[تاريخ الحب]

(18)
اليوم السبت .........
ناصر صحى من النوم مزاجه مقلوب من كلامه ابوه وام فهد البارح.......
ساره.. عادي.. اخذت شاور وصلت الفجر.. وتزلت تصب لها كوفي.. ذكرته..هههههه
ناصر: جالس على طرف السرير.. وحاط يده على راسه.. يارب.... تعينني..
رن جواله.. ابتسم.. هاذي نغمتها..
ناصر: احلى صباح .......
ساره: ههه صباح الخير....
ناصر: صباح الورد.. كيفك حبيبتي؟
ساره: اممم الحمدللله وانت؟
ناصر: واللي يسمع صوتك من الصبح يكون بأحسن حال.......
ساره: بدلع..ناصر.. وبعدين اياك.......
ناصر: ههههههههههههه اقولك انتي ناويه علي.....فطرتي؟
ساره: اممم لا اشرب كوفي وذكرتك.. وهي تقلده.. مابيها الا من ايدك الحلوه ياحلوه....
ناصر: ههههههههههههههه(خلاص نسى الهم).......وانا صادق.. ذكر شي كان ناوي يسويه... طيب اذا وصلت الدوام ادق عليك اوكي.....
ساره: طيب ... باي.....
ناصر.. متى تكونين معاي..... وجودك بس يطفي النار اللي بقلبي....
ساره.. ش فيني بيقول الحين ميته عليه.. ياربي هذا سوى لي غسيل دماغ.. اروح دوامي احسن.....
راحت الدوام......
دخلت مكتبها لقت عليه باقة ورد روز احمر كبيره.. وعلبة شوكولاته من باتشي,,
طالعت الكرت... مبروك عليك انا... ناصر....
ابتسمت.. واخذت جوالها.. وارسلت له مسج(شكرا .. ومبروك عليك انا بعد)
ناصر..هههههههه..
طبعا البنات .. اللي يحبونها ويتمنون لها الخير.. سلموا وباركوا لها.. اما الباقي.. نظرات غيره.. حقد وحسد .........
رغد: ساروووونه طالعه قمر في الحفله...
نسرين: خطيبك ماعنده ثياب .. ولا كأنه سعودي ابد......
ساره: ههههههههههه حركات وهي ترفع حواجبها...
رهف: ماقالت لك عايش كل عمره بره.. اكيد بيتأثر.. على العموم الف مبروك.. والله يتمم عليك بخير....
ساره: مشكوره يالغاليه......
طلعوا من مكتبها.. بدت شغل........

ناصر.. راح الشركه مروووووق.....

