الشاعر بن معلاي الكبيسي...انا مبداي من راس فلا هو بالشعـر شقيـان
انا مبداي من راس فلا هو بالشعـر شقيـان *** اصب القاف من فكري على سيسان بانيهـا
برمشه عين تاتيني كما صارت مع سليمـان *** عروش وملكها تأتي لـك الله يـوم اناديهـا
شياطين وعفاريت تطيـع اوامـري والجـان *** على كـل فـج اسريهـا هداهدهـا تدليهـا
عروش للملوك اللي لها هيبـه بكـل اديـان *** بلا كره تجي طـوع لمنهـو صـار هاديهـا
امان وفي للجاني الـي منـه غـدى منهـان *** أخفف روعته تبدي لـه الشمـس بدياجيهـا
انا شوق المها اللي لها وصف من الغـزلان *** تكحـل عينهـا منـي الـي جيـت لافيهـا
هنوفٍ خصهـا ربـي بلاكـذب ولا خـذلان *** ألاسبحان من صور جمـال اليوسفـي فيهـا
لها قد الي شفتـه تروالـي غصيـن البـان *** تشيـل اردوف ياغربالهـا والله مواطيـهـا
بدى في عينها سحر لهاروت وعلى الامتـان *** نثر من فوقه اجعودٍ بدهـن العـود كاسيهـا
لواحظهـا بهـا قلبـي مديـم دايـم ولهـان *** وسط عينـي مديـم زولهـا دايـم اناجيهـا
فتون وفتنه الفتنـه تفـت بلفتهـا شيخـان *** سهام الموت مكنونـه وسـط نجـلٍ تخبيهـا
تحارب حلف محشود بغبيب أو جوه أو بران *** بسنـه هندوانـي جميـع حشـود تمحيهـا
عشقت القاف من شانه وليفي كأحل الاعيان *** رسمت احلى معانيها لجـل خلـى وداريهـا
الي كثره بحور القيل انا السـردال والربـان *** فهيـم كيـف مدخالـي بغبـات خوافيـهـا
شربت بحورها مثل الذي يشرب من الفنجان *** فجوج الارض في كفـي وتتبعهـا رواسيهـا
انا المبعوث لاشعار الى صارت بها نقصـان *** بعلم وحنكـه محنـك علـى سـاس اخليهـا
بدى ذكري على كل مبتدا يبدونـه الاعيـان *** ورعيـان وخـدم وملـوك الارض تبديـهـا
ارتل في معانيهـا تشـوق شيـب وشبـان *** قصيدي شبه منـزل الا يـا مـن تجاريهـا
فلا لك بد من ترتيلها يا مـن تبـي غفـرانحسان *** يها تجي لجلك وضاعف لـك حسانيهـا
من الهادي تشرف كل منهو اخـره عدنـانوان *** ا من ساس قحطان اشرف كل مـن فيهـا
الى بينت في محفل غدى جمهورها طربـان *** يصفـق منتشـي فـرح وأمثالـي يحيـهـا
نقشت ابيات في صم الصخر تبقى مع الازمان *** ترددهـا جميـع الانـس ترسلهـا وتهديهـا
بدى لي حسنها مرمر نثر من فوقه المرجـان *** عليها لمعت بـروق تنيـر ادروب ماشيهـا
الى بينت في ليله على دنيـا ازيـل احـزان *** كمـا فضـل الآهـي ليلـه القـدر بلياليهـا
دعوني الناس في هذا الزمن رمز غدى رنان *** اجيد ابيات تبديهـا الخلايـق فـي حكاويهـا
تزعمت القصيد اللي يهز وبدعـت الالحـان *** مليت الكون ذا كلـه مـن ابيـات ومعانيهـا
حوى صدري قصيدٍ ماحكي بـه كايـن كـان *** من عصور تقضت وانتهت وابـدت لتاليهـا
ألاياهل الهوى غبه غياهيب مـن الطوفـان *** ملت سبع الاراضـي ثـم غطينـا عواليهـا
طويت الارض فـي كفـي كمـا الجداليهـان *** عضيده غيص في قوع الهواليـن وبلاويهـا
خبير بنبره الغاصه نجـاه وشـوق الغرقـان *** مناه ارجال فـي غبـه غبيـب دوم واعيهـا
انا كم للشعر حطيت بنيـان علـى سيسـان *** بدعت فنونها وارسم من افكـاري وماريهـا
تولعت بهوى مياده مالـت لهـا الاغصـان *** تمد اكفوفها لجلـي وانـا نفسـي مشقيهـا
لها عنق الغزال اللي يذيره جمعـه العـدوان *** بدى ثلج الهضايب في نواصيهـا مصافيهـا
عقيق احمر على وجناتها من غالي الاثمـان *** عيونٍ ناعسه يذبـح دعجهـا مغـرمٍ فيهـا
رشف من ريقها رشفه وحيدٍ بالهوى ضميان *** تهنـا عقبهـا لاخـر حيـاه لـه يمنيـهـا
زلال من ثمـان كنهـا حـب مـن الرمـان *** بها كوثر جرى والله من مجـرى مجاريهـا
الي داست على ارض محل تازي كما البستان *** ورود اوفل وازهـار وبلابـل فـي اغانيهـا
على راك الهوى غنا طروب طاير الاشجـان *** يـردد حسنهـا دايـم علـى زيـن يهنيهـا
فتاةٍ هايـم فيهـا ولانـي بالهـواى خـوان *** اتابـع كـل منطـوق تبـدى فـي اشافيهـا
أنا لولا الهواى ماشفت أحزان لهـا الـوان *** ولاغنيت في حـزن مـن الفرقـى ولاحيهـا
ولا ابديت مكنوني عقب زود الستر باعـلان *** ولا ابدى على عينـي لذيـذ النـوم جافيهـا
ختمت القيل من راس فلا هو بالشعر شقيـان *** أصب القاف من فكري على سيسان بانيهـا
الشاعر أحمد بن معلاي الكبيسي
|