[ برنامج ] : شرح مفصل: التحكم بالكمبيوتر عن بعد + ضبط اعدادات الراوتر + البرنامج

[eshrag]

السلام عليكم و رحمة الله و بركاته ,, الموضوع منقول وللامانه يعني نقلته للفائده
لانه فعلا الكثير يواجه صعوبه في هذه المساله
اترككم مع الشرح


-------------------------------------------


بسم الله الرحمن الرحيم

الكثير منا سمع عن التحكم في الكمبيوتر عن بعد و كيف تدخل على كمبيوترك من اي مكان في العالم
و طبعا الكثير حاول و منهم من ضبطت معاه و منهم ما عرف كيف يسويها و واجه بعض المشاكل
" و انا واحد منكم بعد ,, ههههه " بس الحمد لله عرفت كيف اسويها اخيرا و حبيت افيدكم باحسن طريقه بعد عدة تجارب.
و يمكن اكثر خطوه يواجه فيها صعوبه الكثير هي ليست تركيب البرنامج لانه مافي اسهل من كذا ,, لكن كيف يسوي اعدادت
الراوتر لو كان داخل عن طريق راوتر و شبكه، طبعا كل راوتر له طريقه خاصه في عملية فتح Port و عمل Port Forwarding
و ان شاء الله هنا راح اعمل الشرح على Netgear DG834PN و Linksys WRT54GX4، لكن اكيد البعض راح يسال طيب لو عندي راوتر موديل ثاني كيف اسويه
انا اقولك ولا يهمك كل الي عليك تسويه انك ترسل رساله الي ask@msaithan.net و خبرني عن موديل الراوتر.
---------------------------------------------
نقاط مهمه يجب معرفتها
1- Remote Computer هذا الكمبيوتر الي تبي تدخل عليه و تاخذ منه الاشياء. " نقدر نفرض انه الكمبيوتر الي عندك في البيت "
2- Local Computer هذا الكمبيوتر الي تدخل عن طريقه لـ Remote Computer " نقدر نفرض اللابتوب الي تتنقل فيه و تبي تدخل منه على كمبيوتر البيت"
3- في IP "عنوان" خاص بالشبكه ,,, و في IP خاص بالانترنت، و طبعا احنا راح نحتاج IP حق الشبكه و IP الانترنت الخاصين بــ Remote Computer
---------------------------------------------
طبعا الشرح راح يكون على برنامج Radmin Server & Viewer 3.01 و هذا رابط للبرنامج رفتعه لكم و كامل ( و الكمال الله ) مع التسجيل.
الرابط من هنا - Radmin Server 3.01طبعا البرنامج له قسمين ,, واحد اسمه Radmin Server و الثاني Radmin Viewer
الفرق بينهم هو
1- Radmin Server تركبه في الكمبيوتر الي تبي تدخل عليه و اسمه Remote Computer
2- اما Radmin Viewer هذا تضعه في الكمبيوتر الثاني ,, لانه هو برنامج للعرض فقط ,, يعني وظيفته انه يعرض ما في Remote Computer
نقطه مهم: طبعا الكثير راح يتسال و يقول ,, طيب انا مثلا لو ركبته برنامج Radmin Server في كمبيوتري الاساسي يعني الي ابي ادخل عليه
بس مثلا لو رحت مقهى انترنت او بيت صاحبي ,, كيف راح اقدر اركب برنامج Radmin Viewer في كمبيوتره
انا اقولك ما يحتاج تركبه " تعمل انستول " ,, كل الي عليك تسويه ,, نزل نسخة Radmin Viewer Portable لا تحتاج الي تركيب و لكن تشتغل على طول
يعني انقلها في الفلاش ميموري عندك و خله و وقت ما بغيته شغله بدون تنصيب " انستول "
نزل Radmin Viewer Portable من هنا

---------------------------------------------


نبدأ و بسم الله
------------------- طريقة فك الضغط عن البرنامج بعد تنزيله -------------------------
1- فك الضغط عن الملف
" يمكن استخدم برنامج Winzip ,, نزل البرنامج من هنا و الكيجن ( ملف التسجيل) من هنا ,, و ركبه و بعد التركيب و التسجيل اتبع الصوره "
انظر الصوره لطريقة فك الضغط عن الملف


2- بعد فك الضغط ستظهر لك هذه الملفات " انظر الصوره "


لاحظ هناك ملفين لتثبيت البرنامج rserv31.exe و rview31.exe
ركب الملف " اعمل انستول " لـ rserv31.exe في Remote Computer
و ركب الملف " اعمل انستول " لـ rview31.exe في Local Computer
طبعا بعد ما تركب كل برنامج في الكمبيوتر المحدد سواء Local ولا Remote ,, لازم تسوي هالخطوه بعد تركيب كل برنامج لتركيب التسجيل حتى يصبح البرنامج كامل.
في ملف اسمه Crack يظهر لك بعد عمل الخطوه 1 ,, ادخل عليه و اضغط على install.bat " انظر الصوره "


