **** لا ثـارت الهيجـا وقـرب ضديـده
وشمر هل الطولات والجود مقدار **** اهل الكرم واهل الفعـول الحميـده
وقوم اعنزه مروين الاخصام الامرار **** اولاد وايـل مـن عصـور عهيـده
واذكر قبيلة حرب يانعم الاخيـار **** وتاريخهـم يحكـي سطـور مجيـده
وسبيع نعم القوم ووجيه الاسفار **** زبن الدخيل ليـا زبـن مـن طريـده
واذكر قبيلة يام والطيـب ينـدار **** اهـل العلـوم الوافيـه والرشيـده
ثم الدواسر تجعـل الخصـم منهـار **** عيـال زايـد عـز منهـم سنيـده
ثم السهول اللي لها الطيب مدرار **** وعن منهج العادات ماهـي محيـده
ثم اذكـر العجمـان حمايـة الجـار **** والمرجلـه والجـاه فيهـم عتيـده
واذكر بني مره طويليـن الاعمـار **** مـا ينقـد المـري ولا لـه نقيـده
ثم الهواجر لابة تقـدح النـار **** اهـل الركـاب اللـي خطاهـا بعيـده
واذكر بني خالد قبيلة وامار **** قوم لهـم فـي المجـد قـول ورصيـده
وبني تميم اللي لها الطيـب مصـدار **** بنـي تميـم وكـل فعـل تجيـده
ثم الزعوب اللي بها الخصم يحتـار **** شجعـان ماترضـى سـوا ماتريـده
العازمي وافي وفي الطيب بيطار **** روحه على كـل المصاعـب صميـده
ثم الظفيري في المصاعيب جبـار **** والطيـب والامـداح باصلـه وطيـده
ثم اذكر الاشراف بجلال واكبار **** اهـل الحجـاز اللـي تفـك الزهيـده
ثم الهذيلي له مواقف ومندار **** راعي الفخـر راعـي العلـوم السديـده
ثم البقوم اللي لهم جيش وامهار **** ريـف الضيـوف ليـا لفاهـم وليـده
واذكر ثقيف اللي لهم مجد وآثار **** ومهمـا حسبنـا مـن كـلام نعيـده
وبلحارث اهل العز بشهود واقـرار **** ا لحارثـي ياطيـب فعلـه وجيـده
والمالكي معروف لا صار ما صار **** في موقف اهل الطيب يبذل جهيـده
واثني تحياتي عدد وبـل الامطـار **** علـى سليـم وكـل خصـم تكيـده
واذكر جهينه هل مواقيف وادوار **** تلقى الجهيني راسم الطيـب بيـده
واذكر بلي والمجدله فعل واظهار **** وتاريخهـم يحكـي فعـول فريـده
وبني عطيه في المواجيـب حضـار **** قـوم بوقـت الجـد قـوم عنيـده
ثم الحويطي والكرامه لـه اشعـار **** ثـم الشـراري لـه فعـول مفيـده
ثم الرشيدي في الصعيبات صبـار **** علـى علـوم الطيـب فعلـه يزيـده
وباقي جنوب الدار والقاف مادار **** باقي علـى قلبـي كـلام واشيـده
زهران نعم القوم في وقت الاضرار **** والخصم عينه مـن لقاهـا سهيـده
والغامدي معروف له عزم واصرار **** راعي المراجـل والعلـوم المفيـده
وشمران قوم والجمايل لهـا اطـوار **** وبلقـرن سـم للقلـوب النكيـده
والاكلبـي والمحلفـي مابعـد بـار **** والحارثـي طيبـه وفعلـه يشيـده
وبني شهر وبني عمر سيـف بتـار **** قـوم علـى الاخصـام نـار وقيـده
والاسمري والاحمري صيتهم سـار **** بيـن القبايـل والمواقـف شهيـده
وادهم والصيعر على حد الاقطار **** يحمون حد الدار مـن اللـي يريـده
وامشي مع الساحل مع جملـه افكـار **** رسمتهـا والطيـر زان اتغريـده
وانزل على جيـزان تاريـخ واديـار **** ورجـال فيفـا والقبايـل عديـده
وارجوا العذر واهل المواجيب عذار **** الي نسيته مانذكر في القصيـده
الواهبي عـدد ابيوتـه بـالادوار **** مـن شاعـر ماشـل قلبـه حقيـده
شهران ربعي هم هل المدح والكار **** واهل الكند واهل السيوف الجديده
يوم البلد مايامن الزنـد لاثـار **** زيزومنـا ابـن مشيـط نعـم الوليـده
فالجهل شجعان وفي السلـم تجـار **** مـن بطـن بيشـه للتهـم لارفيـده
حبيت ابين موقفي بين شعار **** وارجـوا سموحتكـم علـى ذا النشيـده
ماحب انافق واتعنصر تعنصار **** ولا نـي باطيـع اهـل العقـول البليـده
ما كل من طب البحر قيل بحار **** وما كل من شل الفشـق جـاب صيـده
فالشعـر بستـان بـه ورد وازهـار **** واللـي تعداهـا بيوتـه فقـيـده
واقولها في الشعر تكرار وامرار **** ضـرف بـلا عنـوان يلغـى بريـده
وبعض السوالف له مواقف ومحضار**** وشعـر بـلا معنـى لـزوم نبيـده
وصلوا على المرسول شفـاع الابـرار**** محمـد الهـادي وقـدوة عبيـده



هااااااااه وش رايكم
ولا تنسون كل واحد يدخل يقول لنامقطع قبيلته

[*قمر الليالي*]

" وبني تميم اللي لها الطيـب مصـدار **** بنـي تميـم وكـل فعـل تجيـده "

يعطيك العافيه ومشكووووووووووووووور ..

