رِوآآآآيتي الأأولى .. (( حب ,, كره ,, تشويق ,,حبس للأنفاس ,, كل شئ موجود)) لا تفوتكم

[الاشتر]

[font=Arial Narrow]مساكم الله بالخير ..
طبعا هذه أول مره في حياتي أكتب روااية ..
بس أني كنت أخربط سالفه وأسمعوها شباب وحيل حيل أعجبتهم ..
قلت بسويها روااايه ..
.
.
نتقبل الأراء بكل رحاابة صدر .. بس بدون تجريح ..
.
.


الشخصيات ..
.
.

عائلة بو رائد ..
بو رائد .. راعي شركات ومؤسسات وعنده خير ماشاء الله عليه .. ومشاركه صديقه بو عبدالله في الشركات
وميزته انه ذكي جدا ومن ذكائه أسس أكبر الشركات في الخليج وهو بعمر الـ 50

رائد .. الولد الكبير .. متزوج سارة بنت عمه بوخالد ويدرس الدكتوراه في أمريكا بس هو في أجازه وراجع السعودية .. عصبي وجدّي

حسن .. طالب جامعي وذكي طالع على ابوه أخر سنه في الجامعة .... وسيم .. خفيف دم .. بس مشكلته يموت ع النوم

نوف .. في ثالث ثانوي .. بنت جمال وأخلاق وفيها من الغرور شئ ماصار .. تموت في حسن أخوها ..

أريج .. ثالث متوسط ... مهبوله وراعية حركات خبالة .. ومرجوجة

فدكـ .. الحكوكة .. أخر العنقود .. دلوعة أمها وأبوها والكل يغار منها في صف أول متوسط
.
.
عائلة بو خالد (( أخو بو رائد ))

بو خالد .. موظف في أرامكو .. وكل حياته نظام أمريكي (( أجرنيتش )) ..

خالد :الولد الكبير ..يحب نوف بنت عمه ويبي يتزوجها وصديق عمره حسن ولد عمه

ساره : متزوجه ولد عمها رائد

تركي .. مراهق .. وموعاجبه حياتهم الكلاسيكية في البيت ومو عاجبة النظام الأمريكي الي ابوه مسيويه لهم في البيت

سلمى .. أجمل وحده في عايلتهم .. وتحب حسن ولد عمها وهو مايدري

عائلة يوعبدالله ..

بوعبدالله .. صديق عياله حيل .. وشريك بو رائد في كل الشركات .. ومشكلته أنه فيه القلب فدائما نشوفه يسافر للعلاج

عبدالله .. مدمن أنترنت .. وسريره المفضل طاولة الكمبيوتر يعني مايقوم من النت أبد وماسك الأداره في الشركه اذا أبوه كان مسافر للعلاج.. عمره 23 .. خلص الثانويه وصار مدير في شركة أبوه

غرام .. ذكية .. أجتماعية .. وجميلة جدا جدا .. أول سنه في كلية الطب .. تحب السهر والرسم وفنانة متمكنة في الفن التشكيلي

نسيم.. ثالث متوسط مع أريج بنت بو رائد في الصف .. هي صديقتها بس فرق ذيك مخبوله وذي راعية ثقل

. علااوي .. في أول متوسط .. وحلمه يبي يصير ممثل .. وقدوته بالفن يعقوب عبدالله


.
.
البداية
(( البارت الاول ))

