[alfares]

يومي كااامل طال عمركم

صحيت الساعه 5 ص وللاسف ماصحيت بدري ولالحقت الصلاه بالمسجد

المهم صحيت وصحيت المدام والبنت عشان المدرسه قمت تروشت ووضيت وصليت الفجر

ولبست ملابس العمل ...
ولقيت الفطور جااهز
اخذتي بيالة حليب وطلعت

شغلة السياااره وخليتها تحمى 5 دقايق تقريبا
مشيت
وفي الطريق جنبت لبقاله اخذتي لي كرت شحن \ وواصلت سيري

وصلت للعمل تقريبا الساعه 5,45 دقيقه ( عملنا بدري لاننا نطلع بدري )

المهم وصلت العمل لقيت الشباب ضابطينالدله والعلوم
تقهوينا وتعوذنا من الشيطان
وبدينا في استقبال المراجعين الساعه 6 ونص

عن الساعه 11 ونص خلص عملي
وطلعت

شغلت سيارتي ومشيت وجنبت لبقاله واخذت لي حمضياااات << روتين يومي ماارتاح الا اشرب حمضيات في هالوقت :s77:

كان الطريق زحمه شوي عند الاشاااارات
وصلت البيت تقربيا الساعه 12 وثلث

لقيت بنتي وبنت الجيران توهم وصلوا من المدرسه وعند الباب واقفين . كان الباب مقفل ماحد فتحه

المهم دخلت البيت وكالعاده اخذت لي دش
وشغلت الكمبيوتر

ودخلت اشراق تصفحت شوي
حتى جهز الغداااء

قفلت النت وتغديت

وبعدها نوووووووم الى العصر صحيت صليت ورجعت

طلعت لسوق بنده شريت بعض الحاجيات بحوالي 460 ريال:s61:

انسدحت قليلا يوم رجعت البيت

وغفت عيني الى المغرب

قمت صليت ورجعت

ولقيت القهوه والتمر تقهويت وقدعت
ولعبت مع فارس وعلي شوي الى العشاااء

طلعت صليت ورحت لواحد من العياااال في شغيله بسيطه

رجعت البيت وعلى النت حتى هذه اللحظه


تقريبا هذا روتيني اليوووومي


واختااار ضجيج الصمت :thumb_yello: