ناديت : ياليلى , وقالت : جايه
... لـمّا دنَتْ..غنّيت : ياعــــلاّيــه
قالت وغسّاق الخجل يغشـاها:
..أربع عصافير وصقَـــر ورْوايــه .!
قلت: ابشري ياطير جنّة روحي
.. تلك الحكايه ماهي ايّ حْكــايه
جيتك أنا والشعر صفـّاً صفّــا
.. والشعر بــوح الروح ماهو غــايه
أُرْسـِل الى قوم الشرف واعطاهم
.. بشْارة النصر , وفشق رمّـــايه
ينطق وهو فـ المهد : ياااا أبنائي
.. إنّي رسول الشعر ,,, إنّي آيـه
قالوا: كفرنا يالغـــلام الســاحر
.. ثمّ ابتسم واجثى على التكّايه
قال: اكفروا بالشعر, وانا اوعدكم
.. (سـَتأمنوا وسَـأحّمِــلنَّ الرّايــه)
أعود ياليلاي وانتي ليــــــلي
.. واستأذنك واستأذن القَــرّايه
هذي حكاية شعر مايفهمها
.. مستشعرين الدار والهــذّايه
" أربع عصافير وصقَر" . بـَـحْكيها
لــ اطفال داري بالسنين الجــااااايه