عايزه تتجوزى؟؟.....((اوعى))....... اللهم بلغت اللهم فاشهد

[NONA_WIZO]

ازيكم يا بناات ويا شباب بردو مايضرش ..
ايه مالك ؟ اتخضيتي من العنوان .... هتموتي وتتجوزي صح ؟؟؟

متخفيش هتتجوزي يختي ده شر لابد منه .....لكن انتي في نعمة ومش حاسة بيها عارفة ليه ؟؟ هقولك ..
انتي دلوقتي عايشة حياتك اخر روقان ودلع وعدم ارتباطك له عشر فوايد مش هتحسي بقيمتهم غير وانتي جوا القفص ....

((( 1 )))
مش هتكوني مضطرةانك تستحملي شخصيةواحد مختلف تماما عن شخصيتك ... ده غير بقي انه طول الوقت
هيفضل يشخط وينطر قال يعني عامل فيها عنتر وينفعل عليكي بدون داعي ...

((( 2 )))
تاكلي براحتك وبمزاجك الاكل اللي يجي علي بالك من غير ما تقلقي ان كان وزنك هيزيد ولا لاءده غير انك هترتاحي
من تعليقاته السخيفة والبايخة ومش هيبقي وراه شغلانة غير التريقة عليكي وانتي رايحة وجاية ادامو هيقولك يا تخينة
يا فجعانة .. حتي اللقمة باصص فيها ..

((( 3 )))
حياتك دلوقتي عاملة ازاي ..؟؟ بتقومي وقت ما انتي عاوزة وتنامي وقت ماانتي عاوزة , تقعدي علي الكمبيوتر ..
تتفرجي علي التلفزيون ... تخرجي مع صحباتك .. يعني عايشة حياتك بالطول والعرض اخر روقان
لكن بعد الجواز انسي كل ده هتلاقيه واقفلك زي الحيطة ويقولك انتي رايحة فين ؟؟ كنتي فين يا هانم ..؟ بتكلمي مين ؟؟
هيكون مين يعني ... ده غير انه ممكن يحلف عليكي لو طلعتله الزربونة بالطلاق انك متروحيش لمامتك وهو داير متسرمح
في كل حتة شوية ... اووووووووووووف حاجة تخنق

((( 4 )))
شنطتك فيها فلوس صح ؟؟دي فلوسك انتي لوحدك ...تجيبي بيها اللي نفسك فيه كله صباع روج او ازازة برفان
يعني هتجيبي اللي انتي عاوزاه من غير ما حد يدخل في مشترياتك .. لكن بعد الجواز لو جيبتي حاجة من نفسك
هيفضل يقولك وده لازمته ايه ؟ ايه الحاجات التافهة اللي انتي جبتيها دي ؟ مش البيت اولي ؟؟كفاية بعزقة ولمي ايدك ..
اما هو بقي يروح يصرف علي مزاجه وعلي سجايره ولو قلتيله حرام عليك هيقولك هو انا اللي بشتغل ولا انتي ...

((( 5 )))
متعودة انك تقضي يوم معين في الاسبوع في اي مكان بتحبيه ؟ او متعودة انك تزوري صحبتك الانتيم ؟؟
او متعودة انك تروحي رحلات مع صحباتك ؟؟؟بتعملي كدة دلوقتي صح ؟؟
هيصي يا بنتي وافرحي ده انتي في نعمة ... شوفي بقي لو اتجوزتي كل ده هيكون احلام وزكريات جميلة وهيكون
ممنوع والغاء من حياتك تماما

((( 6 )))
عندك هواية معينة بتعمليها صح ؟ زي اشتراكك في المنتديات او كتابة الشعر او القرايا
كل ده قوليله باي باي بعد الجواز هيموت يا روحي بعد جوازك انسيه تماما هواياتك الجديدة هتكون ليها شكل تاني خالص
هتكون في هواية الغسيل ونشره طبعا ...وهواية رضاعة الواد اللي عمال يوأوأ ... والبيه جوزك منفضلو وعامل نفسه مش سامع ... ده غير هواية خياطة قميصه وتركيب زرايرو الواقعة علي طول وياريته بيطمر ( رجالة عاوزة الحرق )