*و بعدين راح تطلع لك شاشه سوده يقول اضغط اي حرف و بعدين يقولك اضغط مره ثانيه و بعدين مره ثالثه و بعدين تتقفل الشاشه السوده لوحدها
و ايضا لو حبيت تشيل علامة انه البرنامج تجريبي شغل removetrayicon.reg و اضغط اوكي ,,, لكن تركيب هذا الملف غير ضروري بس الاول الي هو install.bat ضروري.

ملاحظه : طبعا لما تفتح البرنامج راح تلاحظ انه مكتوب No License و لكن في الواقع هو موجود


----------------- انتهت طريقة فك الضغط عن البرنامج بعد تنزيله -----------------------



-------------- طريقة ضبط اعدادات البرنامج في الـ Remote Computer -----------------

3- *شغل برنامج Radmin Server 3 الي ركبناه في Remote Computer,, اعمل له Start
راح تلاقي البرنامج تحت عند الساعه " انظر الصوره "


4- الآن اضغط باليمين الماوس على الايقونه و اختار Settings For Radmin Server " انظر الصوره "


5- بعد ما يفتح Settings اضغط على Permissions


6- اختار Radmin Security و اضغط على Permissions كما في الصوره


7- و تطلع لك النافذه هذي اضغط على Add User


8- تطلع لك هذي النافذه ,, ادخل في الخانه الاولى "اسم" و الثانيه "كلمة السر" و الثالثة "اعد كلمة السر" بعدين اضغط OK


9- في هذا النافذه تقدر تحدد التصاريح لكل مستخدم، مثل " هل يستطيع انه يتحكم تحكم كامل بـ Remote Computer او مثلا بس يستطيع ينقل ملفات
دون ان يرى سطح المكتب .. الخ "
طبعا و الاسهل انك تحط علامة صح على All Access للتصريح بالتحكم الكامل و بعدين اضغط OK


10- طبعا ذكرت انا في بداية الموضوع هناك IP خاص بالشبكه و هناك IP خاص بالانترنت ,, راح نحتاجهم في الخطوات الجايه
كيف نجيب IP الشبكه و كيف نجيب حق الانترنت الخاص بـ Remote Computer ,, بسيــطه جدا !!
اولا: IP الشبكه
اذهب بالمواس " الفأره " الى ايقونة البرنامج الي عند الساعه في Remote Computer
و راح تلاحظوا عند المرور عليها يطلع لك رقم ,, هذا هو رقم IP الشبكه " جيب و رقه و سجله عندك "
ثانيا: IP الانترنت
ادخل على موقع http://www.whatismyip.com/ و راح تلاقيه في اعلى الشاشه
و طبعا في آلاف المواقع الي تعطيك IP ,, لو رحت جوجل و بحثت.

-------------- انتهت طريقة ضبط اعدادات البرنامج في الـ Remote Computer -----------------

-------------------------------------------------------------------------------------------------------------------------------------------
" طريقة اعداد الراوتر بحطها في الاخيرا ,, بس طبعا الي كمبيوتره الـ Remote Computer غير مشبوك في راوتر لا يحتاج لضبط اعدادت الراوتر"
-------------------------------------------------------------------------------------------------------------------------------------------


-------------- طريقة ضبط اعدادات البرنامج في الـ Local Computer -----------------

11- شغل برنامج Radmin Viewer 3 الي ركبناه في Local Computer
هكذا تكون واجهة البرنامج ,, اضغط على لاضافة Address "عنوان"


12- "ركزوا في هذي الخطوه زين " ,, بعد ما تعمل الخطوه الي فوق ,, راح تظهر لك هذه النافذه


في المكان المحدد بالاسود في الصوره تكتب الـ IP الخاص بك ,,
اذا كنت تبي تدخل على Remote Computer و هو معاك في نفس الشبكه مثلا في البيت ,, اكتب IP الشبكه " لان الاتصال راح يكون اسرع "
اما اذا كنت تبدي تدخل على Remote Computer عن طريق الانترنت لازم تدخل IP الانترنت
طبعا في الخطوه رقم 10 انا ذكرت كيف تجيب هذا و هذا ,, بس طبعا انا انصح انك تستخدم IP الانترنت لانه عن طريقه
تقدر تدخل على Remote Computer لو كنت في البيت او عن طريق الانترنت لو كنت في اي مكان اخر، و الهدف الاكبر انك تدخل من اي مكان. لذلك ضع رقم IP الانترنت
الآن و بعد ما تحط IP اضغط OK

