|
مساحة اعلانات نصية ذهبية |
||
اعلن هنا | اعلن هنا | اعلن هنا |
|
أدوات الموضوع | انواع عرض الموضوع |
#1
|
|||
|
|||
ياليتني ولد متى تقوليها
" يـــــــــــــا ليتني ولـــــــــــــــــــــــد"
كلمه دايم ارددها ودايم اسمعها في كل مكان وكل زمان..في مجتمعنا من البنات.. وبصراحه شفت هالموضوع في أحد المنتديات وقلت والله انه صادقه هالكاتبه<< بغيت اروح احب راسها وابنقل لكم شي من كتاباتها وشي من جعبتي.. " ياليتني ولد" لما تكونين طفشانه بالبيت وما عندك الا امك والخدامه .. والماما قاعده تكلم بالتلفون ومحد يعطيك وجه , و ودك تشغلين النت وما عندك خدمة Dsl وزهقانه وطفشانه وقتها تقولين..."ياليتني ولد" "يا ليتني ولد" لما يتفقون عيال خالاتك واخوانك وعيال عمانك انهم يطلعون للبر ويطقون مخيم للشباب""بس"".. وانت ماتشوفين بنات خالاتك الا الخميس .. وقتها تقولين " ياليتني ولد".. "ياليتني ولد" لما تكشخين انتي وامك وخواتك لأنكم معزومين .. وانتي قاعده تتكشخين وتتزينين من صباح رب العالمين, ولما تنزلين وتدق امك على ابوك يطلع جواله مقفل , وتدق على اخوك يقول: والله انا بمكان بعيد ومعي واحد من العيال ولا أقدر اجيكم.. ولا فيه احد يوديكم, وتتفركش الروحه وقتها وانتي طالعه لغرفتك تبدلين ملابسك تقولين بكل قهر::"آآآآآآآآآآآه يـــــاليــــــــــتني ولــــــــــــــــد". "ياليتني ولد" لما تطلبين انتي واخواتك من ابوك وتقولين: ياحبيلك يبه الله يجزاك الجنه تكفى خلنا نسافر هالصيفيه.. يرد عليكم ابوك ويقول: وانا ابوكم ما عندي اجازه هالسنه خلوها السنه الجايه.. وبنفس الوقت يدخل اخوك يقول: يبه الله يطول بعمرك تراي الاسبوع الجاي ابسافر مع الشباب بنفر شوي في ربوع مملكتنا الغاليه.. وأنتي وخواتك تآكلون تبن.. وقتها بتنفشين شوشتك وتقولين"ياااااليتني ولد" .. "ياليتني ولد" لما تروحين للسوق بتشترين اغراض لزواج احد اقاربك او للعيد .. ولا تلقين اللي انتي تبغينه وقتها تقولين.."ياربييييه ياليتني ولد!!" "ياليتني ولد" لما تكونين طفشانه ومالك خلق احد وصديقتك لك شهرين ما شفتيها, وتمرين من عند بنده وتشوفين الشباب جالسين مع اصدقائهم في مقهى يوم القهوه.. ضحك و وناسه.. وقتها تقولين "ياليتني ولد!!" "ياليتني ولد" لما يكون ضايق صدرك و ودك تطلعين وابوك مسافر.. وتطلبين من اخوك يطلع بك تتمشون وتقولين: الله يخليك ودي اطلع طفشانه!!! ويرد عليك ويقول: والله اليوم علي الطلعه بالاستراحه << يعني علي العشاء!! وقتها تقولين "ياليتني ولد" "ياليتني ولد" لما تشوفين اخوانك رايحين جايين على الاستراحات والا على صالات البلياردو والبولينغ .. وضحك و وناسه وفلة حجاج.. وقتها تقولين"ليتني ولد".. "ياليتني ولد" لما تطلعون للبر والكل مستانس ومبسوط وعيالكم يلعبون بالدبابات والا مطاعس بالنفود , وانتم تطلبون منهم بس طلب واحد بسيط مايتعدى فرة وحده بالسياره او ركوب دباب , ويقولون لكم وبكل بساطه لا لا لا ماحنا فاضين لكم!!! وتظفون وجيهكم انتي والبنات عند الحريم وسوالفهم الممله.. وقتها بيطلع لك قرون من القهر وتقولين "يااااااااااليتني ولد". لما تشبكين النت وقاعده وما عندك من الشيطان طريق ومستانسه.. يجيك اخوك يقول سكري النت ابكلم!! تقولين : اصبر بس شوي!!! يقول لااااا .. يالله بسرعه!! وقتها تقولين:"ياليتني ولد" "ياليتني ولد" لما تبغين شي ضروري من السوق والا السوبرماركت .. وتروحين تطلبين من اخوك .. يقول لك : انا مشغول!! والثاني يقول مانيب فاضي!! وتروحين للثالث تلقينه نايم ولا فيه امل يقوم.. وقتها بتقولين "ياليتني ولد" "ياليتني ولد" لما تروحين للمشغل بتقصين او تصبغين شعرك. وتلقينه زحمه والحريم الراس على الراس ولا فيه امل يجي موعدك الا بعد ثلاث ساعات<< يعني مت ياحمار لين يجيك الربيع, مع احترامي لكم.. ومالك خلق تنتظرين وقتها تقولين "ياليتني ولد".. "ياليتني ولد" لما تروحين للسوق وتخلصين اغراضك وتدقين على اخوك , ويقول بس عشر دقايق واجي!! ويرصك ابو الشباب ساعه الا ربع وانتي تطبخين من القهر,, وقتها تقولين "ياليتني ولد". "ياليتني ولد" اذا صرتي بالجامعه تدرسين وما عندك الا محاظره وحده , و ودك تطلعين بس الباب مسكر وما يفتح لك يعني ممنووووع تطلعين بدري. وتقعدين اربع ساعات بالفاضي.. والعيال يقدرون يطلعون متى ما خلصوا ويدبخونها نومه إلى الظهر.. وانتي تآكلين هواا. وقتها تقولين.. "ياليتني ولد".. والله ان عندي الكثير والكثير بخصوص هالموضوع بس وش اقول اكثر من كذا!! وفي الاخير اقول الحمدلله الذي خلقني فأحسن خلقي وفضلني على كثير من خلقه.. ولكم تحياتي |
#2
|
|||
|
|||
"يا ليتني ولد"
لما يتفقون عيال خالاتك واخوانك وعيال عمانك انهم يطلعون للبر ويطقون مخيم للشباب""بس"".. وانت ماتشوفين بنات خالاتك الا الخميس .. وقتها تقولين " اي والله دايم يقهروني |
#3
|
|||
|
|||
اووووووووو يكثر ما اقووولها خخخخ
"ياليتني ولد" لما تبغين شي ضروري من السوق والا السوبرماركت .. وتروحين تطلبين من اخوك .. يقول لك : انا مشغول!! والثاني يقول مانيب فاضي!! وتروحين للثالث تلقينه نايم ولا فيه امل يقوم.. وقتها بتقولين "ياليتني ولد" يسلمووو قلبي يعطيك الف عاافيه على هالموضوع الحلووووو |
#4
|
|||
|
|||
اذا صرتي بالجامعه تدرسين وما عندك الا محاظره وحده , و ودك تطلعين بس الباب مسكر وما يفتح لك يعني ممنووووع تطلعين بدري. وتقعدين اربع ساعات بالفاضي..