((( 7 )))
بتتكلمى وتقولى رأيك فى كل شىء صح؟وفى اى مكان ومع اى حد ومن غير خوف وقلق صح؟
لا يا ماما لااااااااااا انسى كل دة نهائى بعد الجواز كل كلمة منك هتطلع بحساب وهيكون ليها حساب(
انتي لية بتقولي كدة ؟) ما تعدلى لسانك ؟انتى ازاى تسمحى لنفسك تقولى الكلمة دى,,,, يعني مش هتخلصى من زنو وأرفو

((( 8 )))
انتى بتشتغلى؟اشتغلى اى شغلانة تحبيها وفى اى مكان تختارية لكن بعد الجواز شغلك هو جوزك اللى هيقرفك فى حياتك
بطلباتة وزنو اللى مش بيخلصو

((( 9 )))
بتحبى محمد حماقى؟بتحبى راغب علامة؟ومغرمة بعيون توم كروز؟ حبى واعجبى بأى راجل انتى عايزاة وبحلقى فى دة ودة ...مين أدك براحتك بقى.. لكن مثلا لو حبيتى تقولى رأيك في مطرب او ممثل امور وشيك هيقولك ايه المياصة دي
حماقي ايه وكروز ايه ؟؟بتحبيهم علي ايه دول ؟؟ بيقولك كدة علي اساس ان حضرته عمر الشريف وانتي مش واخدة بالك
وهو بقي يبحلق لنانسي وهيفا ويتنح ادام كليبتاهم وصورهم .. رجالة متملاش عنيها الا التراب ...

((( 10 )))
واخيرا اهم حاجة عندك ايه وبتهتمي بيها ايه دلوقتي ؟؟؟
اكيد جمالك ورشاقتك جسمك رشيق ومتناسق صح ؟ مفهوش كرش ولا دهون ؟ وبتلبسي اللي انتي عاوزاه واصغر المقاسات
ده دلوقتي بس .. لكن بعد الجواز هتلبسي اكس اكس اكس لارج
وفي الاخر هيعيب عليكي ويقولك روحي شوفي البنات اللي في بيطلعو في الكليبات عاملين ازاي ... وهو اساسا بيكون
كرشو ادامو شبرين زي مايكون بالع كورة ولا بطيخة

شفتي بقي اقتنعتي ولا لسة ؟؟؟؟؟
معلش طولت عليكم لكن كله لمصلحتكم يا بنات وبطلب منكم طلب ياريت تدعولي اني

اتجوز بقى:harhar1: :1:

[فروله]

بسم الله الرحمن الرحيم
موضوع هايل يا نور
مشكوره عليه
وربنا يوفقك يا قلبى
وتكشفلنا الاسرار المتخابيه فى الناس التانيه اللى انتى
فاهمه انا اقصد بيهم مين

[NONA_WIZO]

المشاركة الأصلية كتبت بواسطة فروله

بسم الله الرحمن الرحيم

موضوع هايل يا نور
مشكوره عليه
وربنا يوفقك يا قلبى
وتكشفلنا الاسرار المتخابيه فى الناس التانيه اللى انتى
فاهمه انا اقصد بيهم مين

السلام عليكم ورحمة الله وبركاته

ميرسي يا حبيبتي والله مش عارفة اقولك ايه منوراني والله يا حبيبتي

وربنا يخليكي ليا يارب ويسعدك ياااااااااارب ويحققلك اللي بتتمنيه يارب

هههههههههههه لا ان شاء الله ميكونش كده خالص

ربنا يسعدك في حياتك وحبك يارب يا حبيبة قلبي

مشكوووووووووووووووووووووووووووووووووووووورة

ربنا يوفئيك
نـــــــــــونـــــــــــا

[NONA_WIZO]

السلام عليكم ورحمة الله وبركاته

هو الموضوع وحش ولا زعل حد منكم ولا ايه والله مش عايزة حد يزعل مني انا حطتيه بس على اساس اني بمزح او بهزر لكن الحب والجواز ده بجد من اجمل حاجة في الحياة كلها

يارب الاقي ردود كتييييييييير في الموضوع ده

نــــــــــونــــــــــــا

[mody]

