[Product] : الأقسام بالرئيسية حسب اختيار العضو

[اشراق العالمrss]

بسم اللهـ الرحمنـ الرحيمـ ..

السلام عليكم ورحمة اللهـ وبركاتهـ ..

صبحكم اللهـ او مساكم اللهـ بالخير والمسراتـ .. والشاهي والمكسراتـ ..

في البدايهـ .. الفكرهـ قريتها في موضوع الاخ العيسائي .. هنا
http://traidnt.net/vb/showthread.php?t=1066090

طبعا فكرة استاذي العيسائي خشتـ مزاجـي بصراحهـ .. لكنها كانت تحتاج اني أعيد ترتيب الاقسامـ عشان تختار منهم اللي أبيهـا تطلعـ ..
فـ قررتـ اعدل فكرتهـ عشان تناسبني .. وفعلا ركبتها وانهبلوا عليها الاعضاء عندي .. واحتكرتها عندي لفترهـ .. طورتها لحد ما صارت على شكل منتج .. ولما قررتـ اشارككم اياها حاولتـ اخلي التركيبـ سهل ويناسبـ الجميعـ .. لوحة التحكـ ....

( صوت من بعيد )
(.. هو هي وا .. ووواااوو .. ستووووووووووووبـ .. CUT .. ) يالطيبـ .. ممكن تشرح وش سالفة اوووم المنتج حقكـ ذا ؟؟

- / آبشر .. لنفرض انه عندكـ 91984334 قسم ..
كل عضو لازم يخش ويشيكـ على هالاقسام كلها .. كل يوم ..
بعضهم بيقول : ينعـــــــــن اوم السوبر ماركتـ ذا .. كل شي فيهـ ؟؟
ليه ما يحط 5 اقسام نفرفر فيها ؟؟ لازم يحط قسم لكل شي ؟؟
قسم العام .. الاسلامي .. الاغاني => ( بصراحهـ شي غريبـ انهم يجتمعونـ بمنتدى واحد) .. برمجهـ .. خدمة مواقعـ .. قسم بنات .. ازعاج .. قلق .. ضحك سوالف مطبخ العاب .. بلا بلا بلا .......آآآآآآآآآآهـ :crazy: .. دخت وانا احاول اتذكرهم بس ..

المهم .. بعد تركيب المنتج .. راح تنقسم الصفحه الرئيسية للأقسآم الى 2 قسم او بالعربيـ قسمينــ ..

اقسام خاصهـ .. واقسام عامهـ ..

كل عضو عندكـ .. يقدر يختار الاقسام اللي تطلع في الاقسام الخاصهـ ..

عن طريقـ لوحة تحكم العضو ( مكتبـي ) => تعديل بياناتي ..
او من هنا
http://www.yoursite.com/vb/profile.php?do=editprofile

والأقسام اللي ما يختارهـا راح تكون في خانة الاقسام العامهـ ..

بحيث انه اول ما يفتح الصفحهـ .. راح تطلع له الاقسام اللي هو اختارها بس ..

وراح يفتكـ من باقي الاقسام اللي ما تهمهـ ..

يا كثر ثرثرتكـ .. طيب اوكـي .. بافتراضـ اني فهمتـ شي .. وشلونـ نركبـ المنتج هذا ؟؟

مشروحهـ في المرفقاتـ ..

مو مشكلهـ .. طيب .. لو ما بغيت الاعضاء يختارون اقسامهم ؟؟ يعني ابي احدد لهم اقسام اانا اختارها للجميع ؟

- / ببساطهـ .. لا تسوي التعديل اللي في قالب modifyprofile ..

.... اي سؤال ثاني ؟؟

ايهـ .. لحظهـ .. الزوار ؟؟ وش بيشوفونـ ؟؟

-/ غريبهـ .. سؤال ذكي شوي .. ومهم جدا ..
اول ما ترفع المنتج .. تروح لخيارات المنتدى .. وتدخل على خيارات هاك الاقسام المختاره ..
بتلاقي فيهـ ثلاث خياراتـ ..
الاول : تشغيل المنتجـ ؟ => محطوط على لا ..
لا تختار نعم الا لما تكتب ارقام الاقسام اللي تبيها للزوار .. في الخانهـ الاخيرهـ ..
والسبب .. عشان الاقسام هذي راح تكونـ هي الاقسام الافتراضيهـ للأعضاء ..
بحيثـ كل عضو يخشـ .. تطلع لهـ الاقسام اللي اخترتها للزوار .. لحد ما يعدلها هو من لوحة التحكم حقتهـ ..

مهم جدا.. لا تختار نعم اللي قدام تشغيل المنتج .. لحد ما تعدل اقسام الزوار .. لانهـ بعدينـ ما راح تقدر تعدل الا بحذف المنتج وتركيبهـ من جديد ..

مهم جدا وكاتبها بالاحمر .. مسوي خطير انت ووجهكـ ..

- / صدقني لو هي واقفهـ عليكـ كنت عطيتكـ صاموليهـ فيها شرخهـ .. ومدهونهـ بزيتـ فرامل .. بس اعضاء ترايدنت حبايب قلبي يستاهلونـ كل خير ..

.. بب بب بب ... طيب .. فيهـ الخيار الثاني .. اللي هو .. الأقسـ .. الاقسام الـ إيش ؟؟ الحرافيهـ ؟؟ وش ذا ؟؟

- / اسمها الأقسام الإجباريهـ ....
لنفرضـ انه منتداكـ متخصص بشي معينـ .. لكنكـ ( مثلي ) مجبور تقلبهـ بقالهـ وتفتح قسم لكل عضو يطلبـ ..
طبعا انت تبي اعضاءكـ يهتمونـ في هالاقسام اللي انت متخصصـ فيها بالتحديد .. لكنكـ ما تدري هل هم مختارينها او لا ..
كل اللي عليكـ انك تكتب ارقام الاقسام اللي تبيها تطلع للكل .. حتى لو ما اختاروها ..

يعني .. طيب .. لو هم مختارينها ؟؟ بيصير تعارضـ ؟؟ تطلع مشاكل عندهم ؟؟

- / ابدا .. ما راح تطلع لك مشاكل ان شاء اللهـ ..

اوكـي .. لنفرضـ ..

- / ياخي خلاصـ .. تلايطـ ... اللي يسمعكـ تسأل يقول هذا مهتم ويبي يركبـ المنتج .. خلنا نسمع الاخوانـ ورايهم وأسألتهم .. تبي تركبهـ ركبهـ .. اما لو جاي تتسلى بالاسئلهـ فـ ارجوكـ اسكتـ .. موب هذي فكرتي عن ( كيف تقضي وقت فراغك ) .. عط غيركـ فرصهـ يسأل ..

غررررررر ... :icon28:

-/ طقاق :bleh: .. هييهـ .. قبل تروح .. لا تنسى ترسل رسالهـ خاصهـ للأعضاء تشرح فيها كل شي عشانـ ما ينخرعونـ ..

................

وش فيك تطالعني كذا ؟؟

ولا شي ..

=====================


معليش اخواني .. عندي انفصام شخصيهـ .. حاولتـ استهبل بس شكلكم حقدتوا .. تهااا .. :shiny01: .. احب اهاوشني .. هع .. المنتج بالمرفقاتـ .. وبالهناء والشفاء ..

الملفات المرفقة منتج الأقسام المحددهـ.zip (3.9 كيلوبايت)