الغاز ذكاء شعرية
لغز والاجابه فقط والهدف منه تسهيل الوصول للالغاز
طبعا الالغاز المحلوله فقط
اللغز الاول
انشدك عن رجل سكنت داخله بنت "=" البنت عذرا والنشاما يبونه
الرجل شاف الذل من سكنت البنت "=" والبنت شافت عز عقب المهونه
الاجابه:الملك النمرود والبعوضه
اللغز الثاني
انشدك عن عذرى تبكى يليا دموع * وعمرها يفنى بكثرة بكاها
هى مالها ركبة ومالها كوع * والناس تشريها وتظهر بكاها
الاجابه:الشمعه
اللغز الثالث
انشدك عن تسعه وثلاثين شيطان
تقابلــوا في راس ريع الندامـــــــــه
لاهم بني ادم ولاهم من الجـــــــان
رجال عرف وشيخهم به غشامـــه
سخرهم الله له وله بينهم شـــــان
شيخ على عرشه وصاحب زعامه
الاجابه:الشطرنج
اللغز الرابع كل ابياته اللغاز
سألت عن طير وله اسم رجال وبلا جناح يطير رايح وغادي
واذا يغني م الفرح جر موال حتى ولو هو في القفص ذاك عادي
وعن طير دوم يطير في لونه أشكال ماينقبض أو ينشبك أو يصاد
وعن طير عاينته مربط بالحبال محبوب دوم وينحمل بالايادي
وعن طير لي مضروب للناس بامثال في ايه مذكورة للعباد
وعن طير زاهي لون في الناس يختال وصف المهاد وناعمين المهاد
وعن طير مابه ريش موصوف لازال مثبت جناحه لحاضر وبادي
وعن طير اسود لي مع الوقت رحال بينه وبين البين لون السواد
وعن الجبال الطايره وشبه الجبال فــ بحر وسما تنفع عباد وبلاد
وعن الحمامه ان دهى خوف واوجال طارت وهي مع خوفها في جلاد
الاجابات:
الاول: اللسان اللي يجر الموال في القفص
الثاني :النظر لاينصاد ولامدري وش الثانيه
الثالث: الصقر اللي ينحمل في الايادي
الرابع الهدد مذكور في الايه
الخامس : ينتظر
السادس الطائره مافيه ريش ومثبت جناحها
السابع : الليل يعني الظلام
الثامن السحاب
التاسع الروح
اللغز الخامس
أنشدك عن رجل على راس رجال
والكل منهم مشترك في خويه
أسمه لطيف وعايش أجيال وأجيال
في كل ديره شايفين سميه
ناعم خفيف ولا لبس بشت وعقال
ويخضعله الحاكم بنفس رضيه
الاجابه: علم الدوله
اللغز السادس
انشد اللي يفهمـون المعانـي
الي لهم في حل الالغاز عادات
عن خوات لهم مقام وشانـي
ولهم في كل العروبه سيادات
أن غاب واحد مايسد المكاني
وأن زدتهم مايقبلون الزيادات
الاجابه: حروف اللغه العربيه
اللغز السابع
أبنشدك عن ضيف لزوم احتــــــــــــرامه
لو هو شــرف تراه ما أحــد(ن) يدانيه
يرسل مراسيل(ن) تبــــــني خــــــيامه
وكم واحد(ن) يــون وأن سمع طاريه
حتى النساء مشى عليه(ن) نظامــــــه
يبين لو داعـــــــــــــــــج عيونه يخفيه
الاجابه : الشيب
اللغز الثامن
انــشدك عن شجرة بوادي ...
لاســـال واديــها غصونة يبيــسي...
تمشي مع الحــضـــر والبواديـ ...
الاجابه:الخلــــــــبة حقت الدلة
اللغز التاسع
انشدك عن شي اذا جاك روعـك يذكرك بالموت لو كنـت ناسـي
شي تراه بين الاجاويـد يرفعـك ولو يحمله بعض العرب ما يقاسي
الاجابه:الشيب
اللغز العاشر
افتني ياويش عذراء لها خمس ركون
مع كثير الخلق ولها كثير المنفــــعه
ما قناها الا ربوع فصاح ويسمـعون
في بطن رجال والبطن لازم ترفعه
الاجابه:شريحة الجوال
اللغز الحادي عشر
انشدك عن شي صغير يولٌع
و راعي الولع وياه زايد عماسه
نها الدكاتر عنه بس المولع
ان ما لقاه بيوم ياشيب راســـه
الاجابه : السجاره
اللغز الثاني عشر
أنشدك عن رجال في جوف رجال
مكانه الأخـــــــــير بين أخوة له
سبع وثلاثين بناته بلا جــــــدال
واســــمه حدا البنات يا فاطن له
الاجابه:جزء عم في القران