احمد الناصر الشايع - السيرة الذاتية - سيرة الشاعر أحمد الناصر الشايع - ويكيبيديا

[مراسل المنتدى]

هو أحمد بن ناصر بن علي بن شايع بن حمد بن محمد المسعري الزمامي الدوسري ولد في عام 1339هـ في مدينة الزلفي، وهو شاعر مخضرم من شعراء النظم والمحاورة.

نشأ وترعرع في الزلفي طوال حياته، بدأ بكتابة الشعر منذ أن كان عمره 14 سنة، عرف عنه أنه من نجوم شعر المحاورة ولقب بأمير شعراء المحاورة ولعب أول محاوراته في مدينة القريات الشمالية (قريات الملح سابقًا)، ولعب بعد ذلك مع كثير من عمالقة المحاورة في نجد في جيله أمثال عبدالله لويحان و علي أبو ماجد وناصر بن مشيب الشيباني وعلي القري و البحر وكانت هذه المرحلة الأولى ، ومن ثم اجتمع مع شعراء الحجاز أمثال محمد الجبرتي ورشيد الزلامي وصياف الحربي ومطلق الثبيتي وخلف بن هذال ومستور العصيمي وفيصل الرياحي و غيرهم الكثير ، ومن شعراء الخليج مرشد البذال وصقر النصافي ولعب المحاورة أيضا مع ابنه الأكبر محمد وشعراء محاورة أمثال سلطان الهاجري (وجنرال الشعر عبدالله بن شايق) وحبيب العازمي العتيبي وسعود الكريزي وسعود الجمعان المطيري وآخرين.
يقول الشاعر عندما سئل عن عدد من قابلهم من الشعراء : (أنا في كل ليلةٍ لي رفيق) على حد تعبيره، وقال أيضا في إحدى مقابلاته عن رؤيته للشاعر سليمان بن شريم للمرة الأولى والوحيدة في حياته وقال أنه رآه في سيارته في إحدى قرى سدير في نجد : (شفته مرةٍ على ظهر لوري الله يرحمه) ، أيضا في واحدة من المقابلات التلفزيونية تحدث المذيع عن ما يحدث في ساحة المحاورة من أن بعض الشعراء لا يريد أن يقابل شاعرا آخر بعينه أيًا كان السبب، سوى أنه أقل منه في المستوى الشعري أو التاريخ الفني أو تهميشًا له، وقال الشاعر : (ذبّاح أبوك لو جا تلعب معه) ، بقصد أن المحاورة هي للتسلية وليست للتحيز والنرجسية وأنها من إسمها (لعب) وليست مكان للبغض والكره.


من قصائده :
أعالج لوعة المغرم وتكبر لهفة المشتاق

بحسن رضاي أسوق خطاي أقدّم رجلي وافهقها

اهوجس من طلوع الشمس لما غيبة الأشفاق

ولا أدري في ظلام الليل رجلي وش يوافقها

أبصبر وأتصبّر مير أظن الصبر ما ينطاق

لقيت الصبر مرّ ولو ينوش الكبد يحرقها

األا يا كاملين المعرفة سلك الغرام دقاق

إلى صاب القلوب الله يعافينا يخرقها

أنا لي صاحبٍ خدّه ورا الشيله كما البرّاق

بعرض المزنة اللي مثل شمس الظهر بارقها

خلقها الله وزيّن خلقها وأخلاقها الخلاّق

قليلٍ جنسها في جيلها سبحان خالقهالها

عينٍ إليا لدّت بها تذبح بها العشّاق

وبها وصفٍ من عنق المها هو طول عاتقها

إلى ما شفتها ضاقت بي الدنيا وصدري ضاق

وأنا لو الهوى لي كان عيني ما تفارقها

أحب مشاهد الغالي عسى ما هو بحب افراق

ولو راحت معه في مغرب الدنيا ومشرقها

إلى جا الليل ما شفته تزيد بصدري الدقاق

معه روحي بسلك العنكبوت الله معلقها

إليا عرّض عليّ أقف مثل وقفة كسير الساق

وساعات الوداع أسرع من الكدلك دقايقها

أنا وياه جدّدنا القسم .. والعهد .. والميثاق

لكن قدرة الله سابقه محداً يسابقها

تعاطينا العهد في واحداً من عاهده ما باق

مادام إن الثقة بالنفس يلزمنا نوثقها

أنا أعرف ناس ما تنقاد بالدنيا ولا تنساق

ولو تعطيك عهد الله وأمانه لا تصدقه

اتشوف ازوالهم مثل العرب مير الله الرزّاق

متى ما هب نسناس الهوى يظهر حقايقها

[مراسل المنتدى]

