قصة شوق و خالد....."انا ما احبج بس اعزج حيييييييل"....

[عديلة الروح]

تسلمي ضجوجتي ع الرد

تيت

[عديلة الروح]

شوق: شلون؟ انت مو ساكن ويا اهلك بالشاميه؟
خالد: امبلى
شوق: عيل ليش هالبيت؟
خالد: هذا بيتج حبيبتي....
شوق: انا؟؟!
خالد: اي بابا....انا شريته عشان اذا تزوجنا نسكن فيه

شوق طارت من الونااااااااااااااااسه!!! لان اول مره خالد هو اللي يفتح موضوع الزواج مو هي.....و ابتسمت و صارت تتمشى بالصاله و تشوف المطبخ و الدور الارضي كله...و خالد قاعد بالصاله على ما تخلص...

شوق: منو مختار الاثاث؟
خالد: شوفي انا شاري الارض من زمااااان....بس لما عرفتج بنيت البيت
شوق: شلون؟
خالد: عقب ما عرفتج بشهر....عرفت اني لاوم اتزوج....و قلت ما اتزوج الا و انا مسكن حبيبتي باحلى بيت....
شوق: يعني شلون خلص بسنتين و نص؟؟؟
خالد: كلشي يخلص اذا في كاش.....بس المشكله اذا العمر خلص و انت مو مع حبيبك
شوق: (دمعت عينها....و استوعبت ان خالد كان طول المده يتهرب من موضوع الزواج لان البيت مو مخلص) حبيبي انت...
خالد: شوق
شوق: نعم
خالد: تحبيني؟
شوق: اموووت فيك
خالد: اكيد؟
شوق: عمري ما حبيت و لا راح احب غيرك
خالد: شوق...انتي احلى و ارقى و اطيب بنت عرفتها بحياتي

شوق طول ما خالد يتكلم و هي مستانسه حاسه كانها بحلم.....

خالد: شوق
شوق: هلا
خالد: شوشو
شوق: نعم
خالد: بابا
شوق: هههههههههههه.............نعم
خالد: اسف
شوق: على شنو؟
خالد: ادري اني كنت حقير شوي... بس و الله مو قصدي
شوق: بس شوي....قول واايد
خالد: ها!
شوق: ههههه....اي
خالد: انزين....انا ميت من اليوع شنو تبين غدا؟
شوق: لا بس انا ما اقدر...وايد تاخرت
خالد: يلا عاد
شوق: خالد شنوا مي ناطرتني
خالد: شدعوه قعدي ساعه...و امشي
شوق: وين اقعد؟
خالد: في بيتج
شوق: خلوووود!!! بدينا
خالد: و انا شقلت.....قاعد اقولج قعدي في بيتج
شوق: لا و الله....حلوه هذي قاعدين انا و انت هني بروحنا جنا صج متزوجين
خالد: شدعوه ماكو ثقه
شوق: تبي الصج....لا انت ينخاف منك!
خالد: سويتيني ابليس...شدعوه بابا ماني ماكلج
شوق: هم...شكو قاعدين بروحنا ما يصير! خالد اذا انت فعلا تبيني اصير مرتك يوم من الايام المفروض انت ما ترضاها لي
خالد: شوشو...انا ما قلت امشي ننام فوق بالدار!!
شوق: خالد!!! و بعدين وياك .....لي متى انت كل شي عادي و كله مستخف بالامور
خالد: شوق....لا تعصبين خلاص... لا يصير خاطر ج الا طيب.....خلاص ما نقعد هني نروح مكان ثاني
شوق: ولا ثاني و لا ثالث...انا حيل تاخرت و لازم امشي
خالد: براحتج!!!
شوق: ادري ان براحتي.....يا باي
خالد: الله وياج.....سكري الباب وراج

اركبت شوق سيارتها و هي ما تدري تستانس على ان خالد اول مره يفتح موضوع الزواج و لا تزعل على اسلوبه معاها و شلون دايما يطلب منها اشياء ما تدش العقل....و صلت شوق قرطبه...صفطت سيارتها و نزلت و كانت الساعه 5 و نص!! دخلت الصاله الرئيسيه و لا امها و اخوها الكبير (سعود) مع مرته (نوف) قاعدين بالصاله...

