ايام التسدح قدام القناة الاولى

[ام وئام]

يا هلا والله وغلا فيكم


المهم انا اليوم حكايتي عن القناة الأولى بالتلفزيون السعودي ايام الطفولة والبراءة


يوم كنت صغيره كنت أقوم مع العصافير وأجلس قداام التلفزيون قبل ماتفتح القناة الأولى اشووف الألوان..



وبعدها أجلس أغني بصوتي العذب مع السلام الوطني <-----<-----ياعيني عالوطنيه

بعد السلام الوطني أجلس استنى القــرآن يخلص واذا خلص قلت صدق الله العظيم <==هذا اللي حفظته


واذا بدا الكرتووون أرووح فيها وافتح هالكشره وماسكرها الا اذا قطعوا علي الفيلم وقالو الإعلانات التجاريه يرفعوووووووون الضغط


المهم انا اجلس اقلب لي مجلة ماجد الين تخلص هالإعلانات


==============================================

المهم بما اني مدمنه افلام كرتون ايام الطفووله ولي ذوقي الخاص <-----<----- احلى ياذووووووق بس لاينط لك عرق


اخترت لكم بعض الافلام اللي حفظتها صم من كثر ما شوفها




** الكابتن ماجد**


مدري وشلون يتشقلب في الهوا كم قلبه وبعدها يسدد الهدف

ويطيح عالارض ومايجيه شي ماشاء الله<===مصدقه


والا حركة التوأم منير وأنور اللي كأنهم قرووود هههههههههههههههههههههههههه


بس اللي مشينها اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم يفوز


بس والله كنت اتحمس معه تحمس مو طبيعي واقعد ارفس اللي قبالي




** بشــــــــــار**



هذا جابلي الضغط وانا صغير على كبر عيوونه امه تمر من جنبه ومايشووفها


وانا عاد من زود التحمس اصااااااارخ اقوله امك ياغبي التفت الي يشووفني يقول يسمعني

خخخخخخخخخخخخخخخخخخخخخخخخخخ


والله (90) حلقه وهو يدووووور امه




** سالـــــــي **



عاد تجيكم سيدة الشاشه الكرتونيه سالي يالى قليبها هالبنت قطعت قلبي حته حته من تبدأ الحلقه ا لين تنتهي وانا صياح واهلي يجون يسألوني وشفيك من طقك فيك شي يوجعك وانا ماني يمهم دموعي اربع اربع

بس كانت تقهررررني بشي واحد

يهااوشونها وهي ساااكته ويكرفونها وهي منطمه

ولاعاد تجيكم بنت الكلب آنسه منشن ياكرهي لها هالنجسه




** هايــــــــدي **



عاد هاذي اللي صدق بعدوا عني اذا جت اخش جووو بقووه


هايدي فتاة جبال الألب والعنزااات والخرفااان

ياحبي لها هي وبيتر

كلير <--- المشلوله الحمدلله ابشركم مشت

وجدها الشديد <-----<-----بس اخر الايام هجدت شياطينه صار حليل

وجدت بيتر العجوز المنتهيه

ولا تهون عنزتها ويكي

بس تقهرني هايدي اذا فصخت الحياء و فصخت فستانها وراحت تطامر مع بيتر فوق التلال








** عدنان ولينا **

^
^
^
ياعيني عالرومانسييييه يانااس



عدنان ذا الي من اول حلقه ماغير لبسه واخر حلقه تكشخ وجاب العيد


ههههههههههههههههههههههههههه


والا صديقه عبسي وهو كشته وماغير دايم اصبعه بخشمه <<وصخ خخخخخخخخ


ولينا ذي الحساسه <<ماتقصد شي!!

وعلام الشرير ياكرهي له هو وجهه المربع


والا احلى شي لما انطق عدنان بدل عبسي وحمًرت .....

** ليــــــــدي **


ها لمجنونه الي تطلع فوق الحصان كانها رجال ماتستحي و الله

<-----<-----<-----<-----<-----<----- ايه هين لو يصح لك تركبين خيل ماقلتي ماتستحي


وارثر صديقها ياويل قلبي فديته هو وشعره الي يجنن ياحظها فيه <زي ما قال الراوي




==============







الله يالدنيا الحين صرنا كبار ماعاد نشوف هذه الاشياء




بس الحين القناة الاولى مانقرب حولها (بس انا فيني وطنيه شوي احب اشوف الاخبار)


ههههههههههههههههههههههههههههه


المهم طولت عليكم بس حبيت اعيد ذكريات الماضي <==احلا يالماضي


وايام الطفوله التي لن انساها ولن انسى ابطالها اللي اسعدونا