ابواحمد مدير ساره: طلبها لمكتبه وراحت له..
ابواحمد: مبروك يابنتي..
ساره: نزلت راسها.. الله يبارك فيك....
ابواحمد: اليوم عندنا اجتماع من شركة ابوناصر..
ساره: ايش؟؟
ابواحمد : هذ الأجتماع محدد من اسبوعين.. نسيتي؟
ساره: لا .. اكيد مسجل عندي..خلاص انا اجهز للأجتماع..
ابواحمد: هههههه.. طيب..
طلعت من مكتبه.. راجعت مفكرتها.. صحيح اجتماع.. ابتسمت..سبحان مغير الأحوال.. حتى ماقال لي .. طيب.......
ناصر.. ياحبي لها... مشتاق اشوفها في الأجتماع.. هههههههه تذكر نفسه لما طقها برجله... لالا مستحيل اسويها الحين... قلبي يعورني... يعني من قبل مايعورك عليها..
الأجتماع الساعه 10.......
ساره.. وناصر.. اوووف متى يجي الأجتماع...
الساعه 9:30 بدؤا اعضاء الأجتماع يحضرون..
وصل ناصر وابوه الشركه.. ابوه راح لغرفة الأجتماع...
ناصر... سلموا عليه موظفين يباركون له..
جوا ثلاث بنات مايعات.. مبروك استاذ ناصر.. وين حلا الخطوبه.. مالك حق ماعزمتنا واحنا زملاء..
ناصر:؟؟؟؟؟؟؟؟؟؟؟؟؟؟؟؟؟؟ عشان كذا ماعجبتني غير ساره..
ساره: طالعه من مكتبها.. شافت البنات.. وافقين معاه..
ناصر: انتبه لها.. بينهم مسافة 4 امتار تقريبا...... جات عينه بعينها..
ساره: رفعت راسها وراحت غرفة الأجتماع...
ناصر:تغاااااااااااااااااااار....امووووووووووت فيها... تركهم بدون مايرد عليهم....... لالا كل شي ولا زعلها..
ساره: هين .. واقف تكلم بنات.......وانا ذاك اليوم تصرخ علي وانا ماصرت زوجتك..طيب.....
راح يبي يكلمها مالقاها بمكتبها.. راح غرفة الأجتماع لقاها هناك جالسه ومعها موظفين وموظفات... مايقدر يكلمها..
جلس كالعاده قدامها.. يطالعها.. نظرات البرود والحقد.. تغارين علي..
ساره: هين.. والله لأخليك تندم.. ولا كأنه موجود.. رفعت نظرها .. جات عينها عليه.. يبتسم.. عطته نظرة تحدي..
ناصر: اقول لكم بتجنني....
ساره: رجعت الكرسي على ورا عشان مايطقها برجوله...
ناصر: فهم حركتها..وبينفجر ضحك.. ولا يدري وش السالفه.. ولا يسمع ش يقولون..
يتأملها..معقوله صرتي ملكي ياساره...
ابوناصر: لالا اعتقد ان ولدي عنده راي ثاني.. والا اش قلت..
ناصر:...........هاا........... ايه.. انا اقول ان الميزانيه لهذا المشروع..........
وطبعا الأخت ساره اكيد عندها وجة نظر..
ساره: نظرات تحدي. . انا موافقه على كلام ابواحمد(عشان بس تعارض كلامه).....
ناصر: ايي بموت قلبي ... بطني بموت ضحك... تجننن ياناس... حتى وهي زعلانه امووت عليها... صوتها نظراتها... كل شي..
ابوناصر: التفت لولده.. خطيبتك في البيت.. اثقل شوي.. حتى هي صايره اثقل منك..
ناصر:آآآآآه ... لو تدري اللي اش مسويه فيني..
وانت مخاصمني بعيونك.. تحلو وتعجبني اكثر..
يتغير صوتك واحساسك.. وملامح وجهك تتغير..
اتغلى وعذب اشواقي.. ياكل احبابي وعشاقي..
وتحلى الدنيا بعيني.. لما بنظره تخاصمني.....

خلص الأجتماع..
ساره راحت مكتبها..
ناصر......وراها........ دخل مكتبها وسكر الباب.....
قرب منها..وقف جنبها...
ساره: احنا بمكان عمل.. بدون ماتطالعه..
ناصر: طيب... ابي اشوفك الليله.....
ساره: اشوف......
ناصر: ابتسم....تتغلى... طيب ادق عليك ..
طلع بدون ماترد عليه.....
ناصر: وده يروح البحر ويصرخ بأقوى ماعنده .....احبهااااااااااااااااااااااااا......
ساره.. اش فيني.. معقوله اغار عليه.. احبه .. مستحيل...... لكن ليش تضايقت لما شفت بنات واقفين معاه.... ياربي هذا بيجينني......

المغرب.. رجعت بيتهم..
بعد ماصلت واخذت لها شاور...
الحمدلله مااتصل يعني مابيجي.. وانا ليش استناه.. مشتاقه له..لالالا مستحيل..
لبست تي شيرت طويل لنص الركبه نص كم.. لونه وردي فاتح وفيه رسومات وكتابه بالاسود.. وسروال برمودا ضاغط اسود....وقفت عند المرايه فتحت شعرها...حطت لها كحل وغلوس وردي...... اوو ه انا صدق حلوه........

جلست قدام التسريحه...... امممم... تفكر في بكره..

دخل سلمان..
ساره: وجع سلمانوه ليش ماتدق الباب......
سلمان: كيفي يالدبه... الله يعين خطيبك عليك..
ساره: دبه.. هين انا اوريك .. وراح يركض ولحقته بمخده.. نزل الدرج وهو يركض
وصلت الصاله.. وهي تركض وماسكه المخده في يدها......
وقفت......
تركي:وهو يضحك ويأشر.. راح المجلس....
ساره :هين والله لأذبحه... راحت بشويش.. مسكت الباب وفتحته بقوه.. جاك الموت يا................................................






