[نظرة حياء]

السلام عليكم ورحمة الله وبركاته
اختي الغاليه
المفروض تلتمسي لها العذر
يمكن فيه احد يحقد على عليكم وصلها كلام سيء عنك
ويمكن صدمتها من الكلام اللي وصلها اكبر من صدمتك من تصرفها
احيانا يا اختي هناك من البشر من لا يروق له أن يرى صداقة قائمه على الحب ..
فــ يغار و يسعى لتخريبها ..

اعرف احساسك انتي من النوع اللي ما يحب يغلط ويرد على الكلمه الجارحه بعشره ..
وسلاحك دموعك ..
لكن يمكن صديقتك من النوع اللي يرد الاساءة بالكلام ...

حاولي تكلمينها وتفهمين منها سبب التغيير اللي صار ..
وان عجزتي ويمكن هي ما تتقبل كلامك تخلي وحده مقربه منك تكون حكيمه وعاقله تكلمها ..
اللي يظهر لي انك لسا صغيره وكمان صديقتك ..
عشان كذا استعيني بــ أحد اكبر منكم يكون حكيم وعاقل وهادي ..

وبإذن الله أن القضيه مجرد سوء فهم ترجع بعدو المياة لمجاريها ..
لكن حاليا خليكي يعيده عنها فتره عشان ما يزيد التجريح وكمان صورتها في عينك ما تسوء اكثر ..
حتى تتأكدي انها مظلومه او لا ..
وفي حال كانت تصرفت هذا التصرف بدون اي سبب وانك ما غلطتي عليها ..
فــ صداقتها الله يغنيك عنها ويعوضك رب العالمين بـ اطيب منها ان شاء الله

أسأل الله لك السعادة الدائمه في الدنيا والاخره