شوق: السلام عليكم
الكل: و عليكم السلام
شوق: هلا سعود...هلا نوف
نوف: هلا فيج....شلونج؟
شوق: الحمدالله ...
سعود: وين كنتي
شوق: ها......لا بس انا قلت حق امي بروح اتغدا بره
سعود: مع منو؟
شوق: بروحي
سعود: (استوعب ا نمو حلوه يكلم شوق جدام مرته) وين صبا؟
عذاري: تدرس عندها امتحانات
نوف: الله يعينها

شوق كانت قاعده و فجأة خنقتها العبره..... قامت بسرعه استأذنت و ركبت غرفتها....و قطت روحها على الفراش و هي تصييييييح!!
صارت تفكر بوايد اشياء....اول شي عور قلبها خالد لما استوعبت ان هو مسويلها البيت عشانها و بعدين احترت منه لان دايما يطلب منها اشياء صعبه واحد يطلبها من وحده يبيها تكون زوجته يوم من الايام....و بعدبن تذكرت انها صارت حالها حال البنات اللي طول عمرهم يعيبون عليهم...تكلم و تواعده و تطلع وياه....و صارت تفكر شلون قلبها مطاوعها تكذب على اهلها طول هالمده!!
و صارت تفكر .....يعني شنو اخرة هالعلاقه....زواج؟؟؟ انوين متى صارلها 3 سنين تعرفه يعني كافيه و اكثر من كافيه بعد.....هل ممكن ان عقب كل هذا كل واحد يروح بطريج؟؟؟؟؟؟؟؟ ماتدري ليش قلبها اخترع بس لانها فكرة بالاحتمال.....و صارت الافكار تتسارع بمخها.... و فجأة يتها لحظه استوعبت حجم المشكله اللي هي فيها.....علقت روحها مع واحد عنيد و عصبي و مزااااجي على الاخر....يعني حتى لو تزوجوا....هل راح ينجح هالزواج اذا واحد مثل خالد زوج؟؟!!!!....المسكينه قامت تبجي على روحها مره عقلها يقولها كلام و تخاف و مره قلبها يقولها كلام و ينكسر خاطرها.....و هي تصيح رن التلفون...

شوق: الوو
خالد: وينج؟
شوق: بالبيت
خالد: انتي شفيج؟؟؟؟؟؟؟؟؟
شوق: خالد ترى مالي خلق بروح حالتي حاله
خالد: ليش عسى ما شر؟
شوق: مافيني شي!!!!
خالد: و بعدين وياج؟!!....انتي ليش تحبين النكد؟!!!
شوق: انا!!
خالد: اي ترى عمري ما عرفت وحده دعله مثلج!
شوق: الحين انا صرت دعله!!!!!!
خالد: اي .....ما يعجبج شي و لا يترس عينج شي
شوق: انا!!!!!
خالد: اي
شوق: خالد ترى انت قاعد تخربط و مو مستوعب اللي تقوله
خالد: شوق!!!! ترى مصختيها مره مينون مره تخربط مره ما استحي.....عرفي من قاعده تكلمين!
شوق: ليش انشالله منو قاعده اكلم؟؟!....اخاف واحد من عيال ال سعود و انا مادري!
خالد: احترمي نفسج!
شوق: اووووووه!!! انا بمشي
خالد:......(صك الخط بوجهها)

المكان: بيت بدريه

كانوا عبدالرزاق و بدريه قاعدين يسولفون بروحهم بالصاله اللي فوق...