تحياتي ..

[الهرم السعودي]

مشكور على القصيده
ما رح اقول البيت الي بالقصيد

حنا تميم اليا زعلنا سكرنا
نسكر بلا خمره ونسكر شجاعه

[الهرم السعودي]

معليش انا ما كتبت البيت الي بالقصيده

كتبت البيت من عندي لان البيت قاله واحد من اعضم شعار بني تميم

[*قمر الليالي*]

وانا ازيد من عندي ..


لاضاق صدرك من صواديف الايام

دور على اللي اخر اسمه تميمي..

[الهرم السعودي]

اذا تبين قصائ عن بني تميم خسي المنتدى الظهر

[*قمر الليالي*]

... طيب ...

[اســـ المستحيل ـــير]

انا من الريس من تميم

دام جدي ريس ودامي تميمي **** ما ينحني راسي غير لخالقه

[ارفع راسك انت سعودي]

يعطيكم الف عافيه ع المرور

وهلا بكل قبائل السعوديه من مشارقها الا مغاربها

[الهرم السعودي]

انت وش قبيلتك

[ارفع راسك انت سعودي]

انا من قبيلة حرب

واذكر قبيلة حرب يانعم الاخيـار **** وتاريخهـم يحكـي سطـور مجيـده

ونعم بكل قبائل السعوديه

[الهرم السعودي]

والله ما عليك زود

[ارفع راسك انت سعودي]

تسلم يابعدهم

[ولـد الـشـرقــيــه]

ارض بها قحطـان وافيـن الاشبـار **** وياعـز منهـم بالشدايـد بسيـده

قحطاااني

يعطيك الف عافيه خيو على القصيده صح السانك

[ارفع راسك انت سعودي]

ونعم فيك وفي بني قحطان








دمتي بود


ملاحظه ( انا بنت مني ولد )

[الهرم السعودي]

نصاب اسمك يدل على النك ولد

[ارفع راسك انت سعودي]

لا والله اني بنت

ليش اسلوبي ما يدل على اني بنت

والسراحه انا مليت كثير يردولي على اني ولد واسكت لاني تعبت وانا افهم

[الهرم السعودي]

سوي مثل نلي انشري موضوع بكل المنتديات يدلك انك بنت

[وفيت وبسببهم بكيت]

ياقلبي عليها ارفع راسك مين قال انها ولد يا هرم؟؟
وبعدين نصابه قويه عليها شوي شوي على البنت


اوك
ارض بها قحطـان وافيـن الاشبـار×××وياعـز منهـم بالشدايـد بسيـده

قحطاااني
وافتخر
يعطيكي العافيه ...

[ارفع راسك انت سعودي]

وفيت يابعدهم انت الوحيد الي فاهمني

[الهرم السعودي]

خلاص لا تزعلين بس وفيت وشي ولد ولا بنت

[فهده]

قصيده رائعه

[وفيت وبسببهم بكيت]

الهرم قريت كلامك خمسين مره احاول افهمه انت
اش قصدك بكلامك ماني فاهمك

[صقر القصيم]

" وبني تميم اللي لها الطيـب مصـدار **** بنـي تميـم وكـل فعـل تجيـده "

والنعم باكل تميمي وتميمية وخاصة انا

يعطيك العافيه ومشكووووووووووووووورة ..

[غموض]

وبني تميم اللي لها الطيـب مصـدار **** بنـي تميـم وكـل فعـل تجيـده

ما شاء الله المنتدى يعج ببني تميم :thumbsups:

قصيدة رائعة .. مجهود تشكر عليه يا ابن حرب ..

مـــودتــي :)

[الهرم السعودي]

انا اسئلها عنك انت ولد ولا بنت

[ارفع راسك انت سعودي]

الهرم كلامك مو واضح معليش اعذرني على غبائي

[الهرم السعودي]

يا شيخ انا اسئل وفيت هي بنت ولا ولد بس ما في شي ثاني

[ارفع راسك انت سعودي]

هههههههههههههههههههه

معليش اسفين احنا بس بجد انا غبيه

[الهرم السعودي]

طيب جاوب هي بنت ولا ولد

[ارفع راسك انت سعودي]

لا ولد
ليش ماتعرفو

[الهرم السعودي]

لا ما اعرفه اكثر الي بالمنتدى ما اعرفهم وفي اسما غريبه اول مره اشوفها

[ارفع راسك انت سعودي]

اكيد فيه احد ماتعرفو بس وفيت معروف اتوقع

[ارفع راسك انت سعودي]

اكيد فيه احد ماتعرفو بس وفيت معروف اتوقع

[الهرم السعودي]

ههههههههههههه

والله مدريانا مالي علاقه به حتى ما نرد على مواضيع بعض

[الهرم السعودي]

ههههههههههههه

والله مدريانا مالي علاقه به حتى ما نرد على مواضيع بعض