المخطوووبات بس .. .... المتزوجات راحت عليهم ...علشان ما تواجهو مشاكل تعالوووو

[ام محمد]

بسم الله الرحمن الرحيم
من ضمن تصفحي للمنتدىافتح قلبك والحياة الزوجيه شفت مشكله متكررة بشكل كبير .... ممكن اكون انا نفسي عانيت منها وكتيرررررررر منا ...... الي رجاء للاخوات الي خاطبين او مقبلين على الزواج الاطلاع على المكتوب وصدقوني ما رح تندمو ::::::
المشكله هي مع اهل الزوج وتسلطهم على الزوجه .
هادا الشي اله عده اسباب :
1: ضعف شخصيه الزوجه .
2: ضعف شخصيه الزوج.
3 : نصائح اهل الزوجه قبل الزواج ، وهي اهم سبب ورح اتطرق لكل نقطه على حده .
4: السكن المتصل او بنفس البيت .
5:ضعف شخصيه والد الزوج ، ويمكن هاي النقطه في ناس غافلين عنها كتير.
6: عدم احترام الزوج لزوجته .

خلينا ناخد كل نقطه على حده
1: ضعف شخصيه الزوجه ، الزوجه الغير محنكه الغير واعيه لالاعيب النساء واللف والدوران الي القطه بتاكل عشاها ، الزوجه الي شو ما سمعت من اول يوم بتضل ساكته ، الزوجه الي الزوج بقولها اهلي هدول اوعي تغلطي بحدا فيهم ، وفي كمان كارثه اذا كان عند زوجها اخوات عوانس هون مصيبتها بدهم يتحكمو فيها في كل شيء
الي بدي اوصله الكم يا عزيزاتي افرضي احترامك على الكل من اول لحظه لا تسمحي لحدا يهينك ويدوس كرامتك والشغله ما بدها فهمتو عليي بالسياسه والحنكه ، يعني بصورة اخرى اول ما تتزوجي وفي اول زيارة لحماتك على سبيل المثال اطلبي منها اي اكله تعملها حتى لو ما كنتي بتحبيها وقوليها انه زوجك بقول انه ما في اشطر منك بعمل الاكل ونفسك تذوقي شغل ايدها ، هي رح يكبر راسها ، اخت زوجك على سبيل المثال قوليها حبيبتي هاتلي كاسه عصير والله كاسه العصير من ايدكي عسل وهاتي الك وتعالي بدي احكيلك شغلات بتطير العقل ، حماكي والد زوجك اكسبيه لصفك مهما كان الوضع ، يعني فنجان قهوة كاسه عصير بوسي راسه قوليه يا حبيبي يا عمي بوسي ايده اول ما توصلي ( بوس الايادي ضحك على اللحا ) ، حماتك قوليها كلام حلو خليها تحس انها هي وبس وما في مانع لو اول مرة دخلتي عليها بعد زواجك جبتيلها هديه حلوة ولاخت زوجك، طبعا هاد الحكي مو بعد ما توقع الفاس بالراس من اول يووووووووووووووووووووم وحتى ممكن تطبقيه خلال الفترة الخطبه .

2: ضعف شخصيه الزوج وهي هي الطامه الكبرى اذا كان زوجك لا بهش ولا بنش ( ابن امه ) ما في مانع يكون بحب امه وبحترمها بس مو حساب كرامتك ، يعني اذا امه سمحت انه ينام عندك ينام ولا تحدد كم يوم الاسبوع خوف عليه و واذا حبيتي تروحي عند اهلك لازم يطلب اذن منها ، او بدك تطلعي معه مشوار هيك شمة هوا لازم تكون مرافقه او تتكرم وتسمح، لا تستغربو لانها فعلا صار وسمعت قصص كتيرة من هالنوع بحكم شغلي ، اكتر شي بعطيكي راحه ان زوجك يكون اله شخصيه قويه ونافذه هيك بفرض احترامه واحترامك على كل شخص سواء اهله او غيرهم ، وشفت تعقيب لاحد الاخوات على مشكله ان زوجها اهلو ما بحترمو لو بحترمو بحترمو زوجته ( لان احترامها من احترامه ) . .

