((*اخوك رفع ضغطك**وقت الانتقام*))((للبنات))

[مايهزها الا عزها]

أخوك رفع ضغطك..وقت الأنتقام..(للبنات)..


--------------------------------------------------------------------------------

هلا..
أخوك رفع ضغطك..إليك الطريقة..

عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع
بس....مالي دخل بالنتائج لأنها مررررررررررررة حلوة<<<أيه هين بس..

هالخطوات والله يقويكم...........

*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟!
انا اقولك ..

شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,

هنا بس تقومين بشغلك.. وتسوين نفسك بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..

واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..


*** عند النوم ***

لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج ..


*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير

عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك



عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي يالسحليه خخخخخخخ


*** وقت الطقاق ***

لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:

1/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,

وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير

2/ مفتاح الغرفه ولميه الاحتياط واجب

اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,

لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
.
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله

واتمنى تطبقين هالتعليمات وهذا وجهي ان تحداك اي احد على وجه الارض ومالي دخل
لو طلعلك صعرور والا طلع بعيونك الوان الطيف والا ماسلم فيك ضلع...

وأتحدى وحدة تطلع منها سليمة...

:w00t2: :Yeah2: :no2: :bash: :yeah: :rofl: :flex:

[rnoosh]

اقول الخطه ذي مظمونه 100%
عشان تماسيحنا عصبين بزياده

[مايهزها الا عزها]

ههههههههه اكيد مضمونة بس الله يستر على كل سحليه تجربها مع تمساح خخخخخخخخخخخخخخ

تحياتي للجميع

[سعودي ودمي اخضر]

ههههههههههههههههه ماشاء اللهعليك وش رايك نفتح مدرسه

لتعليم السحليات وندرس فيها انا بدرس القافه وانتي تدرسينهم

رفع الضغظ هههههههههههه اوكي ((((((((((مصدقه
تقبلي مروري

بايو

[مايهزها الا عزها]

ههههههههههه اوك افتح مدرسة بس ياخوفي انهم يرفعون ضغطي هههههههههه


تحياتي للجميع

[alooosh]

هههههههههههههههههههههههههههههههه
هههههههههههههههههههههههههههههه




كشفناكم





والوعد قدام



خخخخخخخخخخخخخخخخخخخخخخخخخخخخخ

[مايهزها الا عزها]

هلا الغامض والله انت على طول كاشفني وهالشي مو يديد عليك بس اهم شي انك تكشفني وماتفضحني ههههههههههههههههه

امزح معاك يالغلا


تحياتي للجميع

[** soso **]

ههههههههه اليووووووم بجربها وهو نايم يسلموا

[ابتسامة الورد]

ههههههههه
هههههههههه
ههههههههههه

ياروح مابعدك روح

انت جربتيها وخرجتي سليمة مسلمة من جميع النواحي النفسية والصحية......؟؟؟

مشكووووووووره على الطرح الخفيف القريب من النفس....

مع ودى
ابتسامة الورد

[شمــوخ عــزي]

والله انها خطـــــــة عجيبة

بس انتي ماتعرفين تركي اخوي راح يجلس عند

باب غرفتي لو عشرة ايام وانا ما اتجرا اسوي كذا << مسوي لي رعععب

ههههههههههههههههههه

ويسلموووووو