๑ .[ قـۇل آمين عساڪ تـבـبني ۇتمـۇت فيـني ۇتشـتاّق لعينـي مثـل ما اشتاق لڪ !~

[شوكولاتهـ منتدى]

.
.
،

[ مرّבـبـاّ الســاّع ]


اشـבـاّلڪم ؟!
عسـاّڪم بخــير وماّ تشڪون بـاّس



اבـم اבــم
ادري القســّم نـّور قبـلّ
شــوي لأنّ نــزلّت قصــه يـديّده

~>

القّصـه من ڪتاّبـه :-



.~
~> بنــت خـاّلي هب مشـاّركه فالمنتــدى . .


~>



๑ .[ قـۇل آمين عساڪ تـבـبني ۇتمـۇت فيـني ۇتشـتاّق لعينـي مثـل ما اشتاق لڪ !~


~>



نـوّع القصـه :- ڪوميـديه // روماّنسيـه // اڪشن
أحــداّث القّصـه فـ : العــين // مقيّــويـــن // راّڪ


.
.
،

الشخصيــاّت :- بـعـد دقـاّيق بنزلهــاّ + الباّرت الأول


~>


.
.
،

هـمسه :- نبغــي تشجيــع وردود تحــمس الـوّاحـد عالتڪملــه

.
.
،

[ فـداّعه الله ]

[شوكولاتهـ منتدى]

.
.
،

[ الشخصــيـاّت ]

~>

العين ]


1-عايله بو سلطان :-


هـو أخـوهم العود و إنسان محترم .. مهتم فعياله وفشغله .. هب عصبي وايد وحنون ع عياله .. وحرمته أم سلطان إإنسانه مؤمنه بالله وراعيه واجب ومحترمه وأخلاقها عاليه والكل يشهد إنها حرمه بيت سنعه ومربيه عيالها تربيه حلوه وما تسكت عن الغلط وعندهم :-

ولدهم العــۇد سلطـان عمره 25 يشتغل فالاتصالات ماخذ بنت عمــته اللي فراڪ ۇعنــده ۇلد اسمه [ زايـد ] ۇعمره سنتيـن ۇحرمته اسمها [ سـاّره ] وهـو راعـي فزعه وريـال والنعم به وحرمتـه حرمه بيت يحبها وتحبه


ذيـاب :- عــمره 22 يـدرس فكليه من كليات دبي وهــو وسيـم وحـليو .. حنطاوي وشعــره شـوي طـويل وخشــمه سيـوفي .. وعيـونه وسـاع .. وطـويل
وجسـمه حـلو وعنــده رنــج سبـورت سـوده .. وهو إنسان مسولفـجي وعايش حياته .. ويا حبه للطلعات وسيرات المولات والبر


التــوم : [ سعيــد ومهــره ] أعمارهـم 17 وهـم ثانـويه عامه


سعـيد : إنسان مرح وحبـوب وينحــب من أول نــظره خخــ.. وسـيم بس هب أحلى عن ذياب .. هو فثالث ثانوي أأدبي ..

وأخــته الــتوم : مهــره بس هيه علــمي وحبــوبه ودلــوعه شــوي بس شوي ـلول .. ما شاء الله عليها حــلوه وجمالها حـلو .. بيضه وشعرهــا طـويل وعيونهــا وسااع وهيه بنت متربيــه عالأخــلاق والعادات والتقاليد وتحب أخوانها وهلها واايد وتبديهم عالكل


فطوم :- آآخر العنقــود .. دلــوعه وبطـرانه هيه صف أول ثانوي [ عاشر ] بس خقاقه وشايفه عمرها واايد بس مع ذلك هيه هب شرات مهره العــكس يعني لو حــد يشوفهن بيقول هب خــوات فرق السما والأرض



2- عايله بو راشد

أخــو بو سلطان وعايشيـن فيا بعض فالعين وعنـدهم شركه يشتغلون فيها فيا بعـض .. هـو إنسان عصـبي بس هب دوم عصبي يعني إذا شاف حـد من عياله سوا شي غلط يا ويل ويله بس مع ذلك حــنون .. وحرمته طيــبه وحبــوبه عنــدهم


راشد :- عمره 22 وهـو كبر ذياب ولــد عمــه ودومهم فيا بعض ما يفارقـون بعض لا ليل ولا نهار .. هــو حبوب ومسولفجي وإذا يلست فياه تنسى الهموم وتستانس وترسم ع ويهك الابتسامه .. وهـو حليو ووسيم .. هب طويل ولا قصير فالـوسط .. أبيضاني وعيونه حــلوه وعنــده فتك برتقــاليه والبنات بتخبلن عليه



الريم :- حبــوبه وطيبه لأبعــد الحدود ومرات طيبتها توديها فداهيــه .. خجــوله وتستحــتي وايد .. هيه أصغر عن مهره عمرها 16 صف ثاني ثانوي [ 11 ] حـلوه وجمالها جمال الملكات الهنــديات ..!


