رد: قصر الابداع والتميز - منتديات قصر الابداع والتميز - اغلاق منتدى قصر الابداع والتميز -4ebda3
اهداء هذي الابيات لجميع الاعضاء وياليت يفهمووووون حرف حرف ويترون هالمكان لسوال عن بعض وعدم ذكر منتدى القصر والى يبي المنتدى او يبي صاحب المنتدى الشيخ قوقل يروح يساله انتم اخواني والله لو فيه خير كان رد عليكم ع الاقل ..............................مابي اثرثر واجد اتمنى تفهمون القصيده
. يالادمي هرج القفا لا يكدرك
خل الردي في هرجته لا يلهيك
الذم من بعض العرب ما يصغرك
والمدح من بعض العرب ما يعليك
وان صرت رافع هامتك في مخابرك
هرج القفا عن هامتك ما يوطيك
وان زان منطوقك وزينت خاطرك
تثني عليك الناس لا جيب طاريك
وان طاب ذكرك كل الاجواد تذكرك
وليا حضرهم صاحبك يفتخر فيك
نصايحٍ سطرتها لجل ابصّرك
وصيت من قبلك بها وانت اوصيك
والعلم يهديك السبيل وينورك
ولا الجهل يحجب سبيلك ويعميك
والحلم عن بعض المشاكل يكبرك
والخوض في بعض المشاكل يدّنيك
مد النظر حتى يقّديك ناظرك
قصر النظر يالادمي ما يقّديك
واحذر تقدر واحدٍ ما يقدرك
ولا تداني واحدٍ ما يدانيك
ولا تقاشر واحدٍ ما يقاشرك
ولا تعادي واحدٍ ما يعاديك
واذا تبي هرج القفا ما يكدرك
فالحلم عن بعض المشاكل يكفيك .
|