منتديات اشراق العالم

منتديات اشراق العالم (https://www.eshraag.com/vb/index.php)
-   قصائد الشاعر معيض العمري (https://www.eshraag.com/vb/forumdisplay.php?f=563)
-   -   شيلة ابن بركي اهداء إلى عبدالرحمن الفهمي (https://www.eshraag.com/vb/showthread.php?t=628054)

الفــــــارس 12-28-2018 05:32 PM

شيلة ابن بركي اهداء إلى عبدالرحمن الفهمي
 
شيلة( ابن بركي ) قصيدة مهداه من محمد السعدي لعبدالرحمن الفهمي . كلمات معيض العُمري/أداء علي المنجلي
http://eshraag.com/upload/viewimages/d309359831.png

سلام من شاعر على القمةْ صعد
يصافـح البــرق وينادي للرعـــد
يقلّط غيوم السما في دفتره
تصمت وتسمع مايقول وتستعد

هذي رسالة مدح خلّدها الزمن
من شاعرٍ شعره على الشارب جمد
فحوى الرسالةْ من محمد بن علي
على لســـانه طيّب المــعنى ورد

سلام يامن شمّر ذراعه وقام
يكفخ سواة الطير لا حان الهدد
يموج موج البحر في وقت النبا
ويمدّ يمنى الطيب ويصون العهد

إذا عطى يحرج ويعطي من سعه
واذا تأبّطْ شر ،، ما يــاوي لحد
هذا ابن بِركي والصداقة من دهَر
بيني وبينه كنها ســمن وشهد

ماهي غريبة وقفة الشهم الأبي
ابو تميم اللي على المجد استند
فهميْ وفهم اهل الفصاحة والكرم
ابوه واجـــداده من اعيان البلد

دمّ الشهامةْ في شرايينه جرى
يقْدِم ولا همّه عتاد ولا عـــدد
ما هو براعي لا ، ولا راعي نشوف
لا والله الاّ راعي ابشر بالسعد

سَمّيت باسمه والسماوه بالكفو
ترفع من الشان وتكسّبنا سند
لو كان تسمح لي سجلات النفوس
سميت ب اسمه كل ماجاني ولد !

YouTube


الساعة الآن 05:17 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi