إه وه إه الحمد لله مافاتني اللقاء

طبيت عليكم بالصدفه , والله إن أمي داعيت لي الي ربي خلاني في اللحظات الأخيره أشوف الموضوع يمكن لو فاتني يصير فيني شي

يالله شي ياما تمنيته إني أطرح أسئله ع المحبوب ويجاوب مباشره
الأخ الي استضاف الشلهوب شكرا ع جهدك وع إختيارك للموهوب وفقك الله

أمانه برقبتك تنقل السالفه الي ذكرتها تحت وأسئلتي للشلهوب تكفى ترى تكفى تهز الرجاجيل طلبتك جعلك لجنة الفردوس ويحقق ربي كل أمانيك تنقلها حرفيا
------------------------------------------------------------------------------
بسم الله أبدأ

من بنت الحربي

أنا من المدينه سنه ثالث بجامعة طيبه تخيل كيف عرفت الرياضه كنت أكرهها كره العمى

لكن يوم من الأيام وأنا بصف ثاني متوسط يوم مباراة السعوديه والكويت بالرياض تصفيات كأس العالم الي فازت فيها السعوديه 3-0 وكان الموهوب مسجل هدفين هي الي قلبت حياتي فوق تحت

سألت البنات بالمدرسه مين الي سجل هدفين قالوا لي الشلهوب وصرت أسأل وين يلعب بأي نادي وكذا إلى ماعرفت كل شي عنه ومن يومها تخيلوا من ثاني متوسط 1426 إلى ذحين وأنا بثالث جامعه وأنا أكبر محبه للشلهوب يعني كم سنه ( أحسبوا ) هذي بداياتي مع متابعة الرياضه لأجل الشلهوب

ومره من المرات أمي طاحت فيني بسبة الشلهوب كنت من كثر ماأحبه دفتر أبو 200 مجمعه فيه قصاصات صور الشلهوب وملصقتها بالدفتر وكشفتني أختي وسوت علي مؤامره وقالت لأمي ويوم جيت أدور ع الدفتر إلا أمي بمعلاق الملابس طقت فيني لين ماقلت آمين

قلت يالله من أجل الشلهوب يهون << شفت كيف يامحمد انطقيت بسببك

سوالفي الي اسويها من متابعات لكل مايخص الشلهوب في المباريات - البرامج - كل شي كثيره بس حبيت أوضح للشلهوب هذا الموقف الي حصل لي بسببه

أسئلتي بعيد عن الرياضه لأني مثل ماقلت مافيه شي عن الشلهوب رياضيا ماعرفته

* كم أخت للشلهوب وأيش أسمائهم ؟ صحيح إنهم ثلاثه وأسمائهم لولوه , ساره , وداد ؟ أم إنو غير صحيح إذا كان غير صحيح أتمنى إذا الكابتن ماعنده مانع يوضح لأني أحب أعرف كل شي عن الموهوب

* إلى أين وصلت في دراستك ؟

* متى نشوف الشلهوب عريس ؟ نتمنى نسمع خبر زواج الشلهوب في أقرب وقت لأنك ماشاء الله عمرك 30 كبرت خلاص تزوج

* ليش ماتفتح صفحه في تويتر ؟ والله العظيم أمنيتي يتحقق هذا الشيئ

* هل تتابع شبكة الزعيم الموقع الرسمي لنادي الهلال ؟

ما أبي أكثر أسئله لأن أسئلتي لو بقولها كلها تجلس يومين ماخلصت

بالتوفيق للشلهوب والله يرحم والديك وتلتقي معهم في الفردوس الأعلى من الجنه