.
.
،


راّڪ ]~


1-عايله بو أحمد

بـو أحمد أخــو هل العيــن وهـو أخــوهم الصغيـر ماخذ وحـده من راك وسكن فراك ع أساس حرمته وحرمته شـوي شريانه وخقاقه وبطرانه وتحب تتحكم
والكل ينقهر منها بس ساعات تتغير 180 درجه وتستوي طيبه وع نياتها بس هيه أم المشاكل عندها ولدين و3 بنات


أحمد : ماخذ بنت عمته شما [ هل مقيوين ] وهو عمره 26 وحبـوب وعايش ويا حرمته حياه حلوه وعندهم ولدين [ محمد و منصور ] بس مرات أأمه تلعب براسه وتخليه ايسوي اشيا يندم عليه بس شما تحترمه وتسكت عنه وهو يوم يعصب خلاص اييلس يصرخ وحالته لله


مريم : عمرها 22 وهيه معــرسه ماخذه ولد خالها عبدالله وعندها بنت و ولد [ مايد وميره ] وعايشه ويا هل ريلها ومستانسه وهيه عكس أمها حبوبه

ساره : 21 وهيه مرت سلطان


سالم : عمرّه 19 حبـوب وخـلوق وما يخصه فحــد .. يدرس
فمعهـد راك ويا حـمدان ولـد عمته


موزه : خقاقه غيير عن بنات العايله الباجيات هيه فكوم وهن فكوم .. شرات فطووم من يجتمعن محد يروم علسانهن الطويل وشايفه عمرها وهيه هب حلوه لذاك الزود و كبر فطوم



.
.
،

يتبــع .!

[شوكولاتهـ منتدى]

أم القيوين..~

1-عايله بۇ حمدان



بۇ حمدان ماخذ أم حمدان ۇهيه أخت هل العين [ بۇ سلطان ۇبۇ راشد ] .. ۇهم ناس أياۇيــد ۇسمعتهم طيبه بين الناس ..


حمدان :- إنسان حـبۇب .. خقاق مرات .. ياحبه للطنازه ۇالغشمره .. مسۇلفجي .. حليۇ ۇۇسيـم أحلى شباب العايله .. ما شاء الله عليه هع هع
جسـمه رياضي .. ۇطۇيـل شۇي .. ۇهۇ حنطـاۇي ۇشعره بس شۇي طۇيل .. ۇعنــده نيسـان بنيــه ۇالبنات يتخبلن عليه بدرجه جنۇنيه .. ۇهـۇ شرات قۇم ذياب ۇدۇم يۇم يجتمـعۇن هالثلاثه [ الثلاثي المرح ] الڪل يتخبل عليهم ۇعمـره 22 ۇيـدرس فمعد راڪ



شما :- البنت العودة فالعايلة .. عمرها 23 .. معرسة من ولد عمها الي فراك ]أحمد[ ..عندهم ولدين ]محمد و منصور[ ..و هي وايد طيبة و حساسة .. تهتم فريلها و عطته كل حقووقه .. والشي الوحيد العيب فيها .. إنها دوم تسكت عن حقها .. حياتهم عادي تدمر بسبة عمتها أم ريلها الي تحب تتحكم فيهم



سيف :- هذا الإنسان حياته كلها طنازة فـ غشمرة فـ لعبـ و مغازلجي درجة أولى .. كل بنات أم القيوين يعرفنه .. عمره 20 سنة .. يدرس فمعهد الطيران .. عنده FJ رصاصية.. حلمه يستوي طيّار .. بس وينه عن الطيران و هو 24 ساعة لاهي بالمغازل و الطنازة فيا عيال عمومته .. يتخذ قراراته بسرعة و تهور .. وهالشي عادي يطيحه فـ داهية


الغلا :- تعتبر ملكة جمال العايلة معروفة بلقب غلّوي .. حياتها كلها ماركات و طلعات و ShoOpInG .. فيها خقة شوي .. بس مب أكبر من طيبة قلبها الي معروفة عنها .. عمرها 17 سنة .. وعاد يوم تجتمع ويا بنات خالها العيناويات .. أعرفوا ان نشرة أخبار الـ Cnn بدت .. مهرة كاتمة أسرارها و ما تخش عنها شي .. بس غلوي فـ أدبي .. ومع هذا شاطرة و شادة حيلها فالدراسة



2- عايلة بوسهيل
ريال معروف عنه طيبته و شهامته .. وله اسمه العالي .. ماخذ أم سهيل الي هي إخت أم حمدان و بوسلطان – بوحمدان ] هل العين[ وعندهم



سهيل :- عمره 20 سنة .. ربيع سيف الروح بالروح .. مول ما يتفارقون ولأنه بعد الولد الوحيد المدلع فالعايلة .. وبما أنهم متواجدين فــUAQ .. بتلاقونهم دوم مجابلين بعض .. بس سهيل يدرس فالكلية الي يدرس فيها ذياب .. ويتلاقون هناك احيانا .. وعنده رنج بيضا .. والبناات يتخبلن عليه .. وهو حليو ماشاء الله عليه و عيونه عسلياات .. وهذا الي مخبل البنيات عليه .. بس هو عكس ربيعه سيف و دوم ينصحه إنه يترك سوالف المغازل و ينتبه لدراسته و مستقبله الي هو الطيران