بدريه: من عرسه اليوم؟
عبدالرزاق: واحد من الربع
بدريه: اي عاد من ولده؟
عبدالرزاق: عبدالرحمن ال...
بدريه: اي مشالله...اللي ماخذ بنت عبدالعزيز ال..؟
عبدالرزاق: اي
بدريه: الله يوفقهم....و يهدي بعض الناس
عبدالزاق: ههههه.....ليش النغزات
بدريه: شنسوي بعد!
عبدالرزاق: ابوي وينه؟
بدريه: طلع...راح يمشي
عبدالرزاق: عاد بغيته ظروري
بدريه: خير؟
عبدالرزاق: لا بس مليت من دوامي....و ابيه يكلملي عمي احمد يتوسطلي عند رفيجه
بدريه: انت تدري ابوك ما يحب هالساولف....تبي شي انت روح كلم عمك مو تقول لابوك
عبدالرزاق: يمه ...لا استحي انا اكلمه
بدريه: و حتى ابوك ما يحب هالسوالف...و انت تعرف طبعه....شرايك اكلم خالتك تكلم ريلها؟
عبدالرزاق: لا يمه...بس بروح ذيك المره عمي حمد هو اللي متوسطلي
بدريه: اي ما فيها شي...على الاقل انا امون على خالتك....بس ابوك ما يحب يكلم احد
عبدالرزاق: لا يمه...شنو كل ما بغيت شي كلمت عمي حمد!
بدريه: مشالله حمد معروف و اموره طيبه مع الكل
عبدالرزاق: لا يمه
بدريه: شفي كانت صاير مثل ابوك وايد حساس....ترى ما فيها شي
عبدالرزاق: مو حساس....بس عزيز نقس....شكو اكلم ريل خالتي....عندي اكلم عمي وايد احسن...على الاقل انا منه و فيه
بدريه: وي ما عندك سالفه....
عبدالرزاق: يمه
بدريه: نعم
عبدالرزاق: وين مريم و نور و فرح؟
بدريه: كل وحده بدارها
عبدالرزاق: انزين يمه ابيج بسالفه....بس بيني و بينج
بدريه: شنو؟
عبدالرزاق: واحد من ربعي وده يخطب نور
بدريه: نور اختك؟؟؟
عبدالرزاق: اي
بدريه: و منو هذا؟ و متى قالك
عبدالرزاق: اسمه فارس ال... هو ما قالي اشكره بس لمح
بدريه: شلون يعني؟
عبدالرزاق: مادري ...لمح
بدريه: كل شي بوقته حلو
عبدالرزاق: يمه نور جم عمرها؟
بدريه: 22
عبدالرزاق: و متى بتخرج؟
بدريه: بس باقيلها كورس....و انت شفيك يا حظي ما تدري عن اختك
عبدالرزاق: هههههه....لا بس تبين الصج يمه رفيجي هذا خوش ولد وايد خلوق و متربي ....
بدريه: انت لا تسبق الاحداث....على قولتك اذا بس لمح....
عبدالرزاق: لا لا مو قصدي شي....بس صج هالريال و نعم فيه...من خيرة شباب هالوقت
بدريه: مشالله
عبدالرزاق: تصدقين يمه...ما يطوف فرض بالمسجد...حتى بالشاليه كلنا نصلي على البحر و لا بالشاليه....الا هو يروح المسجد و يرجع
بدريه: مشالله ....الله يصلحكم و يصلح عيال المسلمين
عبدالرزاق: و الله صج و نعم..

و هم يسولفون دخلت عليهم مريم...

