FIFA 17 Ultimate Team - الالتميت تيم فيفا 17 الويب اب - مشاكل وحلول 2017

[مراسل المنتدى]

حياكم الله بموضوعي الخاص بأكثر طور شعبية بسلسلة العاب FIFA.. طور الالتمت تيم الذي تتمحور فكرته الرئيسية على بناء تشكيلة الاحلام او الفريق الاقوى ضمن نظام تناغم معين لدينا جميعاً فكرة كافية عنه .. يعود هذه المرة ومازال هو الطور الاول بلعبة فيفا بنسخة جديدة وبإضافات جديدة باللعبة المنتظرة فيفا 17 .. تعرفنا السنة الماضية على طور الدرافت لأول مرة كطور جديد على اللعبة .. لكن هذه المرة سنتعرف على طورين جديدين يرضيان ميول جميع اللاعبين سواء كانوا يلعبون فيفا للفوز والتنافس على اعلى مستوى او للمتعة ولتجميع اللاعبين وبناء التشكيلات المختلفة .. طور الفوت تشامبيونز وطور السكواد تشالنجز بالاضافة الى اضافات جديدة ستجعل تجربتنا لطور الالتمت تيم فيفا 17 تجربة ممتعة بكل تأكيد .. دعونا نتعرف على الجديد هذه السنة بالطور الاكثر شعبية عند عشاق فيفا .



|[ الأساسيات ]|

- من اهم الاساسيات في الالتمت تيم هو نظام التناغم او الكمستري .. فائدة التناغم مهمة جداً عشان يعطيك اللاعب كامل امكانياته ..
التناغم يزيد للاعب لما يكون بمركزه الصحيح و شابك مع لاعب من نفس الدوري او الفريق او الجنسية .

- اللاعبون ينقسمون لثلاث مستويات .. برونزي من 1 الى 64 .. فضي من 65 الى 74 .. ذهبي من 75 الى 99 ..
ويمكن للاعب يكون نادر ( بطاقته تلمع ) او غير نادر ( بطاقته مطفية ) .

- بطاقات التناغم او الكمستري ستايلز .. فائدتها توزع زيادات تصل لـ +3 لأي طاقة معينة ..
لشرح اكثر وضوح شوف الموضوع هذا : http://www.adslgate.com/dsl/showthread.php?t=1677594

- مركز التجارة يمكنك من شراء وبيع اللاعبين بأسعار محددة لكل بطاقة

- المدرب فائدته زيادة الكمستري للفريق عن طريق جنسيته و الدوري حقه

- الفيفا بوينت تمكنك من فتح البكجات عن طريق شرائها من الستور بمبلغ معين

سأكتفي بهذا القدر .. لأن اغلب المعلومات معروفة للأغلبية والشروحات متوفرة بكل مكان .



|[ الاضافات الجديدة بـ FIFA 17 ]|

1- طور الـ Squad Building Challenges
2- طور الـ FUT Champions
3- 10 اساطير للإكسبوكس ( القائمة الكاملة هنا )
4- بالامكان الحصول على كوينز كجائزة بالدرافت
5- بإمكانك وضع تكتيك خاص لكل تشكيلة ويتم تخزينه
6- تم اضافة انستركشن جديد للمهاجم وهو False 9 .. يعني تخلي المهاجم يلعب كـ مهاجم وهمي .
7- بإمكانك وضع سعر محدد مباشرة عن البحث في السوق بدل ماتضغط السهم ويزيد عدد الكوينز الى ان يوصل للسعر اللي تبيه
8- ثلاث بطاقات جديدة : بطاقات خاصة بطور الفوت تشامبيونز .. بطاقات خاصة بطور السكواد تشالنجز .. وبطاقة جديدة تحت اسم Ones To Watch او OTW



|[ طور الـ Squad Challenges ]|


بالالتمت تيم تواجهني مشكلة ان النادي يتعبى لعيبة ما استفيد منهم وغالباً يروحون ديسكارد ..
اغلب اللاعبين اللي يلعبون التمت بإستمرار اعتقد يواجهون هذا الشي بعد لكن اخيراً مع الطور هذا بتنحل هذي المشكلة
وبيكون فيه " قيمة " فعلية للعيبة هذي بدل البيع السريع او وضعهم بالنادي كانهم مزهريات سواء ببيعهم بالسوق او استخدامهم بتحديات هذا الطور .
طور تحديات بناء التشكيلات يعتبر اضافة كبيرة للألتمت تيم .. خصوصاً للي اهتمامهم الاول تجميع البطاقات والاستمتاع بعيداً عن لعب المبارايات .

فكرة الطور هي بناء تشكيلات معينة حسب المتطلبات المطلوبة منك .. وبعدها يعطونك جائزة معينة ( كوينز - بكجات - نسخ خاصة من اللاعبين ) ..
طبعاً اللاعبين اللي تستخدمهم ببناء التشكيلة يروحون عليك فإنتبه وفكر قبل لا تحط لاعبينك اللي لهم قيمة عالية .


كما هو موضح بالصورة هذي قائمة التحديات الاساسية .. بإمكانك اعادتها اكثر من مرة مثل ماهو موضح ( مكتوب Repeatable ) ..
والجائزة مثل ماهو مكتوب غير قابلة للبيع .. فيه جوائز تقدر تبيعها بالسوق .. كل شي يكون موضح بالقائمة قبل لا تبدأ بناء التشكيلة .
( يعطونك اربع بكجات فيها لاعبين ذهبيين يلمعون .. تحدي جميل جداً بحيث تحط اللاعبين اللي ماتبيهم ويعطونك 4 بكجات كل مرة يعني 8 لاعبين ذهبيين واحتمال كبير يجيك لاعبين كبار منه ولو انه ماتقدر تبيعهم لكن مفيدة جداً ) .