أسما :- عمرها 19 سنة .. تدرس فجامعة زايد فيا إختها الي ما تفارفها بداري .. الي اصغر عنها بسنة .. هذيل فالبيت يسمونهم توم و جيري .. مرة يتضاربن و يتناقرن و مرة مافي أحسن منهن .. سوالف و ضرابة .. مادري متى استوت هاي بين الخواات..هع هع
وهي تدرس تخصص تصميمـ .. وماشاء الله عليها تعرف فسوالف الديكوورات



بدور :- بنت حبوبة و طيوبة و راعية سوالف .. نكيتة درجة أولى .. عمرها 18 مثل ما ذكرت .. تحب تقردن البنات الي وياها فالجامعة وصج صج تخليهم مصخرة بمعنى الكلمة.. وفيها خقة زياادة عن اللزوم .. وأشهد إنها تتحدى فطوم فالخقة .. ومن يتوالفن هالاثنين .. تبدأ الحرب العالمية الثالثة .. بدور فيها جمال غير طبيعي ومعروفة بعيونها الوساع الزرق..>>مادري ع منو طالعة عنجليزية..هع هع
.. وتجذب .. وهذا الي يخلي كل البنات فالجامعة يتعرفن عليها



العنود :- عمرها 17 سنة .. هاي يسمونها اكيلة الكتب .. حلم حياتها تتخرج من الثانوية بنسبة ترفع الراس و فوق الـ 97 .. وبما انها اكيلة كتب فأكيد بتكون علمي .. ومووول ما تظهر من البيت الا فالويكند .. و يوم اتزورهم غلّوي بنت خالتهم .. اتم تحتشر عليها .. وتقولها انتي ما تخليني اذاكر .. عاد غلّوي الحشرة شو يسكتها .. و سهيل دوم طايح فيها طنازة



روضة :- وتنتهي قافلة البنات الحلوين .. بآخر العنقود الي هي روضة .. هاي دلووووعة لدرجة ما تتصورووونها .. لدرجة ان الكل ينقهر منها فالبيت .. ما تهتم لدراستها أبد .. ومع هذا لا امها و لا ابوها ينبهوونها ع شي .. سهيل و أسما دوم حاشرينها .. بس هي لا حياة لمن تنادي .. ولا كأن حد يرمسها .. و بعدها عايشة أيام طفولتها .. شغلتها .. تنزّل الرسوم من النتـ .. وعمرها 16 سنة





اليده موزة :- هذي ام عبدالله .. ام الاخوان الي منتشرين فالعين و راك و مقيوين .. وهي دوم تتنقل ما بين بيوت عيالها .. مرة فالعين و مرة فراك .. ومرة فمقيوين .. وهي الحين متواجدة فمقيوين .. فبيتـ بوحمدان .. تحب عيالها و تخاف عليهم .. وطبع كل يدة انها تكون متحكمة فكل صغيرة و كبيرة فهالعايلة.. بس هذا طبعا من خوفها على عيالها و احفادها و عيال احفادها .. الكل يحبها و مسوي لها شان وقدر .. والواحد ما يمل من قعدتها و سوالفها .. وفالقصة بنسميها ..{السلطات العليا – الحكومة} .. هع هع

[شوكولاتهـ منتدى]

.
.
،

.
.
،

البــاّرت الأول [ 1 ]

~>

قول آمين .. عساگ تحبّني وتموت فيني
قول آمين عسى يدينگ ما تفارق يديني
ومثل ما أشتاق أنا لعينگ
أبي تشتاق أنت لعيني
أبي تتعب مثل ما أتعب
عشان تعرف معنى الحب
لأنّ بجد حالي صار
على نفسي ترى يصعب
أبيگ تحس في حبي
تقول إنّگ تبي قربي
وإنّگ مـا تبي غيري
وأقول آمين ياربي


.
.
،

فمقيوين .. فبيـت هادي كعادته العصر فالويكند .. اللي راد من المدرسه و راقد واللي ظاهر .. إلا غلوي اللي مجابله التلفزيون وحاطه ع حواس وجان تزقرها أمها

أم حمدان : غلّوي غلوي
الغلا : ها أمايه شو بغيتي فديت روحج
أم حمدان : فديتج اتصلي فمهره وأكدي لها إن نحن باجر بنسير صوبهم
الغلا : اوجيج
سـارت الغلا وشلت التليفون وتمت ادقدق عالأرقام ومره وحده حد رد عليها


ذياب: مرحبا مليون ولا يسدن فذمتيه ذمه .. بيت عبدالله الـ ... المتحدث معكم من خلف المايك الشيخ ذياب بن عبدالله الـ...... الشاب الوسيم .. اشحــالج ؟!