الصباح .. الساعه 6.30 .. بيت بو رائد ..
صوت التيلفون .. طوط طاط طيط >> رنة بيت عز غير
أم رائد : يمه نوف ردي ع التيلفون ..
نوف : وهي ماسكة الكتاب تراجع في الصبح لأن عليها أختبار.. يممممممممه خلي أريج ولا فدك.. مو سنترال أناا
أم رائد : خلاص لا تردين أنا أقووم ..
نوف : لا يمه أمزح معك برد الحين ..
نوف بغرور : ألوووو
خالد : الوووو
نوف بتعجب : ألوو
خالد : السلام عليكم بنت عمي
نوف : هلا خالد
خالد : نوف شحالج من زمان ماسمعنا هالصوت
نوف بغضب : زيييينه بغيت شئ ؟؟
خالد متعود : وأنتي مادري متى بتتغيرين ..
نوف : يالله صباح خير أنت الي مادري متى بتتغير ياخي حس خلاص
خالد : طيب بتشوفين باجر بتعرفين ...
نوف تقاطعه : بتقول شنو بغيت ولا أسكر السماعة ؟ قطططع
خالد : هههههه فديت العصبية أناا ..
نوف: سكرت السمااعة ..
أم رائد : منو ع التيلفون يا بنتي ..
نوف : يمممه هذا رائد ماحب حركاته هالمراهق ..
أم رائد : ليش يايمه .. والله شحلاته رجال وهو شاريج وكم مره يخطبج ..
نوف : يمه هالمسأله منتهين منها وانا قلت لج خالد مو لي وانا مو لخالد .
يرن التيلفون مره ثانيه : الا وأريج نازله من الدرج تركض وهي تغني والمخبوله تصقع بالأرض .. وتقووول أححح كم مره قلت لكم ركبو لنا سجاد يا يمه بدال الرخام الغبي هذا..
أم رائد : أنتي الي كم مره قلنالج بلا رججة خليج عاقلة .. ويلا ردي ع التيلفون
أريج بخباله: الووووووووووووووووووووووووووووووووووووووو
خالد : شحلااة صوت التيلفون وهو يتسكر بوجهي يانوف...
أريج : هااا خلووود تفكرني نوف هاا .. لا ياخبل أناا أرييييج ..
خالد : والحوووووبة وين أخوج حسن ..
أريج : حسن أخوي في بوكي والبوك في الشنطه والشنطه فوق في الغرفه والغرفه مقفله والمفتاح عند الحداد والحدادا يبي فلوس والفلوس عند العروس والعروس تبي .....
خالد : ياخببببلة خلاص خلاص أسف دقيت بالغلط لو أدري مادقيت اذا جا أخوج قوليله يكلمني ضروري ..
أريج : ليش شتبي فيه ؟
خالد : سكر السماعة في وجهها ..
أريييج : تصااااارخ يممممممممممممممممممممممممممه
أم رائد وهي خايفه من الصرخه : شفيج يمه ؟؟
أريج : أناا أريج بنت بو رائد يجي هالعلج يسكر التيلفون في وجهي .. أناا أربيه الي مايستحي ..
أم رائد :عيب يمه لا تقولين جذي ..
أريج : زوجوه هالمقروده يمكن يعقل ..
نوف بغضب : هي هي شنو المقروده المقروده أنتي .. يلا تزوجيه يمكن أثنينكم تعقلون الحمد لله والشكر ..
أم رائد: بس بس جنكم نسوان رجل خلاااص ..
نوف : هي المتسببه يمه هي وولد عمها خويلد ..
رائد بعصبية وهو نازل من الدرج : شفيكم شفيكم خلاص صدقوني أن فدك الصغيره أعقل منكم .. صوتكم واصل لربعي بأمريكا
نوف و أريج منحرجين : !!!
رائد : صباح الورد لأحلى أم في الدنيا .. ويبوس راسها ..
ويروح لخواته .. صبااح الزفت لأحلى خوات الله بلاني فيهم ..
نوف و أريج : الزفت الي يصبح بوجهك ههههههههههه وينحاشون يروحون قاعة الطعام .. يدرون أن رائد عصبي .. واذا تفرغ لهم بتروح عليهم طططططق ..
.
.
في قاعة الطعام ..
بو رائد كالعاده أول واحد يرز وجهة ع السفرة ويقرأ الجريدة الأقتصادية .. ينتظر الفطور يخلص ..