3: نصائح اهل الزوجه قبل الزواج ، وهي سبب رئيسي في مشاكل كتيرة ، يعني قبل العرس بتمسكك امك وبتبلش اوعي يا حبيبتي يمه تزعلي حماتك ولا حماكي ولا زوجك ولا بنات حماكي ولا سلافك اذا واحد طلب كاسه شاي جيبيها زي الطيارة بدون ما يقولك ، حماتك اوعي تخليها تشتغل شي من شغل البيت( اذا كنتي ساكنه عندها على شكل طوابق انزلي من الصبح بدري ساعديها ) شو ما قالت قولي حاضر وبنات حماكي لا تزعليهم خليهم كلهم يحبوكي ( بركبو وبدندلو رجليهم يا روحي وبتصيري ملشطه ) ولا زوجك اذا غلط ولا ضربك ولا سب عليكي لا تردي بتمه جواب ( الي بسب ابوي بسب ابو ابوة في التراب كلنا ولاد تسعه وما حدا احسن من حدا لا ابوة احسن من ابوة ولا امه احسن من امي ولا عيلته احسن من عيلتي ) ومن اول ليله كل واحد اله حد يلزمه وكتير ستات بحكو ما في حدود بين الست وزوجها ، لاااااااااااااااااااااااااااااا في حدود يعني اذا هو سبك لازم تسكتي؟؟؟ هل اذا انتي سبيتيه بسكت ؟؟؟؟؟؟؟ لا على طول بقول انك مش مربيه وبطلقك ..

4:السكن المتصل ، او نفس البيت ، وهاي مشكله مش كبيرة كتير اذا كانت باقي النقاط في صفك من قوة شخصيتك وقوة شخصية زوجك ، هون لابد الا الحماه تدخل شوي ليش لهلاء نايمه ( يقطع النوم وسنينه ، النوم بورث الفقر ، شو ما بتشبعي نوم) وانتي عاد بتطنشي زي حالاتي بغطي راسي وبعمل حالي مش سامعه وبكمل نوم ، لكن اذا كانت شخصيتك ضعيفه يا وليك ويل طول ليلك ووقعتك ما بدها الا الله والصبر . .

5: ضعف شخصيه والد الزوج: هاي مشكله عويصه فعلا ولما اقول عويصه فعلا عويصه ، عارفين ليش؟ لان الام الي هي حماتك متعوده تكون الها السلطه النافذه على كل الموجودين في البيت بما فيهم زوجها ، الغلط بصير في الابناء الذكور ، الولد بقلد ابوة ولما الاب يكون معدوم الشخصيه كذلك الابن يعني الله رح يبلاكي بواحد معدوم الشخصيه امه مسيطرة عليه ( ابن امه) وهاي مشكله كتير بنصادفها ولا تنكروها وعلى فكرة الابن الذكر بكون معدوم الشخصيه والبنت بتكون زي امها ذات شخصيه نافذه ومتسلطه يعني الله يعينك. .

6:
عدم احترام الزوج لزوجته ، معظم النقاط الي ذكرناها ممكن تتعايشي معها وتعدليها وتغيريها ، لكن هاي النقطه صعب ، لان الاساس بكون غلط ، الزوج متربي على الفوضى والغلط وعدم احترام الجنس الاخر هادا الشيء بيجي من وجود اب متسلط غير حضاري بشتم الام بهينها احيانا بضربها وامام الاولاد وانا قلت الابن دائما بقلد ابوة ، الابن من هون بتشرب اشياء سلبيه منها عدم احترام المرأه والمثل بقول من شب على شيء شاب عليه وهادا النوع من الرجال صعب تغيريه او تعيشي معه الا اذا كنتي من طينته وعندك سلطه ونفوذ اكتر منه ، لكن في هناك شق اخر ، ان طريقه الاب في معامله الام هيك بتخلق ابناء منحازين للمراه ، حسهم مرهف حساسين زياده عن اللازم بس فئه قليله .
من عدم احترام زوجك الك بيجي عدم احترام الاخرين الك في مثل مصري بقول الي بقول لمرته يا هانم الناس بترحب بيها على السلالم واللي بقول لمرته يا عوره الناس بتلعب فيها الكورة . .

عزيزاتي اتمنى اكون فدتكم وكل كلامي صدقوني عن تجربه وخبرة ومن كتير قصص شفتها بحكم شغلي . والي عندا شي غير هيك تقوله .

[سندريلا طيبه]

يسلمو قلبووووووووو

يعطيك العافيه

والف شكر

[ام محمد]

سوسو
يسلمووووووو يا قلبي

[بنت سكر]

يعطيك العافيه


الف شكر

[ام محمد]

بنت سكر
ثااااااااااانكس يا قلبي على المرور

[تعبت اشكي]

[ام محمد]

مشكورة يا قلبي اسعدني مرورك العطر

[بنت النور]

مشكوووره قلبي

يعطيك العافيه

دمتي بحفظ الله ورعايته

لا عدمناك

[ام محمد]

بنت النور
يسلموو يا قلبي