13- بعد ماتضغط OK راح يرجع لنافذة البرنامج الاساسيه و راح تلاقي كمبيوتر و تحته رقم الـ IP الي حطيته


14- اضغط مرتين على الكمبيوتر و راح تفتح لك ناذفه و راح يعمل اتصال بعدين يطلب منك " اسم و كلمة سر " ,, الاسم و كلمة سر نفسها الي ادخلناهم في الخطوه رقم 8
قم بادخالها و اضغط على OK


و بعدين *انتظر شوي راح يشبك على Remote Computer *و راح تشوف الشاشه قدامك و كل شي راح يكون تمااام و بعدين انتوا اكتشفوا البرنامج و وكيف تنقل ملفات و كذا.
ملاحظه: اذا كان هناك برامج حمايه و جدار ناري Firewall في Remote Computer قد يمنع الاتصال ,, فلذا قم بإلغائها منه.
ملاحظه 2 : ماراح يشبك لو ماسويت اعدادات الراوتر لو كنت داخل عن طريق الراوتر في Remote Computer
-------------- انتهت طريقة ضبط اعدادات البرنامج في الـ Local Computer -----------------



--------------------- طريقة ضبط اعدادات الراوتر -----------------------
طبعا كما ذكرت الي كمبيوتر Remote غير مشبوك في راوتر لا يعمل هذي الطريقه

اولا: راوتر Linksys WRT54GX4
1- ادخل على عنوان عدادات الراوتر من Remote Computer من المتصفح و هو يكون http://192.168.1.1


2- راح تظهر لك هذي النافذه لادخال الاسم و كلمة المرور الخاصه بالراوتر ,, و طبعا الاعدادت الرئيسيه هي لمن لم يغيرها كالتالي
اسم المستخدم: فارغ لا تكتب شي
كلمة المرور: admin


3- الآن و بعد ان تدخل على اللاعددات ,, اذهب على Applications & Gaming كما في الصوره


4- *الآن قمت بتعئة اي عمود من الاعمده كما في الصوره
طبعا في مكان IP Address ادخل رقم IP الشبكه الخاص بـ Remote Computer طبعا راح تلاحظ انه الرقم الي طلعته نفسه الموجود
*و لكن يختلف آخر رقم يعني كل الي عليك تسويه انك تغير “0” الي آخر رقم عندك في رقم IP الشبكه

و بعدها في نهاية الصفحه اضغط على Save و كذا نكون خلصنا من ضبط اعدادت راوتر Linksys WRT54GX4
-------------
ثانيا: راوتر Netgear DG834PN

1- ادخل على عنوان عدادات الراوتر من Remote Computer من المتصفح و هو يكون http://192.168.0.1

و طبعا راح تطلع ناغذة تسجيل الدخول ,, للاعدادت الاساسيه لمن لم يغيرها
الاسم: admin
كلمة المرور: password

2- بعد ماتدخل راح تلاقي على اليسار Services ,, ادخل عليها و بعدين اضغط على Add Custom Service


3- بعد ما تضغط على Add Custom Service تظهر لك هذي الصفحه ,, كمل الفراغات زي الصوره و اضغط Apply


4- الآن تم فتح بورت رقم 4899 ,, المفروض يكون عندكم كما في الصوره


5- الحين نروح من على اليسار و نضغط على Firewall Rules
و بعدين تحت خيار Inbound Services نضغط على Add كما في الصوره


6- راح تفتح لنا هذي الصفحه ,, في الخيار الاول عند Service نختار الي انشاناه في الخطوه 3
و في الخيار الثالث عند Send Top LAN Server نضع IP الشبكه تبع الــ Remote Computer
انظر الصوره و راح تفهم

6- الآن المفروض يكون الوضع عندك مثل كذا

*و بكذا و لله الحمد انتهينا من ضبط اعدادات الراوتر
و طبعا مثل ماذكرت في اول الموضوع ,, الي الراوتر حقه مختلف و ما عرف يعمله
يرسل لي ساله على الايميل ask@msaithan.net و يذكر عنوان الموضوع " التحكم بالكمبيوتر من اي مكان " و يذكر موديل الراوتر
و ان شاء الله راح احاول توفير شرح مصور لطريقة ضبط الاعدادات له
--------------------- انتهت طريقة ضبط اعدادات الراوتر -----------------------


لمن يرغب في تنزيل الشرح على شكل ملف exe


و كذا و لله الحمد انتهينا من الشرح، و اتمنى اني وفقت في تقديم هذا الشرح و ان شاء الله يفيدكم
و نســالكم الدعاء
أجمل التحـــيه
MsAiThAn
-------------------------------------------



منقوول للفائده

شكرا جزيلا

موضوع