ههههههههههههه

والله هيوزعوا البنات مع التموين اخر الشهر بسببك يانونا

كده البنات هتعنس ومش هيتجوزا

لكن طبعا مش كل الرجاله بتعمل كده ؟ ولا ايه

شكرا علي الموضوع الجميل ده وذنب البنات كلهم في رقابتك دلوقتي

سلام

[NONA_WIZO]

المشاركة الأصلية كتبت بواسطة mody

ههههههههههههه

والله هيوزعوا البنات مع التموين اخر الشهر بسببك يانونا

كده البنات هتعنس ومش هيتجوزا

لكن طبعا مش كل الرجاله بتعمل كده ؟ ولا ايه

شكرا علي الموضوع الجميل ده وذنب البنات كلهم في رقابتك دلوقتي

سلام

السلام عليكم ورحمة الله وبركاته

:harhar1: :1: ههههههههههههههههههههه:1: :harhar1:

انا مبسوطة اووووي ان في ولد دخل ورد عليا بجد ويا سلام بقى يا مودي تلاقيك كنت بترد وانت على اخرك مني ههههههههههه واكيد كنت عايز تولع فيا لما قريت الكلام اللي انا كتباه هههههه بس مش دي الحقيقة لما الواحدة بتكون قبل الجواز حرة نفسها بعد الجواز بقى بتبقى مش حرة بتبقى ملك جوزها كل حاجة بتعملها بحساب ان بصت بتبصي ليه ان اتكلمت اسكتي انا بتكلم ان لبست لا بلاش اللبس ده ان حطت ميك اب لا بلاش منه برفان بردو بلاش منه كله لاء لاء لاء لاء

ايه في ايه مفيش حاجة اه ابدا :bash:

ههههههههههههه لا انا بهزر طبعا بص يا مودي مدام اتنين عرفوا بعض اوي وحبوا بعض اوي وهي عرفت بيحب ايه وبيكره ايه وايه اللي بيفرحو وايه اللي بيخليه يضايق واكيد عرفت طباعه يبقى خلاص هاتبقى حاجة عادية بالنسبة ليها بعد الجواز مش حاجة غريبة يعني زي اللبس مثلا كان قبل الجواز بيغير عليها ويقولها البسي ده وبلاش ده يبقى خلاص هي اتعودت على كده وهاتبقى بتعمل ده وهي بتحبه لانها لو بتحب الانسان ده اوي اكيد كل حاجة هاتعملها حتحبها وحاتكون راضية عنها وهي بتعملها ومش هاتكون غصب عنها ابدا ولا اية يا سي مودي؟؟

وكمان انت سألتني وقولتلي

المشاركة الأصلية كتبت بواسطة mody

لكن طبعا مش كل الرجاله بتعمل كده ؟ ولا ايه

طبعا يا مودي انا معاك في دي مش كل الرجالة كده اكيد في العاقل اللي مش بيحب المشاكل ومش بيحب يدقق على كل حاجة والغيرة ليها حدود بردو لان الغيرة الجامدة بتخنق اوي :russian_roulette:

ربنا يهدينا ويهديكم علينا اللهم امين:beer2222:

ميرسي كتيييييير يا مودي على ردك وانا بجد نفسي الموضوع ده يبقى في مناقشات من كل الاعضاء سواء كان بنات او شباب نفسي بجد الاقي ردود ونتكلم ونناقش الموضوع ده بجدية وانا حطيته علشان اعرف وجهه نظر كل واحد وواحدة هنا ايه هل هما قابلين الكلام ده وهل ده كله بيحصل فعلا ولا لاء؟

ميرسي يا مودي على ردك ومرورك اللي نورني بجد

الف شكر ليك يا قمري

مشكووووووووووووووووووووووووووووووووور

ربنا يوفئك
نـــــــــــونـــــــــــــا

[mody]