الغلا : خييييييييبه خييييييبه حشا هب لسان عليك كل هذا قلته فدقيقه ولا بعد اونه الوسيم والشيخ من زينك عااد ويا هالويه

ذياب : هب هباج الله .. قولي ما شاء الله مسوده الويه إن استوى بي شي يا ويلج .. فديتني حليو اشعنه متغصصه مشكله الخسفات

الغلا : انته اصلا تتمنى وحدة شراتي فديتني والله و بعدين حرمتگ الخسفة قول آمين

ذياب : بسم الله ع حرمتي ملگة جمااااااااال الگون

الغلا : عدااااااال عن يطيح نصگ اخويه .. اقول اقول ازقر لي مهاري بسرعة

ذياب : اشتغل عندج انا اونة ازقر لي مهاري .. شو هندي يدامج انا

الغلا : ذيابوووووووووو بس لووعت بجبدي عطني مهروو

صوب ذياب..
مهرة : ذيابوو امنوو ترمس انته وشگله طفراان منگ
ذياب : وانتي شو يخصج ارمس حبيبتيه انا
مهرة فجت عينها و غلوي وياها ..
مهرة : امنوو هاي حبيبتگ .. اشهد انها اتلووعت منگ .. لو حبيبتگ ما بترمسها جي
غلوي : اقول ذيابووو ماشي شغل اگون حبيبتگ .. دمگ ثجيل يااخي
ذياب : هههههههههههههههههه ادري بس شسوي ابا اغصص فمهاري
مهرة : ايييييييييهـ ترمس منوو انزين
ذياب : يودي التلفون عن تمووتين علينااا
مهرة : هللالالالالالالالا ...
الغلا : هلا واللله بهالصوووووووت و رااااااااااعيه هالصوووت .. فديته والله
مهرة : يا ويل حااااالي انا مارووووووم .. گل هذا لي
الغلا : لازم ترانا نرمس شيخة العيناوياات مهاري
مهرة : شحالج فديتج . ؟
الغلا : بخير وما نشكـي باس .. اقولج ترانا يايين لگم باجر .. استعدو
مهرة : اللللللللللللللللللللللللله وناااااااااااسة اخير ببون صوبنا القيواانيات و حزب البنيات ياي وياج ولا . ؟
غلّوي مستغربة : امنو حزب البنياات..!
مهرة : بلااااج بناات عمتي ام سهيل
غلّوي نقعت من الضحگ هني : هههههههههههههههههههههههههااااااااااااااااااااااااا اااااي .. فديت البناات والله
.. صدق انهن مونسيني .. الحمدلله ان بيتنا يجمعه حوي واحد .. شمّو عرست و خلتني بين ولدين .. ودووومي طايحة عند حزب البنات ع قوولتج..

وقفهـ...
هل المقيوين .. گلهم فبيت واحد .. بوحمدان له بيته و بوسهيل له بيته .. ويجمعهم حوي واحد .. بما معنى .. ان البيت گبير وايد و فيه أگثر من فلة .. غير الملاحق الصغيرة الي بتگون لـ للعيال لي عرسو ..{سهيل – حمدان – سيف }


مهره : ياحيـج والله هب نحــن وقسم ملل من الخاطر مجابله هالشبيبه وفطوم الخقاقه مجابله النت أو ترمس فالفون ولا تسولف تقهر هاي البنت ومحد مونسنـي غيـر ولد سلطون يعلنيه افداّه
الغلا : الله يعيينج عليها والله كيف مستحمله العيش فياها
مهره : شو اسوي بعد قدر ومكتوب وأمايه يابتها وغير هذا آخر العنقود ومبزااايه
الغلا : خخخخخخخخخخ بدت بدت الغيره
مهره : جب جب انزين
الغلا : جب جبج رشود يحبج باجر عرسج
مهره : اتخسين ويا هالويه رشود اعتبره شرات أأخويه وأأكثر
الغلا : مشكله عااد انتي تعتبرني كلهم شرات أأخوانج ما ادري عقب منو بيضويج
مهره : واي فديتني كلهم يتمنوني
الغلا : امبين الشبيبه واقفين خاري طاابور
مهره : سخييفه صخي صخي ما فينا حد يسمعنا ويقصبون رقابنا
الغلا : مشكله عااد الخوافات
مهره : اووه شكلج تبين كف ويا هالويه
الغلا : المهم
مهره : والأهم
الغلا : شو مخخطااتج يا آآنسه مهره لباجر
مهره : كل شي بوقته حلو .. تعالي تومورو وبخبرج كل شي
الغلا : اوجيج .. يلا فداعه الله سي يو تومورو وسلمي ع الأهل
مهره : فداعه الله .. سي يو ..
يوصل دبووتي

.
.
،
.

[شوكولاتهـ منتدى]

.
.
،
.

