عبدالله بن علوش
السلام عليكم ورحمة الله وبركاته
هذي قصيده للشاعر عبدالله بن علوش الهاجري وهي دايم تجي في نجوم4
واتمنى انها تنال اعجابكم
كثر المواصل بالهوى ما هو بزين
ودك بخلك بين مدّه ومدّه
لأن البنادم ما ترك طبعه الشين
لا حب له شي وشبع منه هدّه
لكن لا منّه جاك من حين لي حين
قدّرت جيّاته وقدّرت صدّه
فـان قلت ابيك وقال ما هوب هالحين
لا تبلشه يمكن ضروفه تحدّه
اصبر عليه ايّام وشهور وسنين
ان كانه يودك وكانك تودّه
وخلك لا منه اعطاك ما تطلبه دين
ما جاك منه اخذه وما رد ردّه
ولا تسوي مثل ناسٍ مساكين
اصلك وفصلك فالهوى لا تعدّه
الحب ما خلاّ قبيله ولا دين
نكس حكوماتٍ وكسّر اشدّه
جالوه عقّالٍ (ن) وراحو مجانين
وكم واحدٍ (ن) خاضه ولا هو بقدّه
يقوله اللي جاحدٍ (ن) علّته لين
بارت محافيره وبيّح بسدّه
هذا كلام وانت بتشوف بعدين
والله ان تميّز بين مزحه وجدّه
|