[eshrag]

الموعد اللي يجرح القلب باكر
رحلة غياب اسهرت عين مغليك


ياصاحبي ماني للاصحاب ناكر
ولامرني يوم نسى القلب طاريك


مشيت لك فكر مع الناس فاكر
حتى وانا في لحظة البعد اناديك


سكر غرامك غير كل السكاكر
يذوب له عرق المشاعر ويرويك


قصايد في كل ساحه تجاكر
شعار حب لاجل خاطر معاليك


تحت احتكار الحب لك اسم حاكر
مشاعر انسان من الشوق يدعيك


لاصار لك قلب للايام ذاكر
جيتك جروح تحترق بين اياديك


جيتك قبل مايجيك ياحب باكر
وبلهفتي ومن كل قلبي احاكيك


قبل الغياب وقبل حجز التذاكر
فكر بنفس ياهوى البال تغليك

المصدر...