ربي يحميك ياخير ولد

[ابـوالعز]

السلام عليكم ورحمة الله وبركاته
اخباركم..يا مشرقين..
رمضان كريم وكل عام وانتمـ بخير

قد تحصل للانسان امور يستغربها اوانه لم تحدث له من هذه المواقف
وانا استغربت هذا الموقف الذي حصل لي اليوم..>>
صديقي خالد..امام مسجد..بمكه ونقل حديثا الى الرياض وكذالك صارامام المسجد الي بحارتنا..قال بيعودني ع التراويح..قلت انا ما اقدر اكمل التراويح..كلها قال انا الامام ورا اخفف..ع المؤمومين..قلت حتى انا عشان رجولي لسه ما تشافيت منها تمام عشان الحادث قبل مده...المهم قال اجيب لك كرسي وصل..اصر حتى اقنعني,,ذهبنا الى المسجد هو متعود يدخل من باب الامام..بس المره ذي دخل مع المؤمومين..خش والى ولد صغير ما يتجاوز8سنوات..يجري ويستقبل صديقي تخافتو بالكلام الى والولد يجري الين عندي ويقول بسرعه بيقيم الصلاه وشدني الين الصف الاول
وجاب الكرسي قلت له لا رجعه..ورجعه,,المهم صلينا العشا والله يصلي بخشوع واستكنان وكانه شيخ وليس ولد!!
وجا وقت التراويح..الامام طول بالصلاه تعبت من الركعه الاولى خلصنا الركعتين الاولى قام الولد وبدا يوزع الماء ع الجميع حوالي 40شخص المهم بدينا بالثانيه وربي صرت اعاند الولد اشوفه يصلي ومستكن مع الامام ويثابر على الاجر وهو بهذا العمر المهم كان له فضل في تكملتي الصلاه ..وقت الدعاء بدا يبكي خافتاً.,. الين الامام دعا قائلاً((وارحم اموات المسلمين)) ويدعي الولد مع الامام ويبكي الامام وهو يبكي...انتهينا عطيته منديل...طلعوا المصلين..ايش اسمك..قال عبدالعزيز قلت اجل سمي قال والله قلت يعني اصحاب بدا يضحك قلت له وين بابا..وربي كأني
طلقت عليه برصاصه ارتكى على صدري وبكى بكاءً وربي حتى نزلت دمعتي اتى الامام قال لي ايش سويت له قلت قلتله وين بابا قال ابوه مات في الحرب مع المتمردين الحوثيين ع الحدود((والده من نجران من بني اليامي))..وربي ضاق صدري..وصرت ابكي واحن ع الولد...الين ماهدا وقام يتكلم يقول باباكذا يسوي كل يوم في المسجد يجيب ماء ويجيب عامل ينظفه..
سبحان خالقه..قالي انا مثله صح! ورجع يبكي..اخذته للسوق وشتريت له ملابس والعاب..سالت خويي خالد قال هو الوحيد من ابوه وامه..تزوجت..قلت من جدك
حلفلي..قال تزوجت ابن خلها
وخال الولد..اخذ الاكراميات من عند الملك..وقسمها حسب الشرع
وشال قسم الولد ولعب فيه والولد اللحين عند جدته التي تبلغ من العمرحوالي68سنه..
وقتها خلاص صرت احس الولد مثل اخوي واكثر وربي وصلته الين البيت
قال..صديقي نصلي الفجر لاتنسى!!
وربي دخل وهو يضحك..تحمدت ربي..على اني اضفت هذه الابتسامه على محيا ولد يتم الاب ومضلوم من ام..حسبي الله على اناس يحملون تلك القلوب..واتخذت هذا الموقف
عبرة واتعظت بها...
وان شاء الله تستفيدو من الموقف
سبحان الله وبحمد..سبحان ربي الغظيم

وكل عام وانتم بخير
تحياتي اخوكم/ابوالعز

[التفاحه]

من جد قصه مؤثر

والولد قام بمقام وابوهـ رحمة الله عليه

والله اروآاآاآأآاحـ كثيره راحت بسبب هالحرب

وخير مافعلت بهالولد .. والله يتتمم عليك وعليه الطاعه

ويبارك فيه لأهله

الله يعطيك العافيه على ماكتبت لنا للعبرهـ

[ابـوالعز]

شكرا تفاحه والعظه فيمن يعتبر...شكرا لمرورك العذبـ.....

[ضجيج الصمت]

ماشاء الله عليه
والله يرحم والده الذي رباه وحرص على تنشئته التنشئة الصالحة وكان خير قدوة لولده..
أحسنت أخي ابو العز في التعامل مع هذا الطفل اليتيم وجعل مافعلت معه في ميزان حسناتك..
أدامك الله ورعاك..
استفسار/لماذا لم تكتب هذا الموضوع في قسمك الخاص؟!!

[غاادر]

والله موضوعك رائع ياعزوز
صدق ليش ماتكتبهوش بقسمك؟
ترى رهيب جدا
واعجبني

[ابـوالعز]

هلا اختي ضجيج ويا هلا فيك فهد ومشكورين ع المرور

[نزف المشاعر]

قصة مؤثرة جدا
جزى الله الطفل وجزاك كل خير
على الايراد
دمت بحفظ الله ورعايته

[ابـوالعز]

جزاك الله خير اختي نزف المشاعر على تواجدك هنا