كوني جميله واصمتي !!

[نزف المشاعر]

السلام عليكم ورحمة الله وبركاته


كنت اراها يوميا في الجامعه .. لقد سمعت بها من قبل ان أراها .. يإالهي شهرتها جعلتني اعرفها من قبل ان أراها
ذات يوم وبعد نهاية يومي الجامعي
جلست في الكافتيريا انتظر السائق بعد يوم شاق
سمعت نغمة جوال وكانت اغنية رائعه جدا لفناني المفضل راشد الماجد
التفت لأرى صاحبة النغمه .. شاهدت فتاة جميله جدا ..
طول ورشاقه - ملامح جميلة - بشره صافيه - شافه لامعه - عينان واسعتان - شعر طويل وناعم واشقر ..
انذهلت .. ماشاء الله سبحان الذي خلقها ..
فكرت قليلا قلت لابد انها تلك الفتاه التي سمعت عن جمالها قبل ان اراها .
جلست فعلا اتأمل جمالها










كل هذا ليس مهما
بعد ان ردت جميلة الجامعه ع الهاتف المحمول


اخذت تضحك وتضحك
وتصدر منها كلمات لا اصدق ان فتاة جامعيه تقولها
كلمات قد اسمعها من اطفال يقضون اغلب وقتهم في الشارع ..!
حاولت ان اتغاضى عن ماسمعته وقلت لابد ان الفتاه اللي تحدثها اثرت على الفاظها ..؟
لاأعرف لماذا حاولت ان أحافظ ع صورتها الجميله في ذهني
ولكن للأسف الشديد لقد فاجأتني إنها فتاة سطحيه جدا جدا
كل اهتماماتها كانت تتمحور في احدث صيحات الموضه
وماذا ستفعل الاسبوع القادم من لوك
وكم حفله ستحضرها في اجازة الاسبوع
وقبل ان تغلق عادت للسب والشتائم مره اخرى باسلوب كله سخريه
لم أتحمل ضحكها بصوت عالي و طريقة كلامها
لقد كانت قبل ثوان فتاة رائعه في نظري والان صبحت فتاة غير مهذبه وغير راقيه !
دق السائق واستعديت للذهاب ونظرت اليها قبل ان اذهب
وجدتها تنظر الي




تمنيت ان اقول لها كوني جميله واصمتي !!









موضوعي رح يتكلم عن الجمال لكن بعيد جدا عن عناصر الجمال الحسيه
مارح اتكلم عن وصفات ولا افضل الماركات
موضوعي معنوي ونفسي
الجمال صفه الكل يتمنى انها تكون فيه
يمكن الاهتمام بموضوع الجمال يكون شييء فطري فينا لاننا بنات وقبل مانكون بنات احنا اناث
بس كل بنت تقدر تكون جميله ؟؟
الله يخلي المكياج الله يخلي الكوفيرات والصالونات
تدخلين شبهه وتطلعين فلقة قمر
ماشاء الله مستحضرات التجميل ماتقصر
كل علة فينا لها مستحضر خاص فيها
يعني الزبده كل انثى تقدر تكون جميله ؟

لكن هل كل جميلة تقدر تكون انثى ؟؟







BRB

[نزف المشاعر]

بعض الاقوال عن المرأة ||

|| لا شيء يرفع قدر المرأة كالعفة - أديسون ||

|| المرأة مثال الرقة و الجمال -أفلاطون ||

|| لا يوجد أرق من حديث المرأة المتعلمة - مدام روستايل ||

|| الجمال بلا فضيلة كالزهرة بلا عبير - لورد بايرون ||

|| جمال بلا حياء ورد بلا عطر - بوشكين ||

|| الجمال هو الحُسن في الخَلق و الخُلق - افلاطون ||

كوني جميلة واصمتي - او كوني انثى ?!