فــ صحارى.~

سهيل بالس فالگوفي ويا واحد من الشبيبة {حمد} .. ربيعهم من الشارجة

اما سيف و حمدان ويا ربعهم المغازلجية ..{ احمد – عبدالله – هزاع – علي – عمار } وگلهم من راگـ

گانت هالشلة الفاسدة تتمشى فصحاارى .. ومني و مناگ .. صادف انهم شافو شلة بنات گاشخات .. والعباة مفتوحة و مرصصة ع الآخر .. فل ميگب .. والشيلة شوي و بتطيح

هزاع و بنظرة خبث : اقووووووول شباااااب عندي فگرة جهنمية
عمار : اتحفنا و سمعنا شو عندگ يابو الافگار الجهنمية
وتموو يتساسروون الشبيبة و البناات يتبادلن النظرات بتسائل .. ومن يصدون صوبهم .. شافو ان الشبااب مصطفين بطريقة غريبة ورا بعض و گل واحد زاخ ظهر الثاني .. و واقفين فطريجهم .. يعني قطار لمنع البنات من المروور.. ههههههههـ
سيف : أحلى هناااااااگـ ..
علي الي گان فأول القطار : انا القطاار السريع تووت تووت
الگل : امشي في طريج البنات
ونقع الگل من الضحگ عليهم و گل حد يطوف ناقع من الضحگ عليهم .. اما البنات من يسيرون صوب .. يوقف القطار صوبهم و لا يخليهم يتحرگوون .. والشبااب ناقعين من الضحگـ
وحدة من البناات : شوفو حرگات اليهالو انتو بس .. وخرو عن طريجنا خولنا نگمل دربنا
سيف : أحلفي انتي بس .. لو تبين اتطووفين ادفعي
الگل : هههههههههااااااااااااااااااي
الثانية : ضحگتو من سرگم بلا .. الله يلعنگم فظحتوونا جدام الخلق
احمد : انتي ايييييييييييهـ لا تلعنين .. مالت عليج و على شيفتج .. انتي لو محترمة نفسج جان احترمج الگل .. حتى اسلوب ما عندج
سيف وده ينقع من الضحگـ بس زاخ عمره : خلاص ما صار شي يا بنت الناس .. خيرها فـ غيره .. حرگة حلوة فديتج .. صدقيني بتتذگرينها و بتمين تضحگين ..
وحدة من البنات : هذا هو الاسلووب ولا بلااااااااااااش
الشباب فخاطرهم ( اسميگ يا سيفوو عندگ دروس يالتقردين..لووووتي)

اما فالگوفي
سهيل : هب هباهم الله .. فظحووونا بين الخلق .. حمدوو شفت شو سوو
حمد : ههههههههههـ الله يهديهم .. لا گله گوووم و رد احمد عليهم گووم..ههههههههههههههه
سهيل : الله بلشنا بربع فاشلين و مغازلجية هههههههههههههـ

.
.
،
.
.

فمكان ثاني فمكان كله حشره وضرابه وصراخ والسبب تافه
أم أحمد : مالت عليج من حرمه ما تعرفين تربين عيالج
شما : عمتي حصل خير
أم أحمد : اشو حصل خير وولدج منصوروه كاسر لي هاي الجره شارتنها من لبنان

وقفه :-

أم أحمد وايد مهتمه فبيتها بشكل كبير يعني كل شي فالبيت من دوله ويا ويل ويله اللي يكسر شي واحد توريه نجوم الظهر كله ولا حد يخرب بيتها همها المظاهر والفلوس

شما : عمتي فديتج خلاص هدي بدال الجره غيرها
أم أحمد : أأقولج ايه انتي والله ما تنفعين تربين هالعيال لو ياخذ ولدي غيرج أبرك .. لا شغله ولا مشغله لا تعرفين ادارين العيال ولا تعرفين تسوين شي حق ريلج
شما : ثره أحمد يا واشتكى عندج بس أنا هب مقصره فياه انتي بس قولي لي أنا فشو قصرت
وفنفس المكان كانت مريم موجوده ومويز بعد يعني الأم ما تستحي جدام بناتها تزهب البنت ع شي تافه
مريم : أمايه خلاص عاد ما يرزا تصرخين عسبت جره
أم أأحمد : صه صه انتي صخي ولا يخصج
شما : عمتي انزين ســأألتج ابغي الجواب أنا فشو قصرت ؟!
أم أأحمد : امره عااد مسكته انتي
شما شوي وبتصيـح
أم أأحمد : لو اأخطب له وحده غيرج أأبرك بتهتم فيه وتعرف مصلحته هب شراتج بس كل خميس ويمعه سايره صوب هلج ولا تقرين فالبيت ولا ادارين ريلــج
شما خلاص طفح الكيل وما تقدر تقام مره وحده زااعجت بصوت عالي : يعني حراام حرام اسير صوب هلي حتى هالشي بتمنعوني منه شو هالبيت الكئيب الملل والله مليت خلاص سكت واايد