كان واقف بوسط المجلس ومكتف ايدينه وجنبه سلمان..
ناصر : ياشنو.............
ساره: بلعت ريقها..طاحت من يدها المخده.. ناصر... ونزلت راسها.......
سلمان: ضرب كفه في كف ناصر.. جبناها.. وطلع
ساره: تخصرت.. متفقين علي ها..
ناصر: هههههههه..جن على حركتها.. مابتسلمي علي......
ساره: تقدمت بشويش.. مدت يدها وسلمت عليه... تبي تشيل يدها وهو لسه ضاغط عليها... وبعدين معاه..
ناصر: يطالعها.. تجنن.. وهي لافه وجهها عنه... مسكها من خصرها.. وهي حطت يدها على صدره تبي تبعده.....
ناصر: وهو يمسح على شعرها.. زعلانه؟
ساره: تتصنع البرود واللامبالاة.. لا وليش ازعل يعني؟
ناصر: امممممممم اجل ش فيك اليوم لما شفتيني واقف مع بنات......
ساره : عادي كيفك .. كلم بنات.. انا بعد في مليون عميل بيجي..
ناصر: مسكها من اكواعها.. وهو معصب,,, ساره لا تستفزي اعصابي هالكلام مااحبه.. فاهمه....
ساره: نظرات خوف بعيونها.. ايه..
ناصر: حس انه خوفها..... مسك يدها وجلسها جنبه.. وباس جبينها..
وهو يمسح على شعرها.. حقك علي.. وبعدين هالبنات ماهموني من قبل.. يهموني الحين.. وانتي عندي.. كلهم مايسوون تراب رجليك..
ساره:............................,, لا تعصب علي مره ثانيه..
ناصر: وانتي بعد اوزني كلامك معي..
ساره :زين..
ناصر: ههههههه.. لا موبايلي..
ساره: ههههههههه,, صحيح ثقيل دم......
ناصر: مو مثل دمك العسل..وقرص خدها...
ساره: وبعدين معاك..
ناصر: يغني.. ابتسم هدي اعصابك..خلي راسك بين ايديا..
وخذ بوسة صلح مني .. كافي تدلل عليا..
تدلل عليا.. تدلل عليا..تدلل عليا..
ياهبة ربي من السما واجمل هديه..
ومال على خدها وباسها..
راح للعشرة اعد لك شو تعال بوسني من مره ابوسك .. حبيبي....
ساره: وهو يغني حاطه يدها على خدها وتطالعه.. بعد ماخلص... غطت وجهها بكفها..
ناصر: امووت انا..........طيب متى تبي يكون زواجنا..
ساره: بلعت ريقها... زواجــ نا.. تو الناس....
ناصر: انا ماقلت بكره او الأسبوع الجاي... متى تبين بالضبط..
ساره: طيب وين راح نسكن؟
ناصر: فهم عليها.. ام فهد.. مع اهلي.. شقتنا راح تكون بالدور الثالث......
ساره: نزلت راسها يعني راح اكون معهم ببيت واحد..
ناصر: حس فيها... خايفه من ام فهد.. حضنها وصار راسها على صدره.. وهو يبوس راسها.. لا تخافي حبيبتي.. ام فهد طيبه صدقيني لما تعرفك عن قرب راح تحبك..
ساره: رفعت عينها بعينه........وامتلت عيونها دموع.. يعني قبل ماابدى حياتي معاه في مشاكل........ ياربي تصبرني..
ناصر: لا تبكين حبيبتي مااقدر اشوف دموعك.. صدقيني محد راح يتجرأ يزعلك..
ساره: خلاص مو قادره.. دفنت راسها على صدره عشان مايشوف دموعها..
حاول قد مايقدر يهديها.. وبعدين روقوا ...
ناصر: طيب حبيتي غمضي عيونك الحلوه......
ساره: ليش؟
ناصر: عندي لك شي..
ساره: شنو؟؟
ناصر: وبعدين.. غمضي ولا تسألي..
ساره : طيب.. غمضت عيونها..
ناصر: اوكي افتحي الحين..
ساره: فتحت عيونها.. كان جايب لها سلسال ذهب ابيض.. والحرف على شكل ثلاثه احجار الماس.. الأول والثاني حجمهم صغير.. انا الثالث كان الأكبر والأحلى..
ساره: نزلت راسها.. كأنه يقصد شي بالأحجار الثلاثه.. حز في نفسها. . يعني تقصد انك الثالث في حياتي... حست بغصه.. جرحتني بدون ماتقصد......
ناصر: حبيبتي ماعجبك.. اجيب لك غيره بكره ولا تزعلي......
ساره: رفعت وجهها الا عجبني.. يكفي انه ذوقك..
ناصر: قرب لعندها وحط عينه بعينه... اكيد..
ساره :اكيد..
ناصر: طيب البسيه.. ابي اشوفه عليك..
ساره: ااممم خليه بعدين..
ناصر: وهو يشيل السلسال من العلبه.. لا الحين قربي لعندي..
ساره: جيبه انا اعرف البس لحالي..
ناصر: لا ماتعرفين انتي بزر..هههههههه تعالي..
ساره: مابي..وتكتفت ومدت بوز.. ليش تعاملني دايم مثل الأطفال........
ناصر:هههههههههههههه في نفسه.. تسوين كذا وماتبيني اعاملك مثل الأطفال.. طيب حقك علينا ولا تزعلي... تعالي ياحرمه......
ساره: .........................
ناصر: يعني ماراح تجين...طيب
قرب لعندها... وهي صار وجهها مقابله...حوط رقبتها بأيدينه.. وهي خلاص.. وجههاا قلب جميع الألوان وصار وجهها فراوله(حلوه فراوله).. ولما جا يبي يقفل القفل.. صار وجهها على رقبته وهو نفس الشي وجهه على شعرها ومميل عشان يقفل القفل..
ناصر هنا.. حس انه بيتهور.. حضنها بقوه.. وهي حست بقوة ايدينه لكن ماتألمت..
بعد.. باس جبينها.. وهو يمسك السلسال (متعمد عشان يلمس نحرها اللي مجننه).. كذا احلى.. والا اش رايك..
ساره: ايه رفعت وجهها .. شكرا..
ناصر: بس شكرا...
ساره: لفت وجهها.. ايه..
ناصر: يلا تمونين...العفو......

