[بنوتة السعوديه]

أمانه لا توادعني حبيبي لا نويت تروح00000دخيلك خلني وأرحل كذا من دون ما أدري
دخيلك لا تعلمني كفى صدر الغرام جروح000وأنا اللي من عرفتك وأنت متربع على صدري
بنيتك بالحشا قصر رفيع وشامخ بصروح0000وقلت أسكن هنا ياللي عيونك سودها قصري
رخصت أغلى القصيد وكل ما ينزف صدوق البوح000وجيتك والغلا طفل ربى بالجوف من صغري
تحملت العذاب وصرت أنا من سبتك مذبوح00000صبرت وطال صبري لين مل الصبر من صبري
ابي بس أظفر بقلبك مدام الشوق لك مفضوح0000ومدامك بالعروق اللي تحبك دايم تجري
أبي عطر الهوى منك حبيبي كل يوم يفوح00000وبعلنها على الدنيا أحبك يا بعد عمري
حبيبي أنت ماغيرك حبيب قد سكن بالروح00000ومن فكر يجي بعدك ترى بقول له بدري
تخيل كل ما تسأل بنبرة صوتك المبحوح0000حبيبي لو بسألك إش رايك بعطري
أذوب ويعترف قلبي ياعم العطر يالمملوح0000بأنك تغري وعطرك مثل سحرك بعد يغري
كفايه باب خفاقي عشقك وصار لك مفتوح0000وكفايه لو تغيب شوي أضيق و ينشغل فكري "