فجأة .. نوف وأريج يدخلون للقاعة بضحك ..
بو رائد بأبتسامه : ضحكوني معااكم ..
نوف وأريج : تعال شوف راائد شيقول عنا .. بس ردينا له الحركة خلاص ..
بو رائد : هههه ماتعقلون أنتو .. يلا يبا نوف روحي جلسي حسن أخوج وخليه يفطر معانا ..
نوف : شنووووو الا حسن هذا دبة نوم يبيلي شهرين أزلزل فيه عشان يقوم ..
أريج المرجوجة : لا يبااااااا خل حسن علي أناا أعلمك فيه ..
أريج : يلا نوف قومي معاي والله لألعب أكس أو بوجهه تعالي وأضحكي ..
نوف: هي أريج ألا حسااني ألزمي حدودج معاه..
أريج :اووه نسيت أن قيس وليلى معانا بالبيت .. يلا مسكي كتابج وذاكري أحسن لج ..
نوف: أقول لا يكثر هرجج ونادي حسااني بسرعة ولا تزعجينه فاااهمة..
أريج : (( على طول تروح المطبخ وتروح البرادة وتعبي لها كاسين مااي ))
وكالعادة تروح رككككككض ع الدرج ..
وبالصدفة تشوف أختها فدك ع الدرج ..
أريج : فدوكة عفية تعالي معاي نقعد حسن من النوم ..
فدك وهي تربط شعرها : شكرهه هذا مايقوم ..
أريج : بس انا اعرف أقومه شوفي معاي كاسين ماي .. والله لأخليه حصان ..
فدك : ترى والله بتاكلين لج طراقين من صباح الله خير ..
أريج : أووف صج بزره خلاص روحي لماما وبابا يلا نونو يلا ..
فدك : ما عطت كلامها أهميها ونزلت قاعة الطعام ..
أريج : وصلت الجناح ووقفت يم غرفة حسن .. وكسرت الباب من الطق ..
حسن وهو نايم : منووووووو ع الباب ماكو أحد حسن راح الجامعة ؟؟
أريج : أجل منو الي يكلمني ..
حسن : أسمعي أريج .. روحي لأمج أزين لج وتركيني نايم ..
أريج مره ثانيه : طق طق طق كسرت الباب ..
حسن بعصبية : يفتح الباب ..
أريج : على طول رمت الماي على وجهه وخلته يفز من النوم وأنحاااااشت ع طول ..
حسن يرتجف من البرد : أأأنننااا أأأووورررييييججج يالدبببة ..
حسن : غسل وجهه ولبس ملابسه وأخذ شنطته الي دايما فيها (( البوك والدخان والجوال ومفتاح السياره ))
وأخذ الشنطة الثانيه للكتب ونزل على قاعة الطعام ..
حسن : عيونه تتلفت يمين يسار تدور على أريج ..
أريج : هههههههههههههه نعيما نعيما .. حطيت لك الشامبو ع الدرج حط تلك منه .؟؟ هههه..
حسن : حسابي معاج لرجعت من الجامعة ..
حسن : صباح الخير يمه .. ويبوس راسها .. صباح الخير يبا ويبوس راسه .. تصبحون على خير جميعا ..
الجميع : هههههههههههههههههههه
بو رائد : توك قااعد وين رايح تنام بعد؟؟
حسن : لا رايح الكليه .... هاا الا اناا شنو قلت ؟؟ هههههه قصدي صباح الخير جميعا
أم رائد : حسن تعال أفطر يلا ..
حسن : لا يمه بروح افطر مع خالد ولد عمي ..
نوف بقهر : حسن تكفى قول لولد عمك يعقل ترى من جد مصخها ..
حسن : ههههههههه ياختي يموت فيج أرحميه شوي ..
نوف بعصبيه : تاخذ الملعقة وترميها ع الطااوله وتقوم وهي تصيح ..
والكل هناااك كان منصدم من هالموقف ..
حسن : يرن تلفونه بالنغمة العجيبة الي أي واحد يسمعها توقف مشاعره من جمالها ..
حسن : ألوووو ..
خالد : حسااني يلا اأنا بره ..
حسن : وانا بحره هههه
خالد : وفر خفة دمك لوقت ثاني الناس صبح ..
حسن : الفقها كاني طالع لك ..
حسن : أوكي بيباااي يا جماعة .. وأنتي يا أريج حساابج لي جيت ..
.
.