قصيدة في يوم سبعة عشر

في يوم سبعة عشر بتالي رجب
ياليتني ما دخلت السوق وانا اجنبي
العصر مريت يوم السبت سوف الذهب
لقيت مخلوق لا هندي ولا مغربي
من شوفته ما لقيت الا السهر والتعب
صار السهر والتعب من شوفته مكسبي
اللبس لبس اجنبي والدم دم العرب
زول ليا شافه الشايب يعود صبي
مكمل بالجمال وبالحسب والنسب
قلت السلام وتبسم قال لي وش تبي
وليا تقربت من زين الحلايا هرب
واقول عطني الصراحة وانت ابو ما تبي
بغيت اعرفه وش اسمه مير ما الله كتب
يقول ابي سمعتي واخشى على مذهبي
تبين النور من خده علي واحتجب
يا الله عليك الخلف تخلف على اتعبي
انا قتيل العيون النجل سود الهدب
ذقت العنى والعذاب ولا حصل مطلبي
قلت ارحم اللي طواه الهم وانت السبب
قالت لعله يطاولك السهر بسببي
قلت الظليمة حرام بكل حشمة وادب
قالت معي عين وصانا عليها النبي
انشد ولا يلحق النشاد لوم وعتب
انا غريب وقضى مايي وقضى منهبي
انتي من اهل الكرك والدير ولا حلب
قالت يشيب الولد ما حصل اللي يبي
قلت انتي من السويد اهل الفرح والطرب
قالت بلاد العروبة رغبتي وطلبي
انتي من اهل الخليح مخصلين النشب
قالت من المسلمين وجد ابوي عربي
واللي يقول الهوى كله خطر ما كذب
قلت وعديني وعد بس اذكره وكذبي
قامت تعجب وقالت يا زمان العجب
يا لايمه للغرام انا اشهد انك غبي
عليك رسم البدواة والزمان انقلب
قالت عظامي ودمي واللحم وعصبي
انا من البدو كان الدم وصل الركب
يوم السلاح المفتل والرصاص حلبي

[مراسل المنتدى]

ياناس قولوا لغض العود

ياناس قولوا لغض العود
تكفون ياناس قولو له
ما اشوف له من عذابي زود
كثر التصاديد وش هو له
ابو ثليل اشقر مرجود
اسمع بذكره ولا اطوله
وعيون نجل هدبهن سود
يذبح بهن من يجي حوله
ياكثر الأزوال بيض وسود
ماهم بمثله ولا حوله
عقب المودة جفا وصدود
ماشفت زول مثل زوله
إن مت ابا القى عليه شهود
عنقه وخدّه ومجدوله
أسهر وكل العيون رقود
اليا تباطيت مرسوله
يازين حبل الهوى ممدود
لكن سجاياه مجهوله

[مراسل المنتدى]

الا يالله

الا يالله بنو الخير لاتجزا حمام ناح
يزيد الهم بأصواته وروحاته وجياته
يذكرني زمان قد مضى كله طرب وأفراح
زمان العام والا اليوم لاوده ولا هاته
والا والمزتي للي جزت عينه وسده باح
ولايبغى العرب يدورون باسراره وغاياته
ولا تقضي هواجيسه ولا يقعد ولا يرتاح
تغير واشتغل فكره وهي ماهيب عاداته
على اللي تل فلبي من عروقه في يديه وراح
طلع درب مثل طلعة كرى صعبة ملفاته
توافقنا على بير طويل مثل بير رماح
وانا فيه اتفرج لين غلق كل حاجاته
وانا عودت يم البير مثل اللي يويق وطاح
تكسر به ثمان ضلوع وذراعه وترقاته
وربعه مالقوا حبل طويل ولابهم سباح
وهو في قاعة البير الطويل يجر وناته
لبو عين مثل عين الوحش تذبح بغير سلاح
وخد وجيدفيها منوة العاشق ومشهاته
اهوجس فالنهار وفي ظلام الليل أصيح صياح
ولا ينلام من ذاق الغرام وذاق لذاته
فلا شك البلا من دونها كسابة الأمداح
قضبها في يدينه واحد قضب العمى لشاته
وغلق دونها باب الحديد وكسر المفتاح
وانا مقهور من جور الزمان وحر لوعاته
جرحني صاحبي جرح عجز بعلاجه الجراح
حسانيه القديمة ماتكافي ربع سياته
هاك الحين والاوادم ماتشكك والقلوب اصحاح
وتال الوقت كلٍ شانت ظنونه ونياته

[مراسل المنتدى]

مرثية في والده

نهار ثالث عقب عيد رمضاني
ناس عطاها الله وناس محرومه
أحداٌ قضى عيده سلام وتهاني
وأحداٌ توصله الكواكب همومه
صادفت صدفه من صدوف الزماني
منها قوي الحيل تفتر عزومه
هذا زمان الهم والإمتحاني
وقت على قلبي تعاقب سهومه
الاوله كامل جميع المعاني
مزبن المضيون شرع الخصومه
محمد اللي فالقسى واللياني
عقبه سمايه غايبات نجومه
والثانيه باقرب قريب وداني
خامس عيالي يوم جتني علومه
قالوا مابين الخاصره وحلباني
ولدك مات اللي ترجى قدومه
جاء يومه الموعود باربع ثواني
قلت السبب قالوا دنا منه يومه
علم على الكبد الصخيفه كواني
كية عطب ما تنشكى للحكومه
تهشمت كل الضلوع المحاني
مفجوع والمفجوع ماحداٌ يلومه
أخذت لي ساعه وأنا في مكاني
حسبت لي عشرين طيحة وقومه
أليا بغيت الهرج ييبس لساني
والذاكره عندي تقول معدومه
قمت أتلفت وتسمع باذاني
من شاف حالي ماتهنا بنومه
مما بقلبي رحت بالليل عاني
للموتر اللي مابقى ألا رسومه
عن روحتي ياليت ربي نهاني
ولا شفت دمه ساٌيح في هدومه
قمت ودفنته والله المستعاني
في خرقة بيضا عليه محزومه
يم القويعيه بلاد قحطاني
والحر غير لون وجهي سمومه
وأقفيت من عنده وعشري ثماني
مثل المصبح والبلاد محكومه
والله لولا ني وسيع البطاني
لا صكها مثل أشقر الريش حومه
طاوعت نفسي مير عقلي قواني
عن الخطا ما فيه نفس معصومة