[أغ ــاريد الشوق]

سعداء جدا بتواجد القلب الوفي والنابض بحب إشراق العالم

رفقية التميز والتوهج الإشراقي أغاريد الشوقّّّّ

كل عامم وأنت بخير أخيتي

هلا اخوي النور نورك تسلم على كلامك الذوق
وانا اسعد بتواجدك هنا في متصفحي والله يسلم يمناك وانت بخير وصحه وكل عام وانت بخير

وأتمنى أن تكون أسئلتي خفيفه عليك ّّّّ

1- الوقت الذي تقضيه أغاريد على النت هل يختلف بشهر رمضان المبارك ؟

ايه اكيد يختلف ويختلف تماما لان برمضان دخولي مايعدي ساعاتين على بعض
لكن بالايام العادية لا اجلس 6 ساعات تقريبا

2- جدولك اليومي باختصار وهل يختلف كثيرا بشهر رمضان عن غيره من الشهور ؟

جدول طبعا اصحى العصر وادخل المطبخ مع الوالده واسوي الصنف اللي علي واحضر
الاشياء الثانية وافطر واروح المسجد للتراويح واجي يااروح السوق او اجلس بالبيت مع الاهل وبعدين طبعا صلاة الليل واتسحر واصلي الفجر واقرء قران الين 7 الصباح بعدين افتح النت اطقطق شوي واطلع
اكيد يختلف الجدول والروتين لان برمضان النوم يختلف والنظام كله على بعضه يتغير

3- هل تفضلين كثره الزيارات ودعوات الإفطار بشهر رمضان المبارك ؟

لاوالله ماافضل كثرتها لانو راح يجي الدور علينا وراح انكرف في المطبخ^_*
ههههههههه اذا مرة او مرتين ممكن لكن دائما لاتعب

4- الطبق المفضل لأغاريد على مائدة الإفطار ؟

السمبوسه بالفرن وسلطه الفواكه واللقيمات

5- ماذا تتذكر أغاريد من طفولتها بشهر رمضان المبارك ؟

اتذكر طال عمرك لمن كنت بالابتدائي اطلع الشارع عند الوالد بالبقالة كانوا
حاطين طاوله في البسطه اللي قدام البقالة اروح اجلس على الكرسي اللي حاطينه
واتفرج على الرايح والجاي ولمن تجي الساعه خمسه العصر اشتري اي شوكولاته وعصير واطلع لمامتي
واقلها جعت ماقدرت اصبر وفطرت وكانت تعصب لكن امشي هالنظام دائما عليها هههههههههههه