نوف وهي تمسح دموعها وتكلم حالها : والله ماحبك يا خالد ومو أنت فارس أحلامي .. حرااام تسوي لي جذي حراام ..
أنت جذي تظلمني وتظلم روحك
فجأة : يرن تيلفون نوف
نوف : ألووو
السواق : ماما أنا في موجود بره في كراج ..
نوف : فدك وأريج موجودين :
السواق أيوا كلو هنا مدام ..
نوف : يلا كاني نازلة ..
وتجمع نوف شعرها الي كان بوجهها وأمتلى بالدموع .. وتربطه وتنزل عشان تروح للكلية ..
.
.
.
.
.
الشركة الساعة 10 الصبح ..
بو رائد مع بو عبدالله في مكتب الأداره .. يشوفون العربيه (( الأسهم )) ويشربون الشاي ..
بو رائد : شرايك في سهم سابك ؟؟
بو عبدالله أحنا عندناا فيه 100 ألف سهم .. والحين هو مرتفع 5 ريال للسهم .. نبيع ولا لا ..
بو رائد : توكل على الله ..
في وسط سواليفهم وشغلهم ..فجأة الا يدق تيلفون المكتب ..
بو رائد : ألووووو
وكيلة الكلية : السلام عليكم ..
بو رائد : وعليكم السلام ..
الوكيلة : أبو نوف موجود ؟
بو رائد : أناا بو نوف أمري منو معاي ..
الوكيلة : أناا وكيلة الكلية .. وبنتك نوف من أول ماوصلت الكلية كانت تعبانه وتصيح ..وأحنا لازم نخليها ترتاح بالبيت ..
بو رائد : بس هي عليها أختبار ..
ألوكيلة : هي أختبرت خلاص ..
بو رائد : أوكي أناا أخلي السائق ياخذها ...
الوكيلة : لو يجي أحد من أهلها أفضل يا بو نوف ..
بو رائد : خلاص أناا أدبر الموضوع ..
بو رائد يتصل على رائد : هلا رائد ..
رائد : هلا يباا
بو رائد : تقدر يا ولدي تمر على أختك بالكلية شوي تعبانه ..
رائد : يبا أناا الحين في الخبر رايح أحجز طيران عودة لأمريكا ..
بو رائد : طيب شوف حسن أخوك أذا يقدر يمرها ا يمكن عنده بريك الحين ..
رائد : اوكي يبا مايصير خاطرك الا طيب ..
.
.
الجامعة .. الساعة 10 ونص ..
حسن يرن تلفونه بذيك النغمة داخل الكلاس ..
الكل كان هدوء حتى دكتور الماادة أنبهر بصوت النغمه ..
حسن : تيتشر لو سمحت عندي مكالمه ..
الدكتور : تفظل ..
حسن : الو.. هلا رائد
رائد : هلا حسن .. نوف تعبانه تقدر تمر عليها الحين ..
حسن بخوف على أخته الي يحبها : أناا عندي كلاس ربع ساعة وبيصير عندي بريك وبمر عليها ..
رائد : أوكي معتمد عليك ..
.
رِوآآآآيتي الأأولى .. (( حب ,, كره ,, تشويق ,,حبس للأنفاس ,, كل شئ موجود)) لا تفوتكم

[alooosh]

[align=center]

يسلموا اخوي





بدايه طيبه


بالتوفيق ان شاء الله



لكن انتبه للشخصيات في المرات القادمه


مثل



أم رائد : منو ع التيلفون يا بنتي ..
نوف : يمممه هذا رائد ماحب حركاته هالمراهق .. ( المفروض يكون خالد )
أم رائد : ليش يايمه .. والله شحلاته رجال وهو شاريج وكم مره يخطبج ..



ننتظر البارت الثاني






تقديري لك




و ينقل الى المكتبه لأنها الانسب



.[/align]

[alooosh]

[align=center]

يسلموا اخوي





بدايه طيبه


بالتوفيق ان شاء الله



لكن انتبه للشخصيات في المرات القادمه


مثل



أم رائد : منو ع التيلفون يا بنتي ..
نوف : يمممه هذا رائد ماحب حركاته هالمراهق .. ( المفروض يكون خالد )
أم رائد : ليش يايمه .. والله شحلاته رجال وهو شاريج وكم مره يخطبج ..



ننتظر البارت الثاني






تقديري لك




و ينقل الى المكتبه لأنها الانسب



.[/align]