وكملوا القعده سوالف وضحك....
بعدين جو اخوان ساره.. سعد وعبدالرحمن..
عبدالرحمن: قومي ساره قولي لهم يجهزون الشاي,,
ناصر: لا انتي اللي سويه..
ساره: تخصرت.. لا.. على بالك مااعرف.. انا اطبخ احسن من الشيف رمزي..
سلمان :اشوفك دبه مثله.. ورفع حواجبه..
ساره: ماشي ... حسابك بعدين
ناصر: سلمان لالالا .. كل شي ولا ساره..
ساره: رفعت راسها.. مبسووطه.. وقامت ..
جهزت الشاي والقهوه ومكسرات وحلا مسويته من العصر..
صبت لهم الشاي.. وجلست جنب ناصر.. صبت له شاي وقربت له صحن حلا..
ساره: تفضل .. انا مسويته..
ناصر: همس في اذنها.. اكيد حلو من يكفي انتي مسويته ياحلوه..
ساره: نزلت راسها... ناصر اخواني قاعدين...
ناصر: هههههههههههههههه...
ساره كانت مبسووطه ان ناصر يحب اهلها خاصة اخوها سعد.. بعكس ماهر اللي ماكان يحب اهلها ولا قعدتهم.. اووه وانا ليش افكر فيه......
ناصر وهم قاعدين ماسك يدها.. وهي منحرجه من حركته.. لكن جواتها مبسوطه ... وماتدري ليش....

في بيت ابوناصر..... جات بدريه مع ولدها وبنتها.....
بدريه : اقول .... وين ناصر.......
ندى: وين يعني.......واحد خاطب وين بيكون يعني......
ام فهد : اكيد مع ست الحسن......
نوره: يمه ...اش فيك عليها..
بدريه: صحيح يمه اش فيك مو طايقتها .. مع انها حبوبه ...
نوره : انا اقولك ليش.. امي مو موافقه عليها من الأول .. كانت ناويه تخطب له مشاعل بنت خالتي.. وهو خطب ساره قبل.....
بدريه: مشاعل؟؟؟؟؟؟؟؟؟ مستحيل ناصر يرضى فيها....
ام فهد : ش فيها مشاعل جمال واصل وفصل.....
ندى : نسيتي اهم شي.... العقل..
بدريه: ندى معاها حق.. ناصر مستحيل يقدر يعيش معاها هاذي عقلها صغير ...
نوره :كل تفكيرها في المطربين وستار اكاديمي والمجمعات والجوال....وبعدين حتى ثانويه ماكملت..
ام فهد : شوفوا مشاعل بنت اختي ماعليها كلام بس اخوكم اللي مايعرف يختار..
بدريه: انتي تعرفين ناصر مايسوي الا اللي براسه.. وهذا اختياره..
ام فهد : نسيتوا هيفاء بعد كان اختياره.. وشفتوا بعيونكم اش صار..
نوره : لكن احس ساره مختلفه 180 درجه عن هيفاء.. اساسا مافي مقارنه... شوفوها بس كيف تعامل عبود..
ام فهد : تجامل اخوك بس......
بدريه : يمه حاولي تحبيها.. عشان ناصر.. وبعدين هي راح تعيش معكم ببيت واحد..
ام فهد : ايه ..... اللله يستر منها هالمطلقه.....
ندى ونوره وبدريه في داخلهم : مافي فايــــــــده.. كارهتها ومستحيل تتقبلها.. الله يعينك ياساره.......