فجـأأه دخل أاحمد وهـو معصب لأنه سمع هالكلام من حرمته والأم هيهات مستانسه ومن دااخلها خلاص مرتااحه ومريوم زاايغه لأن هيه وشموه وايد فيا بعض كاتمات أسرار بعض ومن هن فالابتدائيه كانن دوم فيا بعض .. ووايد بعد .. أما موزة ولا عالبال عاادي عندها تستانس لما تشوف هالسوالف تتحسب عمرها فسينما وتشوف فلم هندي
دخل أأحمد وصفع شما وهـو أأول مره يسـوي شمـا الدمع تنزل من عيونها بغزاره وهيه واقفه منصدمه أأحمد ريلها .. حبيبها يصفعها وجدام اللي ما يسوى ويسـوى هالشي أبد ما كانت متوقعتنه من أأحمد صح هو مرات يكون عصبي بس فحياته ما مد ايده عليها وهو يحبها إلا يموت فيها بس أأمه ساس البلا .. ركضت شما وسارت صوب قسمها والدموع تزيد وتزيد ومريوم اللي لحقتها .. وأأحمد يلس ع أقرب غنفه وهو خلاص هب طايق عمره هب عارف ليش سوى جي كيف قلبه طااوعه يصفعها جداامهن وهيه غنااه روحه وحبيبته شل سفرته وركبت سيارته وتوجه للبحر للمكاان اللي يشكي له همومه .. لمكان الراحه .. يلس ع البحر وهو مضايج من عمره يقول فخاطره : ليش ليش أنا غبي ليش اطاوع أمايه صح قالوا بر الوالدين وأمك بس أنا مهتم فيها ليش تسوي فيني جي ليش اتشيشني عليها ليش ما تبغين استانس فحياتي لازم من استانس عقب اضايج شو هاي الحيااه يالله يا رب الحين شموه أأكيد مضايجه آآه أخاف تسير بيت هلها وانا اللي ما اصبر ع فراقها وأسوي بها جي شو من قلب عندي لازم أتأأسف منها مهما كانت تراها أأم عيالي وركب سيارته متوجه للبيت ..
أما عند شما ضامه نفسها وهيه تصيـح صياح يقطع القلب ما تصيح عسبت الطراق تصيح حالها تصيح أأحمد تصيح ع ريلها اللي تغير ما كان شرات قبل .. قبل غير والحين غير قبل كله ولا شما محد يقرب صوب شما .. كانت شما بالنسبه له كل شي حياته روحه .. ما يروم يعيش يوم بدونها أما الحين هب مهتم ذاك الزود كله يعصب كله مضايج متكدر .. ما يسـأأل عنها ايي يتغدى ويرقد والعصر ييلس ويا أأمه وعقب يظهر فيا ربعه ويرد بالليل ويرقد هاي مب حاله شو اللي جلبه شو اللي غيره علي أنا أأمه أعياله هههه أي أعيال وهو هب داري عنهم ولا يسـأل عنهم خلاص مليت يا أحمد مليت من هالعيشه ما اقدر اتحمل هالكثر آآه الله يصبرني عليك

أما مريـم بعــد ما تمت فيا شما شوي ظهرت عنها لأنها هب طايعه ترمس بس تصييح وصياحها يقطع القلب ما قدرت تتحمل هيه يايه تواسيها ولا تشاركها الصياح وهيه نازله من عالدري شافت أأحمد شكله مضايج وهو يركب الدري اطالعته بنظره غريبه بنظره أأحمد ما عرف بشو يفسرها .. نظره عتاب ولوم .. ولا نظره كره وحقد
تـوجه أحمد لقسمه وهو متردد كيف يدخل ويهديها ويتـأأسف منها لاازم أغير حياتي ونبدا صفحه يديده .. لازم أكون أحمد الأولاني اللي شما تحبه .. دخل الحجره بشوي شوي لأن اليهال رقود فالحجره الثانيه شافها وشاف حالها شما حبيبتي حالها جي والسبب منو أأنا .. آآآه وآآآه تقرب منها شوي وشوي وهيه حست إإن حد يتقرب منها رفعت راسها وشافت الشخص اللي كانت متوقعتنه صدت الصوب الثاني وهيه خلاص هب قادره تشوفه اتحس عمرها بدت تكرهه ..

أحمد وبكل هدوء : شما
لا جوااب
أحمد : شما
لا جواب
أحمد : شما ورفجه الغالي إإنج تصدين صوبي وتخلينا نتفاهم ..
صدت صوبه شما وشكله متغير وقالت بصوت شبه مسموع : نعم
أحمد : شما غناتي خلاص والله إني آآسفه وندمان قد شعر راسي عاللي سويته خلاص شما سامحيني فديتج
شما ضحكت باستهزاء : خخخخ يا ما سمعتها منك .. غناتي سامحيني أنا آآسفه .. دوم أسمعها ومره ثانيه اترد وكل مره ع نفس الحال لين متى يا أأحمد بنظل عايشين جي لين متى
أحمد : والله يا شما إني ياينج اليوم ابغي ابدا صفحه يديده .. ابغي ارد أأحمد الأاولاني أحمد اللي كلمته هيه اللي ماشيه ومحد يمشيه ع هواه .. ندماان إني سمعت شور أمايه وسويت فيج كل هذا .. ندمان ع هالشهور اللي معيشنج فعذاب لا أأسـأأل عنج ولا عن عيالي اللي مشتاق لهم .. خلاص يا شما خلينا نبدا صفحه يديده وننسى الماضي
ابتسمت شما ودليل ع رضاها : خلاص يا أأحمد مسامحتك أأنت ريلي وحبيبي كيف ما أأسامحك بس صدق إن عدتها مره ثانيه لأرد بيتها هلي ولا ارد لك
أحمد : حلفي انتي بس .. جي بشورج هو .. لا فديتج انا ما اصبر عنج ع كيفج هو
ضحكت شما : هيه ع كيفي واللي ابغيه بسويه
أحمد : جي ما وراج ريل يلا يلا بلا هذره زايده وسيري تلبسي ووعي عيالج ولبسيهم
شما : ليييش ؟!
أحمد : شو ليش حرام يعني ابغي اظهركم ابغي استانس ويا عيالي
ابتسمت شما وسارت تتلبس وتلبس العيال وأأحمد مستانس عاللي سواه ووعد نفسه إإن يعيش شما حياه حلوه ولا يضيج بها ..!
جان يطرش مسج حق شما وكتب لها :