لك الخيار طبعا تقدرين تكوني حلوه وجميله
وتقدرين تكوني انثى بمعنى الكلمه
ومفعول الانوثه اقوى ع ـالناس من الجمال المزيف

BRB

[نزف المشاعر]

1 | بعدي عن المكياج الثقييييييل والممصطنع
واللي يمحي ويغير كل ملامحك طبعا اقصد في الحياه اليوميه
يعني كحل وبلاشر خفيف وقلوس وردي ناعم
كوني دايما بسيطه


2 | اهتمي بنظافتك الشخصيه
طبعا مارح اقول وش اللي لك وش اللي عليك
بس كوني نظيفه من فوق لتحت شعرك
خلي ريحة الشامبو تفوح منه
جسمك رطبيه خليه ناعم املس زي بشرة الاطفال دايما
اظافرك اذا كنتي مو من النوع اللي يحافظ عليها كثير لاتطولينها لاننها تتوسخ بسرعه ومنظرها يصير بشع جدا
قصيها احسن وتقدرين تحطين مناكير لون ترابي او ابيض او وردي بسيط مع لمعه يطلع شكلها حلو ومرتب
اما الالوان الصاقعه خليها بوقتها خاصه الشتا
احس هالالوان مره غلط تنفع للصيف


3 | طهري فمك دايما اذا تعاني من روائح كريهه
استخدمي غسول او مويه وملح اهم شيء لاتنطشنين الموضوع واذا كنتي من النوع اللي ياكل علك
كليها بس من غير ماتحسسين كل الناس اللي حولك انك
تمضغين علك ترا يطلع شكلك بايخ جدا .


4 | تميزي بريحة عطرك
كوني دايما متعطره بعطر منعش
ريحته بارده وخفيفه
ومميزه العطور القويه خليها في المناسبات دايما .



5 | رتبي حواجبك ماقولك نمصيها
ولا شقريها بس ممكن بمحدد الحواجب
رح يتغير شكلك ويحلو
ازيلي شعر جسمك يعني بنت وفيك شعر لا مره غلط
استغرب من بنات اشوفهم فالجامعه متزوجات وفيهم شعر ؟؟



6 | حاولي ماتضحكين بصوت عالي وبتصفيق اذا كنتي في مكان عام
ترا جدا يطلع شكلك مو حلو
يمكن انتي تكوني حبوبه وطيبه وتحبين الفله
وهذي طبيعتك تضحكين كذا لكن غيرك يمكن يحكم عليك
بالخفه بقلة الادب .



BRB

[نزف المشاعر]

كثير كثير ناس تعلقنا فيهم
ومستحيل ننساهم
وبالعكس لمن نتذكرم نتذكرهم بالخير .. ليش؟؟
معقول كلهم حلوين موت ؟
لاطبعا اغلبهم كان تاثيرهم القوى علينا بسبب جمال روحهم
والله انه اقوى سحر بس لو نحافظ عليه ونتمسك فيه .


جمال الروح ..~

1 | خلي لسانك دايما رطب بذكر الله
لاتنسين الاذكار يابنات والله اذا تعودتي عليها صدقيني
رح تحسين يومك ناقص اذا انتهى وانتي ماقلتيها
في طريقة حلوه عشان تحفظين ع الاقل 3 اذكار زي اسمك
أي خلفيه انتي حابه تحطينها لسطح المكتب اكتبي عليها بالفوتوشوب 3 اذكار عشان تحفظين
مع التكرار كل مادخلتي النت تلقينها ققدامك اقريها
يوم بعد يوم رح تقولينها من غير ماتكوني ع النت صدقيني

2 | حسني النيه . . حسني النيه
في كل شيء في نفسك في اهلك في بيتك في زوجك في عملك في جامعتك
لاتنوين الشر ابدا مهما كان عيشي ع البركه
لاتفكرين أي نقد يجيك انه كره فيك او حقد .

3 | حافظي ع صلاتك
كيف وجهك يكون منور والله غضبان عليك !
صلي واتقربي من الله خلي روحك طاهره دايما
ماقولك روحي اعتكفي ولاتسوين شيء غير الصلاه والقران
سوي كل شيء تحبينه لكن لاتقصرين في حق ربك
اذا الله رضى عليك هالشيء رح يحسن نفسيتك ويصير صدرك منشرح دايما

4 | ارضى بنفسك بشكلك ببيتك باهلك بدراستك
حاولي تتقلين كل شيء مو عاجبك لاتقارني نفسك بغيرك لاتقولي هذي حلوه وهذي غنيه وهذي شاطره
لاتحقرين نفسك ولا تسمحي انك تقللين من نفسك قدام احد بالعكس خليك واثقه من نفسك ولاتبيني نقاط الضعف عند غيرك