المشاركة الأصلية كتبت بواسطة NONA_WIZO

السلام عليكم ورحمة الله وبركاته

مدام اتنين عرفوا بعض اوي وحبوا بعض اوي وهي عرفت بيحب ايه وبيكره ايه وايه اللي بيفرحو وايه اللي بيخليه يضايق واكيد عرفت طباعه يبقى خلاص هاتبقى حاجة عادية بالنسبة ليها بعد الجواز مش حاجة غريبة يعني زي اللبس مثلا كان قبل الجواز بيغير عليها ويقولها البسي ده وبلاش ده يبقى خلاص هي اتعودت على كده وهاتبقى بتعمل ده وهي بتحبه لانها لو بتحب الانسان ده اوي اكيد كل حاجة هاتعملها حتحبها وحاتكون راضية عنها وهي بتعملها ومش هاتكون غصب عنها ابدا ولا اية يا سي مودي؟؟

اه ايوه كده اهوه ده كلام الناس العاقلين مش تقوليلي خنقه ومش عارف ايه

ههههههههههههه

شكرا ليكي ياعسل علي موضوعك ومتابعتك

[NONA_WIZO]

المشاركة الأصلية كتبت بواسطة mody

اه ايوه كده اهوه ده كلام الناس العاقلين مش تقوليلي خنقه ومش عارف ايه

ههههههههههههه

شكرا ليكي ياعسل علي موضوعك ومتابعتك

السلام عليكم ورحمة الله وبركاته

ههههههههههههههه

ونبي ايه يا سي مودي ماشي عموما انا طول عمري عاقلة:harhar1: ها عاقلة هههههههههه

ميرسي ليك يا مودي وانت اللي عسل بردودك دي والله انت بجد المفروض لقبك يكون عسل المنتدى مش العاشق المجروح

الف شكر ليك يا مودي وميرسي كتير لمتبعتك ليا

مشكوووووووووووووووووووووووووووووووووووور

ربنا يوفئك
نـــــــــــونــــــــــــا

[MiChLe]

المشاركة الأصلية كتبت بواسطة mody

ههههههههههههه

والله هيوزعوا البنات مع التموين اخر الشهر بسببك يانونا

كده البنات هتعنس ومش هيتجوزا

لكن طبعا مش كل الرجاله بتعمل كده ؟ ولا ايه

شكرا علي الموضوع الجميل ده وذنب البنات كلهم في رقابتك دلوقتي

انا بضم صوتى مع مودى ولو البنات شايفة ان حيتها قبل الجواز احسن بتجرى ليه ورا الرجالة عشان يتجوزو ( يتمنعن وهن الراغبات )

هههههههههههههههه:arms:

[NONA_WIZO]

المشاركة الأصلية كتبت بواسطة MiChLe

انا بضم صوتى مع مودى ولو البنات شايفة ان حيتها قبل الجواز احسن بتجرى ليه ورا الرجالة عشان يتجوزو ( يتمنعن وهن الراغبات )

هههههههههههههههه:arms:

السلام عليكم ورحمة الله وبركاته

ثواني بقى يا مايكل باشا

تعالي بقى بتقول ايه يا مايكل بقى البنات هي اللي بتجري ورا الشباب دلوقتي ههههههههههه

لا يا مايكل انا مش معاك في الحتة دي بقى لان الواحد منكم ممكن يعمل المستحيل بس يوصل للبنت اللي عاجبته واللي دخلت دماغه يبقى عايز يعمل ايه حاجة بس المهم يوصلها

والعيب اللي فيكوا عارف ايه هو بقى انكوا تتمسكنوا لحد ما تتمكنوا

بص يا مايكل الوقت والزمن زي ما قولت لميرو هو سبب اللي احنا فيه دلوقتي ولا البنت بتجري ورا الشباب ولا حاجة بس انا كنت بتكلم على غيرتكو الزايدة عن اللزوم دي والغيرة دي بتزهق وبتخلينا بجد نتخنق لانها بتبقى اوفر اوي يعني وانابتكلم عن الشكل اللي انت قريته في موضوعي ده كله لاء لاء لاء لاء ولاء كل شوية دي كل حاجة لاء بتخيلنا نتأكد ان مفيش حاجة اسمها ثقة في الحياة دي ومفيش ثقة فينا فهمت انا عايزة اوصل ايه يا جميل

بس اكيد الكلمتين دول كانوا من ورا قلبك ولا ايه يا مايكل؟

ميرسي كتير ليك يا مايكل ويارب تفضل منورني كده دايما ياااارب

مشكوووووووووووووووووووووووووووووووووووووووووور

ربنا يوفئك
نـــــــــونــــــــــــا