هذي القائمة تتحدث بإستمرار كل فترة بإضافة تحديات جديدة .. طبعاً هذا التحدي عبارة عن مجموعة ..
لما تدخل عليه تجيك مجموعة تحديات كل تحدي له جائزة معينة ولما تخلص جميع التحديات يعطونك الجائزة الرئيسية تبع المجموعة
اللي هي نسخة خاصة من مارتشيال .. قائمة الادفانسد هي تحديات متقدمة شوي وصعبة نوعاً ما وجوائزها اكبر من البيسك ..
واخيرا قائمة الليقز هي تحديات تخص دوريات معينة مطلوب منك تسوي فيها تشكيلات لجميع الاندية بالدوري المطلوب .

المزيد من الصور :









|[ طور الـ FUT Champions ]|



اخيراً .. بطولات على مدار السنة وبجوائز كبيرة جداً - الاكبر بتاريخ الالتمت -
طور الـ Fut Champions يتيح فرص كبيرة للاعبين فيفا المحترفين او الـ Hardcore لمنافسة الافضل بالعالم على جوائز كبيرة كل اسبوع ..
الجوائز الضخمة مثل ( بكج فريق الاسبوع اللي يعطيك 11 لاعب من فريق الاسبوع ! ) ستكون لأول للـ Top 100 للأسف .. ذا الشي بيصعب المهمة ..
وبنظري بيكون انجاز كبير جداً اذا احد حقق ذا الشي .

عشان تتأهل لبطولة نهاية الاسبوع تحتاج اول شي تتأهل عن طريق لعب البطولات اليومية ..
بيكون فيه بطولات يومية مثل البطولات الموجودة حاليا بـ 16 ( كل بطولة لها متطلبات معينة .. مثلاً فريق سلفر .. ولا فريق 4.5 الخ )
وعليك لعب البطولة والفوز فيها عشان تتأهل لبطولة نهاية الاسبوع .. بالاضافة ان البطولات لها حد معين للعب - 5 مرات بعدها تتقفل مثلاً -



ببطولة نهاية الاسبوع لك حرية المشاركة بأي فريق تبيه .. طبعاً الدوري مقسم لعدة درجات من البرونز الى الايليت او النخبة ..
لك 40 قيم تلعبها خلال ثلاث ايام ( الجمعة - السبت - الاحد ) ومن خلال فوز بهذي المباريات يتحدد مكانك بأي درجة ..
مثلا لو فزت 36 قيم من اصل 40 بتكون بدرجة الـ Elite 1 مثل ماهو موضح بالصورة .. طبعاً الصورة للأسبوع الاول ..
الاسبوع اللي بعده يتضاعف عدد المبارايات المطلوب الفوز فيها عشان تكون بالدرجة الاولى لـ 72 والاسبوع الثالث لـ 108 وهكذا ..
لذلك يفضل تلعب بطولات نهاية بإستمرار اذا كنت ناوي على المنافسة .




بهذي الصورة نقدر نشوف التوب 100 .. ومثل ماتشوفون في حال التعادل بعدد الفوز يروحون للـ Skill Rating وصاحب المعدل الافضل ياخذ مركز اعلى ..
ماهو معروف على ايش يعتمد السكيل ريتنق .. لكن بإعتقادي على اهدافك وعلى عدم استقبالك للأهداف والباصات والاستحواذ الخ .

الامر لا ينتهي فقط عند جوائز بطولات نهاية الاسبوع .. كل نهاية الشهر ياخذون كم مرشح من اصحاب المراكز الاولى
للمشاركة بالبطولات العالمية والمنافسة على جوائز كبيرة جداً مثل اللي فاز فيها الشهري سابقاً .

صور توضح جميع الجوائز :
















|[ بطاقات الـ OTW ]|



بطاقات الـ OTW او الـ Ones to Watch .. تعتبر اضافة كبيرة جداً بالالتمت وممكن انها تكون افضل اضافة لهذي السنة ..
فكرة هذي البطاقات هي انها تزيد بالريتنق اذا اللاعب جاته بطاقة انفورم ( بإستثناء بطاقات السنة والموسم ) ..
مثلا بوغبا عنده بطاقة OTW تكون بالبداية طاقته نفس البطاقة العادية .. لكن لما يجيه انفورم تزيد طاقات بطاقة الـ OTW لنفس طاقات هذا الانفورم .

طبعاً راح تكون تشكيلة معينة تضم ابرز اللاعبين المتنقلين بالصيف حسب اللي قاله المنتج بقيمز كوم ..
يعني القائمة بتضم امثال بوغبا وابرا هيغواين .. وبتكون موجودة البطاقات هذي من الاسبوع الاول .. لكن ماندري هل بتكون لأسبوع واحد فقط او على مدار السنة ..
اضافة كبيرة جداً بنظري وبتخليك تفكر قبل لا تشتري احد البطاقات هذي لأن ممكن يرتفع او ينزل سعره على حسب ادائه بالواقع .




|[ روابط تهمك ]|

موقع الالتمت تيم : easports.com/fifa/ultimate-team/web-app
مواقع خاصة ببناء التشكيلات :
http://www.futhead.com/
http://www.futwiz.com/en/
http://www.futbin.com/ ( افضل موقع بالاسعار )


المصدر