5 | ابتمسي دايما لاتكوني عبوسه ولاتكوني مغروره ولاتكوني بائسه
فليها بمعنى اخر

6 | لاتفكرين في المشاكل كثير
.. انتي دبه ..
لاتخلين كل همك كيف تنحفي والعكس صحيح وانا اوجه هالكلام لنفسي بس ماني دبه مره ^_^
بعدين حسيت اني تافهه الحياه احلى من اني اعيشها بهم عشان شيء ربي خلقه فيني قيسي عليه كل شيء تواجهينه

7 ابعدي عن السطحيه والتفاهه لاتصيرين مخ فاضي وسعي معلوماتك
ماقولك روحي اقري كتب علميه
انا وحده اكره الكتب لكن احب النت طيب حلو النت في
مواقع كثيره لدكاتره ادخلي أي موقع وشوف وابحثي مستحيل ماتطلعين بمعلومه
حاولي تكوني مثقفه اقري امثال وحكم وسعي دائرة معرفتك والنت بحر واسع .

8 |

حسي بالناس راعي مشاعرهم ومشاكلهم لاتستخفي فيهم وبنفس الوقت لاتشفقين عليهم وتبيني هالشيء لانهم رح ينزعجون لاتقللي قيمة احد حسسي اللي قدامك دايما انه شخص مهم لاتعطينه شعور سلبي حاولي تفرحيه
رح ينطبع تاثيرك عليه عنده وهذا شيء طيب لك

9 | حبي الناس وعامليهم مثل ماتحبينهم يعاملونك
كوني قريبه للناس لاتحطين حواجز بينك وبينهم ولاتشوفين نفسك ع احد
يازين التواضع بس
طبعا الكلام كثير
وماقدر احدده او اختصره لكن قلت بعض من الي في خاطري ومن اللي قريته


BRB

[نزف المشاعر]

| القلق | التوتر | الضيق |
كلهم يوصلون للنفسيه السيئه والكأبه
روق اعصابك واحسب حسابك مافي شيء بيدوم
نفسي التي تملك الاشياء ذاهبه
فكيف ابكي ع شيء اذا ذهب
حطي في بالك ان الدنيا كلها زايله
يعني اذا مانبسطتي اليوم وفرحتي
تنبسطين متى اجل الامس راح وبكره يمكن يجي وانتي مو هنا ! !
( فإن مع العسر يسرا ) صدق الله العظيم
| بعد المرض عافيه | بعد الحزن سرور | بعد الضيق سعه | بعد الجوع شبع |

كلنا نمر بمشاكل
وتأثر علنيا ونفسيتنا تصير زفت
يمكن من قوة الزعل الدوره تنزل قبل موعدها او تتاخر او تنقطع فتره او تتطول
نهمل غذائنا ماناكل زين او بالعكس نحط حرتنا في الاكل
بشره رايحه فيها سواد تحت العين من كثرة التفكير والقلق ...الخ

مارح اقول لاتزعلون يابنات مافي شيء يكدر الخاطر اللدنيا ماتسوى
لا لا ماعليش مارح انافق واسوي العكس
غصب رح نزعل ونضيق احنا بنات اقل مشكله تاثر فينا
ونبكي ونصيح واغلبنا حساسات وعصبيات يعني لاحد يلومنا اذا تكدر مزاجنا لكن ليش مانحاول نخفف ع اثار النفسيه الباد اللي تجينا ؟؟

حسيتي بقلق لاتروحين
عند صاحبتك وعمتك وجدتك شوي شوي تشكين لراعي بقالتكم ؟

اشكي لاقرب شخص لك بعد الله طبعا لانه الكتمان يجيب العقد النفسيه
ووساوس الشيطان فحاولي انه ماتشكي لاي احد وبنفس الوقت لاتفرطي في الشكاوي

الشكوى لغير الله مذله
اقرب سجاده توضى وصلي وادعي ربي يفرج همك

اشغلي وقتك الفراغ مصيبه
خاصه لمن تواجهك مشاكل تجسلين
بس تفكرين فيها افكار تجي وافكار تروح
ادخلي طقطقي ع الفوتو اقري مجله سوي طبخه سوي قناع لوجهك
سوي أي شيء يجيب لك شعور ايجابي
اشربي قهوه كلمي وحده من صديقاتك بطييييييخ اهم شيء تسوين شيء يشغلك عن التفكير

لاتجلسين بمكان مو مرتب وحوسه والله
انه يزيد عليك الضيق اجلسي بمكان شرح نظيف مرتب

اذا حسيتي انك تعيسه وحزينه
اقري في الجريده شوفي الحوادث شوفي الناس المريضه واللي تنتظر فاعل خير
شوفي بلاوي غيرك رح تهون عليك بلوتك صدقيني .