والعيال يقدرون يطلعون متى ما خلصوا ويدبخونها نومه إلى الظهر.. وانتي تآكلين هواا. وقتها تقولين.. "ياليتني ولد".. هههههههههههههههه والله يجي على بالي احيان كثير اشرد من المدرسه هذيك الساعه اقول يا ليتني ولد هههههههههههههههههه يسلمووو ام وئووم موضوع حلو هههههههههههههههههههههه |
#5
|
|||
|
|||
تسلمين ام وئام على الموضوع
وفعلا دائما اسمعها |
#6
|
|||
|
|||
هههههههههههههههههه
موضوع حلو والله |
#7
|
|||
|
|||
ايه والله
ياليتني ولللللللللللللللللللللللللللللللد هههههههههههههههههههههههه يسلمو قلبي |
#8
|
|||
|
|||
يعطيك العافيه
|
#9
|
|||
|
|||
لا والله انا ماذكر اني قلتها
لاني مبسوطه من نفسي مسكوره ام اومي |
#10
|
|||
|
|||
معك حق أم وئام وصادقة
هذي معاناتي<<كأنك تقريها أحس مافيه أحد مثلي عندي إخوان كثار وقاهريني ورافعين ضغطي يعطيك العافيه الغاليه |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
(ياليتني قدمت لحياتي ) | eshrag | اشراق شامل - منوعات | 0 | 01-23-2012 08:40 PM |
ياليتني نرويجي ( مقال أعجبني ) !! | eshrag | اشراق شامل - منوعات | 0 | 07-18-2011 12:51 PM |
مرحبا بك يا ياليتني | mughader | المنتدى العام - مواضيع عامة | 0 | 06-04-2011 06:09 PM |
للنساء فقط ... كلمات وجمل لا تقوليها أمام زوجك | بــنــــدر | المنتدى العام - مواضيع عامة | 4 | 11-09-2010 10:38 PM |
آآآهـ ياليتني ؟؟!! امــووت | الصمت | المنتدى العام - مواضيع عامة | 3 | 10-08-2009 12:13 AM |
شراء روابط نصية | |
راسلنا الآن لشراء روابط نصية باك لينك وجيست بوست | خدمات الباك لينك والروابط النصية |
روابط نصية AAXA | ||||
اشتراك يوتيوب بريميوم | اشتراك تطبيقات بلس | اشتراك IPTV شهر | يوتيوب بريميوم | عسل النحل |
روابط نصية AAPS | ||||
دراما كافيه | دراما صح | اهواك Tv | فوستا | شبكتي Tv |
روابط نصية AA1A | |||||
كورة لايف | koora live | مباريات اليوم بث مباشر | kora 360 | koora4live | كورة لايف |
koora live | مباريات اليوم بث مباشر | kora 360 | koora4live | kooralive | مساحة إعلانيه |
روابط نصية AAZ | ||
متجر الرياض | شحن شدات ببجي | شحن شدات ببجي |
روابط نصية AHD3 | |||||||||
عزل اسطح | كشف تسربات المياه | عزل فوم بالرياض | شركة عزل اسطح | كشف تسربات المياه بالرياض | عزل اسطح بجدة | شركة كشف تسربات المياه | نقل اثاث بالرياض | شراء اثاث مستعمل بالرياض | شركة تنظيف بالرياض |
روابط نصية KSM | |||||||
خصومات | هدايا وكوبونات | توفير المال | مال واستثمار | صفقات وتسوق | عروض اسواق السعودية | تحسين مالي | كوبونات |
روابط نصية AN | ||||
يلا شوت | يلا شوت | يلا لايف | yalla shoot | يلا شوت |
روابط نصية M11 | |||||||
كورة جول | يلا لايف | دوت سبورت | bein match | yalla shoot | yalla shoot | koora live | koora live |
يلا شوت | koora4live | سوريا لايف | تابع لايف | كورة لايف | كورة جول | كورة لايف | koora live |
روابط نصية AWA | ||||
كورة لايف | Koora live | يلا شوت | Yalla shoot | يلا شوت |