جراح الشام.!

[الفارس]

صوتية

Smule (http://khu.sh/usersong_51c0d90b097a4)


البدع
سلّم الدمعة عليه الآه تصعد ياجراح الشام
ياحليل العاجز اللي يبسط ايده مالقى شيّ ابها
غير حفنة من تراب القهر ينفضه ويعود له

دق زير الحرب سمعني الغطارف والدنيدني
عاث بشار وعلى روس البشر هدّم بنا دميشقا
والطيور اللي توقّع تشرب الدم من طرق حلب

ليش هدّمها على روس الارامل والرضيع ليه
لجل كرسيّه وكرسيّه حطب والنار شعبٍ ثاير
مايقاوم جيش قال: اللهُ اكبر نصر والا موت

ياكتايب حي حي على الجهاد وحي حي ونصرا
والا موت شهيد تعقبه الحياه وجنة الفردوس

يخسى حزب العلوي والله لياكل من جراح ايران
ذي بلاد الشافعية وابن تيمية واسود السنة
ذي بلاد ابن الوليد وبوعبيدة عامر الجراح

سوريا جرح العرب ياعاجزٍ ماتملك الا ادعاك
الجهاد انواع وادنى درجات النصر في ليل اظلم
مدّ كفك للسما وارفع عيونك وادّعه لها




الرد :
يارفيق الروح فالدنيا جرى انذال وجرى حشّام
اقدامي كانت تهز الارض لكنّ الزمن شيّبها
وانحنى ظهري وماظنّ الزمن يقدر يعودله

لو تحط الشمس في كفّ الدني يبقى الدني دني
والسما ماتمطر بمنجم الذهب لازم بن آدم يشقى
والرتب ماهي سوا هذا رعى الناقة وذا حلب

والسعيد اللي طرق باب السما والله رضي عليه
في دياجي الليل دمعة فوق سجاد الصلاة انثاير
ماهو اللي ينقضي ليله مع الشاشات والريموت

ابيموت الصقر ويموت الرخم والحمّرة والنصرا
والاسد والضبع والذيب وجمالٍ ماتوفـّر دوس

التجارب كنها مضمار وابن آدم جرا حيران
والليالي السود كم صدمة وكم شرٍ وسو دسّنه
ماله الا الصبر مادام الدوا في مشرط الجرّاح

انصت لصوت التجارب كلما مرّ الزمن ودعاك
وانظر انظر كم ملك قرّت له الدنيا وظلّم واظلم
وآخر المشوار.. وآروه التراب.. وودّع اهلها

[رجل اعمال]

.....