في بيت ابو عبدالرحمن........
ناصر: يلا انا امشي...
عبدالرحمن: اهلا وسهلا فيك اسمح لنا على القصور.......
ناصر: مامنكم قصور.....
سعد :الله معاك...
وقامت معاه ساره توصله للباب.......
وصلوا للباب......
ناصر: يلا توصي شي..
ساره: سلامتك..
ناصر: امممم.. سلامتي طيب...
مسكها من خصرها وباس خدها..
ساره :وهي تبعده .. ناصر مو هنا لا يشوفنا احد..
ناصر: يطالعها وهي منحرجه.. عادي زوجتي وكيفي...مسكها من ذقنها ورفع وجهها وصار قريب مرره منه. . وبعدين معاك.. كم مره اقولك ارفعي راسك..
شفايفها تجنن... صغار ومليانه.. والغلوس مخليهم احلى واحلى..
جا يبوسها.. لفت وجهها ..
ساره: بدلع.. مو هنا..
ناصر: ههههههههههه.. طيب... باس خدها.. مع السلامه..
ساره: الله معك..
طلع من بيتهم.. وقفت عند الباب لي ما سمعت صوت سيارته..
راحت غرفتها....
ياربي........ غمضت عيونها وتذكرته لما نزل عند شفاتها.. حطت يدها على شفايفها.. وضحكت مجنون.. لالا ماراح اكون سهله بين ايده..

ناصر.. رجع بيتهم... طبعا الأبتسامه على وجهه..
ناصر: السلام عليكم..
وعليكم السلام..
ناصر: بدريه اليوم عندنا..
ندى: هي عندنا بس في واحد عندنا ومو معانا..
ناصر: احد يسوي عليها بلوك هاذي ويريحنا....
نوره :هههههههههههههههه ياريت والله..
بدريه :ايه شلونك اخوي.. واخبار ساره..
ناصر: ابتسم.. قلتيها.. ساره موجوده.. انا باحسن حال..
ام فهد : لا تسوي منها شي كبير.. ماقررتوا متى الزواج.....
ناصر: لسه.. جو عيال بدريه ومعاهم عبدالله.. سلموا على خالهم. . وحط عبدالله في حضنه.....
عبدالله: ماجات معاك ساره؟
ناصر: ضحك.. لا ماجات ليش؟
عبدالله :انت قلت بتجيب معاها اسكريم..
ناصر: ايه لكن الحين الجو بارد تمرض بعدين..
عبدالله : زين قولها تجيب حلاوه...
ناصر: وهو يبوس فيه.. ان شــــــــاءاللله .. كم عبود عندي.......

ناصر.. ساره..
كل واحد قبل ماينام.. يتذكر الثاني في كل شي.... ويقارن بينه وبين الماضي..
في شي في قلوبهم ل بعض.. لكن الماضي لسه مأثر عليهم..
ساره.. ماراح اكون سهله ومطيعه واحسسه اني له بقلبي مكان..
ناصر.. لازم ماتحس لأي درجه اني احبها.. انا اموت على تراب رجولها.. لكن لا مستحيل اخليها تحس بهالشي.. عشان مااكون ضعيف اكثر قدامها.. ابتسم ..
تذكرها لما حاول يبوس شفتها... امووت على خجلها...... تذوبني..
ساره... تفكر في بكره وخايفه......من ناصر كزوج..متى بيكشف عن وجهه الحقيقي.. ام فهد... ممكن تجيب لي مشاكل. . يالله مابي افكر.......

