زوجي ضربنــي وأخذ مني حافــز غصب عني * بنهار رمضان " ..

[eshrag]

زوجي ضربنــي وأخذ مني حافــز غصب عني * بنهار رمضان " ..


هذا موضوع اطلعته عليه ونبهوني عليه العائلة امس
والله اني انقهرت بصراحه من هذا الرجل وش يبي باله مسيكينه في شهر الغفران




وهذا ماكتبته هالزوجة المضلومة في احد المنتديات السعوديه والخاصة بالنساء يوم امس 25/7/2012
وحسبي الله ونعم الوكيل الله ينتقم منه وش يبي بعيشة القشراء هاذي

==============================


اسلام عليكم ورحمة الله وبركاته

اسالكم بالله تعرضون مشكلتي لاني بآمس الحاجه لنصيحه

يااخواتي بدخل بالقصه على طول وابي نصيحه منكم. .جزاكم الله خير


انا استلمت حافز وعطوني الفين
كنت فرحانه فيهم ناويه اشتري طاوله للمطبخ ودولاب للملابس لبنوتاتي
.شوفي وش صار
قال زوجي هات الفلوس بسدد الدين حق الرجال. ..قلت له انا اولى من الرجال بشتري اغراضي المهمه. ورجال غني مو محتاج فلوس راعي سيارات
قال زوجي انا ماسددته الشهر هذا ومخطط على حافز. .الكلب..

قلت له خلاص خذ الف. والف انا بشتري فيها

قال لا تجيبينها كلها. .ويصارخ بوجه وصرخت
قلت انت وش تبي بعيشتي حاسدني اللفين

وراح جاب الخيزران وصار يجلدني فيها بقوه.وانا صايمه وبشهر رمضان الكريم حسبي الله ونعم الوكيل >.عساه لضعفه

واخذ فلوسي غصب عني وانا ابكي من القهر وآلم اللي سببه لي والله والله ان جسمي طلع دم وجروح من الضرب.واحس بغصه بحلقي من القهر ماراحت عني..صديقاتي المتزوجات كل وحده راحت تفرفش ومبسوطه بحافز. ..ويسالوني وش سويتي بفلوس حافز. ...وقول بقلبي. مادريتو وش صار لي من حافز

والله يابنات راتب زوجي اكثر من8 الاف ويقول طارت بديون ..طيب انا وش دخلني تاخذ حقي ولا تخليني افرح زي الناس

وراح اعطاني خمس ميه. .يتصدق من مال غيره ..حسبي الله ونعم الوكيل
قلت له والله مااحلل لك فلوسي لانك ضاربني واخذهن بالغصب

تكفون يابنات الدعو عليه بشلل الكامل وكل من قراء رسالتي يدعي عليع لاني كرهته كره لان دايم يضربني ويهيني اذا عصب. .وانا اخذ شهور وانا نفسيتي تعبانه منه وهو ولا حاسس فيه. اهم شي اني اطبخ ونظف البيت وهو ياكل ولا همه شي . والله احسد الشغالات يشتغلون ياخذو راتب. .انا اشتغل ونظرب. .
ونفسي اطلق منه بس اللي كاسر ظهري اختي متهاوشه مع زوجها وعند اهلي قلت كفايه اختي بلاش فضايح والله اصبر ولكن مايقدر صبري...وانا والله الشهاد اني مااقصر فطبخ والبس والحمدلله عقلي احس اكبر من عقل زوجي وربي مو مدح فيه لكن هذا الصحيح.

تكفوون انصحوني وش اسوي وش اقول
والله اني كرهت زوجي لدرجه اذا دخل البيت تصيبني ضيقه اكره وجوده مااحب اجلس معه كرهته كرهته كرهته ماهو رجال وطاح من عيني ومن قلبي ونفسي اقتله بس يمنعني خوفي من الله

والله يابنات اني اكتب ودمعتي على خدي


تكفون الدعولي
عسى ربي يرزقكم الجنه

المصدر: منتديات منطقة الرياض

.,[d qvfkJJd ,Ho` lkd phtJJ. ywf ukd * fkihv vlqhk " >>

المصدر...