"ابعتذر"
وارسل مع الشوق عذري!
ياللي مكانك بين عيني و قلبي ؟ انا مقصر و الظروف اجبرتني !
وابيك تقبل اعتذاري وظرفي؟ والله ماني مهملك في حياتي
"لكن حياتي كلها اتعبتني"

استانست شما عالمســج وتـأأكدت إنهم راحــوا بيدون يعيشون حياتهم حياه حلوه

Ø حركات ولا جنهم نفس البيت هع هع
.
.
،
فمقيـوين .. صوب حــزب القيوانيات ع قولت مهروه
متيمعات البنات فالحديقه وفارشات الحصير وهن يسولفن ويخططن لباجر
روضه : فديتني وفديت روحــي .. فديت قلبي أنـا
الغلا : اييه اييه ثرج وايد مصدقه عمرج ما ادري ع شـو .. مشكله عااد يوم يتفدون أأعمارهم
روضه : وانتي شو يخصــج امـف والله حاله كيفي بتفدا عمري وقالت بدلع فديتني محد يتفداني
جان يضحكن البنات ع دلعها والجمله
العنود : هههاااااي يا عيني أأقول رويض انتي شكلج هب صاحيه اليوم
روضه : أأقولج جب
العنود : خخ طاعوا من يسكتي عاد انتي وين والدلع وين امره هب لايق عليج ياختي بينكم مساافه طوييله .. يعني بلييييز سيس دونت تدلعين
الغلا : خخخخخخخخخخخ عنودي اشو بعد [ وتقلدها ] بلييز سيس دونت تدلعين .. حللوه حلوه منج عاشت الثقاافه العنجليزيه
أسما : هيه ثرج ما تدرين ظهرن خواتي فاشلات فالانجليزي
بدور : فديتني ثرني بس انا اللي فالح أما انتن امفف عليكن صدق ما تنفعن حق شـي
روضه : اييه بدووروه عاد مشكله يوم تخققين صدق هب لايق عليح
بدور : جب جب يوم الكبار يرمسون اليهال يصخوون
روضه : اييه هب انتي آخر زمن اتين تسكتيني
بدور : أقولج تراني ختج العوده واحترميني ولا بييج بوكس بينسيج اسمج
روضه : بس لو انتي بنت سويها وبتشوفين من تكون رووضه
بدور : خخخ وهزرج انا أأخاف منــج .. تعالي فديتج البوكس يترياج
روضه : ها وقفت يلا تعالي
جان تنش بدور من مكانها عسب تعطي رويض بوكس بس خخ المشكله ما لحقت رويض شغلت تيربو وشردت عنها .. يلست تصرخ بدور وربعت ورا رويض ويلسن يترابعن جنهن ديج وديايه وغيره هذا مره وحده حدرت عليهن سياره وبدور حالتها لله البكله ظااهره من صووب والشيله شوي وبطيح اأما رويض غيير عنها تربع وهيه مرتااحه متحجبه ولا خلاص جان ينزل سهيل الدريشه
سهيل : غربلات ابليسكن .. اشو ها والله غلامتين إن ما قعدتن مكاانكن بتشوفن شي ما يسركن ثركن يهال تترابعن جنكن ديج وديايه .. بدور مفتشله عسب بكلتها كانت ظااهره يعني شي أأكيد سييف شافها وهيه شكلها جي وغير هذا سهيل ما قصر هزبهن هزاب ولا بعد جدام منو سيييف .. اللي بالنسبه لبدور كل شي بحياتها .. سيف اللي تحبه وتموت فيه من هيه عمرها 14 .. توجهن بدور ورويض للبنات وهن صاخات أما العنود شو بيسكتها
العنود : دواكن مسودات الويه أأحسن ويوووووو هزبوهن حليلهن شوي وبيصيحن اوييه شووفن شوفن الدموع الحين بتنزل من عيوناتهن
البنات بس فالحات يضحكن
يوا سيف وسهيل جان يصخن البنات
سيف : سلملم خيتو آآند بناات خالوه ..
الغلا : وعلملم خيو آآند ها آآريو ؟
سيف : امرره عااد غلوي جااهزه حق كل شي
الغلا : ياخي ملل شو تبغينا انسوي
سيف : حوطي فالفريح
العنود: صدق خلااص خلاص عيل انا سايره اللي بتي وياي اتي تراه تصريح من الحكوومه
ضحك سيف : اووه عيل ظهرت انا شي توني ادري اني حكومه والناس اتخاف مني احم احم فديتني ثرني شيخ وانا ما ادري هع
سهيل : اييه غلامه قري محلج اشوفج بس امشي خطوه بتنضربين
العنود : ياخي والله شو هالأأخ المعقفد لو سيفوو أخوي أأحسن
سهيل : خخخخخخخخخخ اوبس نسيت اخبركن اليوم شو استوى فصحارى ها سيف أأخبر أأخبر
سيف : جبب جب خبر وبتشووف
سهيل : تهدد حضرتك عيل اسمعن
البنات : قوول قول بلييييييز قوول بسرعه
سهيل : خبرهن السالفه ويلسن يضاحكن ع حركه الشباب بس الوحيده اللي ما ضحكت وانقهرت هيه بدور شوي بتصيح شلت بعمرها وطيران لحجرتها وقفلت الباب ع روحها ودمعت عيونها من الغصه آآآه يا سيف ليتك تحس بي .. ليتك تحبني شروات ما حبك وأأكثر .. ليش أنا اتعذب فحبك وأأنت ولا دااري .. ودي أنساك وأأنسى حبك اللي معذبني .. بس شو اسوي داام القلب هو اللي يتحكم ابنا دام القلب هو اللي يحب وهو اللي يختار ويحدد مصيرنا آآه ودي اتحكم بقلبي وأقوله يا قلب أأنسى سيف وأنسى حبه .. وأأعلن رحيله .. متى بتحس فيني يا سيف متى وحطت راسها عالمخده والدموع تسيل بين عيونها لين ما غطت فنوم عمييق هع هع
.
أما عند الباقي تمو يضحكون على الموقف الي صار و محد لاحظ غياب بدور
.
.
،
بعــيد بعيد عن اللي متعذب .. واللي مقهوور .. واللي مضايج .. واللي مستانس .. هنتين قاعدات فالمطبخ ويسون السويت حق توموورو .. الريم ومهره
مهره : الريم اطعمي هاي .. حلو ولا نوب ؟
الريم : وييت .. واااو شو مهاري لا لا الصراحه ما نروم عليج
مهره : حلفي حلو
الريم : والله لذيييذ وعجييب ياختي
مهره : فديتج انتي اللي ترفعين معنوياتي
الريم : احم احم .. ثره فطيم وينها
مهره : تعرفينها هاي أم لسان يا مجابله التلفزيون اأو النت أأو تقرقر فالتلفون
الريم : ايـوا كده عيل انزين شو رايج تومورو انطقم فاللبس
مهره : همم والله فكره عجييييبه خلاص عيل تم
الريم : همم أظني المخاوير مالتنا اللي شروات بعض لونهن وردي
مهره : يس يس يالبنكيه
وكملن سوالفهن لين ما خلصن شغلهن وردت الريم لبيتهم

