كلي جروح

[غازي بن عالي]

"








السلام عليكم ورحمة الله وبركاته



كل عام وانتم بخير جميعآ



شهر مُبارك عليكم وعلى الامه الاسلاميه عامّه



متواضعه ,, اتمنى ان ترتقي لو لـ جزء بسيط فـ الذائقه



و

مازالت تلك الجروح تنزف بـ غزآرهـ ..؟!



"

"




ماغير صوتك لاندهني ولبيت
.. .. .. اجيك من شوقي مولع و مشفوح ..!!
ياغايبه لولا الغـلا ماتعنيت
.. .. .. ولا جيت يمك ممتلي كلي جروح ..!!
مير الغلا يجبر خفوقي ليا جيت
.. .. ..غصبٍ عليّ اقول امرك و مسموح ..!!
لنك حبيب الامس واليوم حطيت
.. .. ..في وسط صدري لك مقامات وصروح!!
ياما وياما من بعادك تقاسيت !
.. .. .. وياما شربت الهم والحزن والنوح ..!!
وياما على صبر الأماني تحليت
.. .. .. اضحك وخدي فوقه الدمع مسفوح ..!!
وش حيلتي ياصاحبي لو تناسيت
.. .. .. شخصٍ هويته اصبح اليوم مذبوح ..!!
في ملّتك قلبي وعنّه تخليت ؟
.. .. .." ماظن يثمر لو جنى منه مربوح ..!!
افهم كلامي كانك الحين حسيت
.. .. .. الدرس واضح مايبي منّي شروح ..!!
ماعاد تفرق لو رحلت وتواريت
.. .. .. طعنتني واليوم انا مـنـك مجروح .!!
مع السلامه قلتها يومك مشيت
.. .. .. وخليت قلبي من سبايبك مطروح ..!!
الله لنا في ضيقتي لوّي شكيت
.. .. .. والله يعين الي غدى كله جروح ..!!






لكل العابرين http://www.xx5xx.com/vb/images/smilies/g-xx2.gif

[نظرة حياء]

كل عام وانت بصحه وسلامه
صح لسانك لافض فوك
شاعر يا أخي الكريم
الابداع أنت وأنت الابداع
بصدق أنا لا اميل لقراءة الشعر النبطي
ولكن ابيات قصيدتك رائعة تسلب الالباب
لا تحرمنا جميل إبداعك
فهنا يطيب لي المقام
وفقك الله وسدد خطاك

[الفارس]

في ملّتك قلبي وعنّه تخليت ؟
.. .. .." ماظن يثمر لو جنى منه مربوح ..!!
افهم كلامي كانك الحين حسيت
.. .. .. الدرس واضح مايبي منّي شروح ..!!

صح لسانك لافض فوك

كـ الغيم وأغدق ياغازي
للشعر درك ودُررك

[دموع الورد]

ماعاد تفرق لو رحلت وتواريت
.. .. .. طعنتني واليوم انا مـنـك مجروح .!!
كلمات جميلة المعاني
جميل ماخط قلمك الذهبي لنا أخي غازي
يعطيك العافية
لك خالص تقديري واحترامي
بانتظار جديدك المميز

[ضجيج الصمت]

شهرك مبارك أخي غازي..
قصيدة صدحت بها تغاريد قلمك بإبداع شعري متفرد
ولاغريب على شاعريتك ان تمتعنا ببوح راقي كعادتها رغم ماتحمله من آلم وتوجع الجروح
أبعد الله عنك كل جرح ورزقك سعادة لاتنتهي
في انتظار جديد تميزك
سلمت وبورك بك..

http://up.r99r.com/uploads/images/r99r-b6e94ee239.gif (http://www.eshrag.net/vb/redirector.php?url=http%3A%2F%2Fup.r99r.com%2Fuplo ads%2Fimages%2Fr99r-b6e94ee239.gif)

[zahra500]

موضوع جيد واصل و الله المستعان

[ميخائيل]

صح لسانك يابن عالي

احسنت ياشاعر الحب والاسى

[غادر]

ماعاد تفرق لو رحلت وتواريت
.. .. .. طعنتني واليوم انا مـنـك مجروح .!!
مع السلامه قلتها يومك مشيت
.. .. .. وخليت قلبي من سبايبك مطروح ..!!
الله لنا في ضيقتي لوّي شكيت
.. .. .. والله يعين الي غدى كله جروح ..!


صح لساانك يامبدع
والله قصيدة راائعه جدا