صاحب السمو الطالب الكريم‎

[ضجيج الصمت]

أخواني الطلاب الكرام

أخواني يامن تكرفون ليل نهار تبون نسبه

عندنا موضوعن كويسن مرهـ

المهم تخيلو معي الحين يالله

أن العلماء الي اكتشفوا المواد اللي ندرسها مجتمعين في برنامج

المهم جا إتصال من صاحب السمو الطالب الكريم

تابعو معنا وش قال صاحب السمو الطالب الكريم

طبعاً العلماء الموجودين هم علماء

الرياضيات

الفيزياء

الكيمياء

النحو


تابعوا معنا ماذا حصل

::

::

مقدم البرنامج : معنا إتصال من صاحب السمو الطالب الكريم .. السلام عليكم ياصاحب السمو

الطالب : وعليكم السلام ياأخي الحين أنتم جالسين تبربرون هنيا

ولا تدرون وش القصة

عطني عطني علماء الفيزياء اللي جمبك بالله
عالم فيزياء : هلا والله طال عمرك

الطالب : أنت تعال تعال الحين اللي معي نيوتن وإلا أنا غلطان ؟

عالم فيزياء ( نيوتن ) : ايه نعم ياطويل العمر معك نيوتن ملك الجاذبية

الطالب : جاذبيه تجذبك لجهنم قل آمين .. الحين أنت يامال الغنيمة رجال جالس تحت شجرة طاحت عليك تفاحه ياخي ورى ماتاكلها وتحمد ربك وتسكت وتريح العالم ياخي .. جالس تقولي التفاحة ماطاحت فوق ليش ... انت مجنون مجنون انت .. وبعدين طاحت عليك التفاحه خلاص ياخي طلع قانون واحد وريحنا مسوي قلق لنا ياخي ومطلع كتاب كامل الحين لعنبو بليسك انت ماعندك عيال ماتفكر بالأجيال القادمة الأجيال القادمة تعقدت منك ياخي ..!

نيوتن : ........................ ( يعني ساكت هع )

الطالب : عطني عطني عالم الرياضيات الي جمبك عطنياهـ .

عالم الرياضيات : مساك الله بالخير ياطويل العمر

الطالب : الحين انتم فهموني انتم خبلان ولا وش الحين الطلاسم الي حاطينها لنا ( جا - جتا - ظا - ظتا ) قلة الحيا هذي وش، هاهـ وش فايدتها هذي .. مسويلي مثلثات ومدري ويش الله يزيلكم انتم ومثلثاتكم ياخي خافو ربكم ياخي والله عيب ياخي عيب
ياخي انتم تكبرون السالفة وهي قصيرهـ الرياضيات خلاص جمع طرح قسمة ضرب وخلاص وش قله الحياء هذي .. عطني عالمكم الكبير فيثاغورس عطنياهـ .

فيثاغورس : هلا والله ياطويل العمر

الطالب : هلا فيك الحين انت فتحت علينا بابن ماضنيت انه بينصك يوم انك تحط قانونك حق المثلث قائم الزاويه لييه قامت عليك القيامه بلا هاهـ ليه ؟ جاوبني ليه ؟

فيثاغورس : هذا العلم طال عمرك العلم ..!

الطالب : قل قسم .. هذا علم ..! والله احسبه بوفيه تبيع كبدهـ .. ادري انه علم
انا اقول وراك مسوي فيها ذيب وجالس لي تكتشف لييه هااهـ لييه

فيثاغورس : عشان طال عمرك نشغل مخنا

الطالب : شغلو عليك منشار ينشرك بلا .. ياخي وش دخلك في الناس يشغلون مخهم يطفونه يفصلونه انت وش عليك انت شغل مخك وبس ولا عليك من الناس ياخي والله العظيم جالس لي تبربر هنيه ولا تدري وش السالفة عطني عالم الكيمياء اللي جمبك عطنياهـ .

عالم الكيمياء : هلا والله طال عمرك

الطالب : لاهلا ولا مسهلا ابسألك سؤال لو سمحت .. انت فاضي ؟

عالم الكيمياء : لا وش دعوى طال عمرك

الطالب : الا فاضي الحين انت وش هالقافة الي فيك مخليتك تشوف الذرة وش مكوناتها ومدري ويش .. احد شاكيلك ولا شي ياخي خل كل شي مكانه ياخي .. عطني عالمكم رذرفورد عطنياهـ

رذرفورد : هلا والله

الطالب : ياخي انت مريض ياخي ياخي خل الناس في حالها ياخي جالس تفتش الذرهـ وش مكوناتها وش عليك من الذرة ياخي انت بس تكتشف وحنا الي ناكلها ياخي حرام عليك ياخي .

رذرفورد : بس ياطويل العمر ...

الطالب : لاطويل عمر ولا قصير عمر لايكثر وعطني عالم النحو الي عندك سيبويه عطنيه

سيبويه : أهلاً وسهلاً بك ياصاحب السمو

الطالب : ويحك ألحين انت يوم تسوي فيها ذئباً وضرغاماً وتجي تقولي وش الي ينصب المضارع وش الي يجزمه ومدري ويش لماذا هاهـ أخبرني لماذا هل سندخل الجنه ان عرفنا اين المضارع واين الماضي اجبني يافتى ؟

سيبويه : لا طبعاً ياصاحب السمو

الطالب : اجل مرهـ ثانيه تلايط ولا تسوي فيها ذيب .

مقدم البرنامج : بس ياطويل العمر انت يعني

الطالب : اقول انتم الظاهر ماتربيتوا تبينا نربيكم بنربيكم جالسين لي هنا تبربرون ..

عالم ( عندهـ واسطه ) : لاياطويل العمر حنا متربين

الطالب : لاماتربيتوا لو انكم متربين كان ماسويتو الي تسوونه .. الحين انتم جالسين فاضين وكل واحد يشر للثاني هاهـ ابوفلان نكتشف شي جديد يالله قدام .. وحنا الي ناكلها .

مقدم البرنامج : ياطويل العمر انت فاهم الموضوع غلط حنا راح نوضحلك ..

الطالب : طوط طوووط طوووط <<< سكر بوجيهم

..........................



هزأهم زياده هم مابردت الحره
من ايميلي..

[alfares]

هههههههههههههههههههههههههههههههههههههههههههههههه

هذا اقتباااس خطير


شكرا ضجيج

[الرعد]

هههههههههههههههههههههههه
ضجوج تسلمي

[ضجيج الصمت]

الفارس_الرعد
تسلمون على مروركم للموضوع..
دمتم

[التفاحه]

هههههههههههههههههههههههههههههههههههههههههههههههآآآ آآآآآآآآي

الله يسعد قلبك ضجوجتي

خطيييييره مع الرياضيات والفيزياء

ربي يسلمك

[ضجيج الصمت]

دوم الضحكة تفوحة..
واسعد الله قلبك
تسلمين على مرورك للموضوع..
دمتِ بود

[أغزيل]

ههههههههههههههههههههههههههههههههههههههههههههه

مره حلوه

مشكوره

[ضجيج الصمت]

تسلمين اغزيل على مرورك يالغلا..
وادام الله ضحكتك..

[سفير الخطر]

هههههههه
مشكور هذه المكالمة تشبه مكالمة

امير الكورة سلطان يوم يتكلمون على الجوهر