منتديات اشراق العالم

منتديات اشراق العالم (https://www.eshraag.com/vb/index.php)
-   قصائد الشاعر معيض العمري (https://www.eshraag.com/vb/forumdisplay.php?f=563)
-   -   قدر الرجال - للشاعر معيض العمري (https://www.eshraag.com/vb/showthread.php?t=625281)

الفــــــارس 11-09-2018 11:14 AM

قدر الرجال - للشاعر معيض العمري
 
سلام تسليم وصّى به حديث الرسول
اعمق من البحرواقسى من صخور الجبال
للديره اللي بها الابطال صارو حلول
من بعد مافارقو ديرة وهن وانحلال
طابور عسكر يخلّي الارض مثل الطبول
فيلق مطانيخ لو يحمى وطيس القتال
يصول ويجول ويجول ويصول ويجول
حتى تصير الجبال الشامخه كالرمال
يانخبة الفكر في جيل انعدام العقول
ياصحوة الشعر, ياصهوة حصان الكمال
وش رايكم بالديار اللي تربّي عجول
وتعادي اصقور وانسور وخيول وجمال
فيها مساحات حرّه للقحط والذبول
وافلام كرتون وقيان وشويّة عيال
هذيك ماهي لنا ..... لا والله الاّ تزول
دام انّها تجهل الشيمه وقدر الرجال
وانا هنا بين ظهرانيْ رجالٍ زحول
شاعر ولو همّشت شعري صروف الليال
في ديرة الطايله قمت ومقامي يطول
أهزَ غيم الشعر وارسل رذاذ وظِلال
شاعر وباعي طويل ولا جهلت الوصول
أقدّس الشعر ماخلّيه عبد الريال


الساعة الآن 12:44 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi