|
طلبتكم طلبتكم بطاقه شحن ........!
بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
وصلتني رساله
صاحبتها تقول ::
(( مساء الخير..
انا داخله على الله ثم داخله عليك بيوم هالجمعه إنك تساعدني
أدري اني ازعجتك وغثيتك وصعبه عليك تساعد وحده ماتعرفها
لكن يشهد عليا الله اني محتاجه
تكفى واللي يستر عليك ويخليلك امك وابوك
أنا محتاجه << بطاقة سوا >> 10 او 20 اللي تقدر عليه
واوعدك اذا حصلت فلوس اسددك
تكفى انا بوجهك ياطيب
ولو ماني محتاجه كان ماطلبتك
وانت عارف الحاجه
لكن تكفى لاتخيب ظني فيك أرجوك
هذي اخر رساله عندي وارسلتها لك
أرجوك ساعدني )) ... إنتهى
ايش رايكم بمثل هذولي
تقول في رسالتها انها غثتني من كثر ماترسل << كذب عيني عينك
ماقد شفت منها اي رساله
لا ودخلت بيوم جمعه << استغلاليه
واللي يحتاج شي معقول
تكون بطاقه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا وبعشره
فشلتونا قسم بالله
سبحان الله وصلت لدرجة نطلب اي احد 10 ريال
لا وتقول سلف
وتكلمني على اني رجال
تكذب بعد
وتحلف بالله باطل
عشان عشره !!!!!!! 
ايش العقليه المنتهيه هذي
ايش رايكم بمثل هذولي
كثرت طلبات الشحن
حطو في بالكم يوم تطلبو شحن بعشره = كنك تطلب عشره ريال 
يافشيلتاه
الحمد لله
ابغى رايكم وردكم على الفئه هذي
|