.
.
فراك ]

أم أحمد : أقولج موييز ترى باجر نبسير العين وبنظهر من هنيه الساعه 9 يعني ما تسهرين
موزه : امففف انزين
أم أأحمد : بلا امف بلا خرابيط جهزي أأغرااضج من الحين فاهمه
موزه : اوكيك ماما
.
.
وبعــد يوم طويل .. بعد يوم مر عالكــل بشكل حــلو .. يوم كان بالنسبه للبعض بدايه حلوه لمشوار حياتهم .. وللبعض يوم تعيس وللبعض يوم كله هموم وللبعض يوم كله ربشه وسوالف ووناسه
والكل اتجــه لشبريته يرقــد .. ويعلن بذلك انتهاء يوم مر عالكل بشكل غيير .. يوم من خلاله تعرفتوا ع شخصيات قصتنا بس هب كل الشخصيات .. الحــين نقـولكــم Cut
ترقبـونا بـاجر ببارت يــديد بعد ما نحصل ردود تشجيعيه

[شوكولاتهـ منتدى]

وقبل لا نختـم القصه :

توقعاتّكم /

1- تتوقعــون شو بيستوي فالعين من أأحداث وغيره ؟!
2- بدور وحبهـا لسيف .. بتعتــرف له .. وهل سيف يحبها ولا نو ؟!
3- أحمد هل بيوفي بوعده ولا لاع ؟!


وأخيرا

شو رايكم فالقصــه ؟!
هل هيه بدايه حلوه لمشوارنا ؟!
تبـونا نكمل القصـه ولا ما عيبتكـم بكل صراحه ؟!


والسموحـه

[مهاري ..]

رؤؤؤؤؤؤؤؤؤؤؤعهـ ^^

[شوكولاتهـ منتدى]

+[مهـآري ..

تسلميينـ الغلآ ع هالرد حلـوو
لآ هنتج]+

[ورد جوري]

تسلمييين الغلا ع القصة الحلوووة ..



وربي يعطيج الصحة والعافية ..

[وحيد بدنيتي]

يب روووووووووعهـ ..!
يسلموو ..
الرب لكم ح ـآآآآفظ و,