[alfares]

اليوم جاني ضيف البيت وبعد ماروح اتصل من تلفون بيته الثابت على اساس نسي جواله عندنا بالبيت قلت له انا اجيبه لك البيت انا بحي الرياض بالدخل

وهو بالجراديه عاد يوم جيت وعطيته وكنت راجع للبيت شوارع الجراديه الي يعرفها ضيقه ومظلمه نور سيارتي زينون قوي وكان 3حريم طالعين من بيت طفيت النور وكنت امشي على الكشافات الصغيره الي تحت النور ...الشاهد ان بين الحريم وحده عجوز كانت العبائه تعذبها وهي تمشي كانت ترفعها شوي الكشافات حقت السياره تكشف عورتها طفيتها بديت امشي شوي الى وولد صغير طالع من بيتهم يجري ورى الكوره صدمته صدمه خفيفه ما تعور كثير بس جا ابوه انت تهجول ومطفي نورك تزحف بالشوارع مطفي نورك انت وان ت الخ الخ
قلت له الي تبي فيه امر تبي شرطه تبي نحلها نودي الولد المستشفى تكشف عليه ماري قالي شرطه وتعويض الولد يقول بابا انا بخير ما جاني شي والله قام ظربه كف قله ادخل عند امك يا معفن جت الشرطه شافو الولد بخير قالو وش تبغى من الرجال قال تعويض قاله العسكري مافيه تعويض يقول طفى النور عشان حريم بالشارع قال مال صلاح ...شوي جا اخوه عم الولد تفاهم وحل المشكله وتسامحنا

هذا انسان مادي
بدلا من ان يحمد الله على سلامة ولده
يطلب تعويض!
عقول ليس بها عقول

حدث معي والله نفس الحدث بالعكس
كنا بمنتزه وكانت الملاهي بجانب الشارع تماما - وطبعا هذه احد كوارث التخطيط البلدي لدينا بمنطقة الباحه -
المهم
اتاني خبر ان فارس ولدي صدمته سياره
ذهبت مهرولا ... مفزوعا
جيت على الولد وهو الحمد لله طيب
وكانت الشرطه والناس متجمعين هناك والاسعاف موجوده
اخذت الولد بسرعه ووديته المستشفى وكشفت عليه
وطلع سليم وحمدت الله وانتهت الحكايه

الشاهد انني الى الآن لم اسأل عن من صدمه
وماادري من اي ارض هو ...

الانسان يحمد ربه على العافيه اولا