رن جوالها ........مسج.......من ناصر..
ابتسمت.. فتحتها رابط...
اغنية كاظم..
احبك جدا.. واعرف اني اعيش بمنفى... وانتي بمنفى..
وبيني وبينك..ريح.. وغيم.. وبرق.. ورعد.. وثلج ..ونار..
واعرف ان الوصول لعينيك وهم..
واعرف ان الوصول إلى شفتيك انتحـــــــار..(مركز على هالكلمه)
ويسعدني..ويسعدني ان امزق نفسي لأجلك ايتها الغاليه..
ولو خيروني لكررت حبك للمره الثانيه..
ايامن غزلت قميصك من ورقات الشجر..
ايا من حميتك بالصدر من قطرات المطر..
احبك جدا.. واعرف اني اسافر في بحر عينيك دون يقيـــــني..
واترك عقلي ورائي واركض خلف جنوني..
ايا امرأة تمسك العمر بين يديها..
سألتك بالله لاتتركيني.. فماذا اكون انا اذا لم تكوني..
احبك جدا.. وجدا... وجدا...وارفض من نار حبك ان استقيلا..
وهل يستطيع المتيم بالعشق ان يستقيلا..
وماهمني ان خرجت من الحب حيا..
وماهمني ان خرجت قتيلا.

ساره:؟؟؟؟؟؟؟؟؟؟؟؟؟؟؟؟؟؟؟؟ معقول لهادرجه.. لكن للحين ماقالها بلسانه.. احبك...
ناصر.. اش فيني انا توي اقول ماراح اعبر لها اكثر.. صحيح لعبت بعقلي..

ساره ماقدرت ترد عليه.. طنشت ونامت...
ناصر.. ليش ماردت... طيب...

بدوا يجهزون شقة ناصروساره..
وطبعا ناصر يسأل ساره عن رايها بكل شي.. لون الصبغ ..الأرضيه ..لازم ياخذ رايها بالأول.. وهي مبسوطه...
ساره.. بدت تجهز لزواجها.. اللي تحدد بعد ثلاثه شهور.. طبعا هي اللي حددت..
ناصر... طول ايام الأسبوع مايشوفها الا خميس وجمعه.. واحيانا يفاجأها بالدوام ياخذها ويتغدوا مع بعض او يجي ويجيب معاه كوفي او كيك او شكولاته.. او تجي الصباح تلقى باقة ورد على مكتبها.. وطبعا احيانا يجي عبدالله معاه.. سارة تنبسط.. احسن عشان مايفكر يسوي لي شي..
ناصر.. ماحاول مره ثانيه يبوسها .. وقال خليها بوقتها.. عنده عناد مو صاحي..
ساره.. مرتاحه لكن في نفس الوقت خايفه.. ناصر ماحاول يتمادى معها اكثر.. يحضنها ويبوسها على خدها وجبينها.. وبس........

اخيرا... خلصت الشقه... والزواج بعد اسبوعين.. في افخم صاله في الدمام..
يوم الخميس.........
ناصر دق على ساره........
ناصر: هلا ب سارتي......
ساره: ههههههه .. اهلين..
ناصر: فديت الضحكه وراعيتها انا..
ساره: تسلم...
ناصر: لازم اشوفك اليوم..
ساره: لا.. مافي الا ليلة الزواج.....
ناصر :ايششششششششششش.. تبين تصيرين ارمله قبل ماتتزوجي؟؟
ساره: بعيد الشر ش تقول ..
ناصر: مو انا اموت لو مااشوفك..
ساره: بدلع ناصر وبعدين معاك..
ناصر: لاحووول .. اذا تغزلنا فيها قالت وبعدين..واذا عصبنا قالت انت تخوفي .. حيرتيني..
ساره: ماعندك وسط ......
ناصر: وهو يضحك.. لا عندي دفاع....
ساره: هههههههههههه ياثقل دمك ساعات..
ناصر: طيب... اسمعي كل اهلي عمامي وعماتي بيجون شاليه ابوي الليله .. تجين..
ساره: (كلهم.. مافي واحد يحبني)... ماادري.. اخاف من الزحمه..
ناصر: وانتي ش عليك من الزحمه.. انتي بتكونين معاي وبس...
ساره :اممممم.. لالا مابي اروح..
ناصر: عشان خاطري..
ساره: ............... ماادري....
ناصر: خلاص امرك الساعه 7 باي......
ساره: الو.. الو.. سكره ........ يعني اروح غصب عني......

