نقدم لكم نص قصيدة
الشاعر لولوه الدوسري خلال مشاركتها في برنامج فرسان القصيد .
نص القصيدة
نهلنا قراح العز لو سلسبيله راج
ولا اروى ظمانا غير غرفة ايادينا
ضوينا مروة لين صار اسمنا وهاج
وتذرى بنا اللي كان الاول معادينا
كسبنا الصدارة يوم فازوا بها الكلاج
رجالٍ أبو أن يطرى بالذل ماضينا
تحاموا لأرض الدار قطاعة الأوداج
ذوي سطوةٍ حطت عقابٍ لمبلينا
كرامٍ يصير الصخر من مدهم كالعاج
نفيسٍ ماثُمن بالذهب وان تغالينا
ملونا مفاخر لين صار الفخر له تاج
مالُبّس على روسٍ ماهب مننّا وفينا
الين اعتلت هاماتنا فوق كل سياج
وتسمت على أرض الجزيرة أسامينا
في ليلة سراها طيب الذكر دون سراج
قصد أرضها اللي ما لأعدائها مينا
على ظهر عيسٍ مشيها يلحقه عساج
من الندر اللي وصفها كنْه يغرينا
الين اقبلت في جيشها تستثير سهاج
كأن الثرى من وطيها مايذرينا
تراعد أمام صفوفها شرذمة وعجاج
وهي كنها اللي تقول لاخصامكم جينا
وبرك في النحور الموغلة بغلها وساج
الين ارتوت كبده من النصر واروينا
ياليلة دليل الحق عن دربها ما ماج
تبارك بها تاريخ الاسلام مهدينا
تحت أمرة آل سعود جا نورها بلاج
بعد ما استثيرت همته قبل يدعينا
يانخوة معزي يوم دمه عليها هاج
لنا أسوةٍ بك يوم نطلب معالينا
لك اسمٍ لسان العود منّه غدى لهاج
كبار العزاوي تحتمي به وتحمينا
ليا قال اخو نورة فهو في خصومه لاج
تباشير نصره من ورى طويق تلفينا
إلى اليوم ياداري وحنا ذرى المحتاج
وطن لو ينادي داعي الحرب لبينا
خصيم السعودي مايلاقي ذرى واعلاج
وحليفه نمد دواه والسم مالينا