لاتهملي شكلك بحكم نفسيتك التعبانه
لانك كل ماشفتي نفسك مبهذله وذابله رح تزيدين الهم

اتغذي كويس
صحتك الزم ماعليك لاتهملينها عشان مشاكل الدنيا اللي ماتخلص

اهم شيء صلي لوجه الله واقري قران
تمنيت هذي الحاجتين نسويها دايما مو بس وقت الضيقه

[نزف المشاعر]

اوبرا


انسانه اقدر اقول انها عاديه
مافيها جمال وملامحها بعيده عن ملامح الجمال
بس سؤال ؟
كم عدد اللي يحبون اوبرا ؟؟
ويتابعونها اف ارقام كبيره وانا وحده منهم
تعجبني بساطتها خفة دمها تواضعها عفويتها حبها للخير والناس
بالله هذا مو كافي انها تدخل القلوب
.
نجي للنقيض تماما



حليمه بولند
جميله
ايه جميله حتى لو اني مو مقتنعه بجمالها وانه مزيف لكن هي تصنف من ضمن الجميلات
تتوقعون كم عدد اللي يحبونها ؟؟
اظن مايوصل للي وصلت له اوبرا
انسانه يهمها المظهر تماما برامجها سخيفه جدا
يدل ع تفكيرها المنحصر في الاغاني والمسابقات
اللي مامنها فايده
غير انها تستعرض نفسها حتى لو برمضان ؟؟
سطحيه ماصله متصنعه
سوري لو راي يخالف احد منكم
او من المعجبين فيها بس هذا راي الصراحه




فوزيه الدريع
برضه ماعندها مقومات الجمال
لكن اخذت شهره عربيه كبيره
قدرت تريح قلوب ناس كثير فتحت قلبها لهم ماقصرت
انسانه مثقفه قدرت تسوي لنفسها قيمه وسوت برنامج خاص فيها كل الي يتابعونه اكيد يحبونها
انا ماتابعها بس شفت لقطات من حلقاتها اسلوبها حلو خاصه
لمن تحل مشاكل المراهقات
بجد تحسين ان خبرتها في الحياه كبيره.
لهاا باقة ورد



هيفاء وهبي
انا اول وحده اقول ان هيفاء حلوه
ومدري اذا احد يخالفني الراي او لا
بس ماقدرت احبها ؟؟
ولا اتخيل اني احب هيفاء
جميله صح لكن ماتحسين عندها جمال روحي ابدا
تحسين كل شيء فيها مزيف حتى ضحكتها .




^
^



امثله كثيره تدل ع ان الجمال هو جمال الروح
واللي عندها النعمتين تحمد ربها
واللي تملك جمال الروح تحمد ربها برضه
غيرها ماعنده لا جمال الشكل ولا جمال الروح والاخلاق



اشكر كل من قرأ الموضوع لآآخر حرف



موضوع اعجبني كثييرر وعدلت فيه وحبيت انقله لكم
لأرواحكم النقيه

[أغ ــاريد الشوق]

وعليكم السلام ورحمة الله وبركاته
طرح جميل ومميز من شخصك
يعطيك العافية واشكرك على انتقائك
لكي ودي

[نزف المشاعر]

اقتباس المشاركة الأصلية كتبت بواسطة أغ ــاريد الشوق

وعليكم السلام ورحمة الله وبركاته
طرح جميل ومميز من شخصك
يعطيك العافية واشكرك على انتقائك
لكي ودي

سُرِرتْ كَثِيُرَاً لِــ رُوَيْةِ حُرُوَفِكم..
بِرُوْحٍ طَااهِرَةٍ اَشُكُرَكم..
آكَاليّلْ آلوَردْ لـِ مُرورَكم آلعَبَقُ ..
آرَقْ آلتَحآيآ..}


زهره 2