رجعت من الدوام.. الظهر...
ام عبدالرحمن: ماتبين غدا يمه....
ساره: وهي تركب الدرج... لا بنام لحد يزعجني......
راحت غرفتها.. بدلت ملابسها..
دقت على ناصر..
ناصر : هلا حبيبي......
ساره: اهلين(للحين ماقالت له حبيبي).. ابي اقول لك شي بس لاتزعل مني؟
ناصر: تتكلم مثل الأطفال.. طيب قولي..
ساره: مابي اروح..
ناصر: وليه؟
ساره :مدري.. قلبي مو متطمن..
ناصر: افاااااا.. انا اش قلت لك من قبل... طول ماانتي معاي محد يقدر يدوس لك على طرف.. واللي يجرب بوديه ورا الشمس سمعتي,,,
ساره: كلامه خوفها, , لكن في نفس الوقت حست بالأمان...امم طيب عشان خاطرك بس..
ناصر: تسلمي يابعد عمري انتي.......
ساره: لكن اذا قلت لك رجعني.. ترجعني..
ناصر: اوكي.. كم ساره عندي...
ساره: هههههه تسلم يارب... باي.........
انام الحين واصحى المغرب,,,,,, نامت..معقوله كلها اسبوعين وبنام جنب ناصر.. ابتسمت بخجل..مدري احساس غريب.. لكن في النهايه هي خايفه........حضنت مخدتها ونامت........

ناصر.. رجع بيتهم الساعه 4... البيت فاضي... سأل الخدامه.. قالت له كلهم راحوا الشاليه..ناصر: هههه راحوا عني.. بروح انام لي ساعتين.. راح لغرفته.. وبدل ملابسه.. نام على السرير..ناظر جنبه..تحسس المخده الفاضيه.. متى تكوني جنبي ياساره........الأيام تمشي ببطئ..ونام.........

المغرب....... صحت ساره.. اخذت لها شاور... وصلت المغرب..
اممم شنو البس.. الجو حلو موبارد.. طيب هذا حلو..
لبست فستان ناعم.. ابيض ومطبوع فيه وردات بالأخضر والوردي .. بدون اكمام .. وفتحته من فوق على شكل مربع .. وفيه خط مكسر تحت الصدر ..رن جوالها.. مسج من ناصر.. حبيبتي.. رايحين بالهمر..
ساره: هههههههه.. طيب.. لبست جزمه بدون كعب ... لونها وردي فاتح..وفيها ورده ناعمه من جنب.. اممم وخلخال .. حطت زي العاده ميك اب ناعم.. وجلست تستنى اتصاله..
ناصر.. طبعا جينز ازرق.. وتي شيرت كحلي وجزمه سبورت... رجع شعره على ورا ولبس كاب كحلي وطلع..

وصل بيت ابوعبدالرحمن.. دق عليها..
ناصر: هلا حبيبي.. انا عند الباب..
ساره: اوكي نازله .. باي.. ونزلت تركض..
وقفت عند الباب تعدل شيلتها.. اممم انا اش فيني اركض.. مشتاقه له .. لالالا..
طلعت من بيتهم.. لفته واقف عند باب السياره.. جنت عليه.. اول مره يلبس كاب..
ناصر: وهو يطالعها من فوق لتحت.. هلا وغلا.......
ساره :بخجل.. اهلين..
ناصر: فتح الباب ومسك يدها.. تفضلي..
ساره: اممم اقدر اركب بروحي..
ناصر: ههههههههه ادري وانا اقول صايره قزمه الا جايه بدون كعب...
ساره: تركت ايده.. انا قزمه.. هين ولفت بترجع البيت..
ناصر: مسك يدها.. امزح معك.. يلا اركبي..
مسك يدها وركبت..سكر الباب وركب ...
ناصر: زعلانه.. وهو يضحك..
ساره: وهي متكتفه.. ايه ولا تكلمني..
ناصر: قرب لأذنها وهمس.. حتى وانتي زعلانه اموووت فيك..
ساره: نزلت راسها..
ناصر:هههههههههه...
شغل المسجل وحط اغنية عبدالله الرويشد.. حبيبة قلبي..وهمس بأذنها... مني لك...
ساره: ابتسمت.. تحب هالأغنيه..

وصلوا الشاليه..........

نزلوا..