مريم: هلا هلا....انت وينك ما اشوفك
عبدالرزاق: هلا
مريم: شقاعد تسولفون فيه
بدريه: ماكو ....بس يسولفلي عن واحد من ربعه
مريم: شفيه؟
بدريه: يقول خوش ريال
مريم: اها....انزين يمه انا بطلع ويا رفيجاتي
عبدالرزاق: وين انشالله؟
مريم: ماكو قلنا الجو حلو.....نقعد بقهوه
عبدالرزاق: لا ماكو روحه
مريم: و انت شكو؟
عبدالرزاق: نعم!...بابا انا اخوج العود احترمي نفسج و عرفي شلون تتكلمين عدل!
مريم: وااي يمه شوفيه!
بدريه: و اخوج صاج ...شماله الهياته و الطلعه..ليش ما تتيمعون ببيت وحده..لازم الترزز بالقهاوي و المطاعم
عبدالرزاق: شوفي طلعات سخيفه مالها معنى ماكو....الناس طلع مره بالاسبوع مع رفيجاتها و لا مره بالشهر مو كل يوم!!...و الله بنات اخر زمن!
مريم: رزاق شدعوه...ترى انا مره شكبري مو ياهل
عبدالرزاق: و انا هذا اللي حارني!...المفروض ما تصيرين تافهه حالج حال اليهال!
مريم: واااااي......انا بروح داري بنام لحد يقعدني!! (و دخلت دارها)
عبدالرزاق: يمه ....فهمي بناتج ترى الطلعات الزايده مو حلوه للبنت!!
مريم: وي يمه شدعوه...ترى احرجتها!...انا ما حبيت اكسر كلامك جدامها...بس ترى اختك كبيره و تعرف مصلحتها...
عبدالرزاق: و لو....شنو كل يوم و الثاني طالعه ويا ربعها....ماكو شغل
بدريه: اي و الله ماكو شغل....ما عندها لا دراسه و لا عيال و لا ريل
عبدالرزاق: يمه!...الله يهداج هذي و انتي الام يعني المفروض تعقلينها...مو تايدينها
بدريه: يا وليدي....انا عبالك احب الطلعات و الفراره...ما اواطنها و لا اشتهيها! بس مريم اختك كبيره مو مثل نور و فرح....يعني كلمها بالعدال و بدون نزره
عبدالرزاق: حاضر......يلا انا ماشي تامريني على شي.؟؟
بدريه: سلامتك يمه
عبدالرزاق: يلا فمان الله

كانت مريم متنرفزه و قاعده بغرفتها تطالع التلفزيون....شوي و لا تدق عليها ريم رفيجتها

مريم: الوو (و مبين من صوتها انها منفسه)
ريم: هلا
مريم: هلا فيج
ريم: شفيج؟؟
مريم: مافيني شي
ريم: انزين بتروحين ويا سجى و حصه؟
مريم: لا ..انتي.؟
ريم: مادري انا قلت اذا انتي بتروحين بروح
مريم: لا ماني رايحه....
ريم: ليش؟
مريم: عبدالرزاق مادري شفيه فجأة عباله انا فرح و لا ياهل....يقول ماكو طلعه
ريم: هههه ...يحليله
مريم: لا و الله!!
ريم: اي و الله...هذا يزاه يخاف عليج
مريم: انا مو ياهل!....المهم تعالي قعدي عندي عيل
ريم: لا انتي تعالي عندي
مريم: لا مالي خلق....تعالي انا بيتنه كلهم طالعين...و خواتي عندهم امتحانات
ريم: يلا اشوف امي و ادق عليج
مريم: يلا ناطرتج

و عقب 5 دقاياق طرشت ريم مسج حق مريم....(ساعه و اصير عندج)

نزلت مريم الصاله و وصت الشغاله تزهب عصير و شاي و طرشت السايق يجيب معجنات من اوبرا مال قرطبه
و ركبت تغير هدوها و ترتب شعرها..... يوم خلصت و جهزت كل شي جان تقعد تنطر بالصاله اللي تحت...

بدريه: من حقه الشاي؟
مريم: ريم بتيني
بدريه: زين تسوين...قعدوا هني سولفوا و خلي الطباخ يسويلكم عشا اذا تبين
مريم: وين بتروحين
بدريه: بروح حق خالتج
مريم: سلمي عليها
بدريه: انشالله....لا تنسين طلي على فروحه تاكدي انها تدرس
مريم: انشالله
بدريه: و اذا دق ابوج قوليله اني عند خالتج
مريم: انشالله

شوي و لا نور نازله من دارها و معاها اوراقها....

نور: شفيج؟ ليش ما طلعتي؟
مريم: اخوج الدعله...فجأة لا ماكو طلعه
نور: ممم....حق منو هالبلعه؟؟
مريم: انا و ريم

نور: ريم بتيج؟
مريم: اي
نور: واااي انا هالبنت اموووت عليها....
مريم: انزين فكيني قومي درسي
نور: واي شفيج منفسه!...و بعدين طول العصر و انا ادرس ...باخذ بريك
مريم: هذي ريموا داقه....الو
ريم: ميمي.....عندي شريط عرس فجر (اختها) تبين ايبه؟
مريم: الله...متى خلص
ريم: توها اليوم يابته
مريم: اي بلييييييز
ريم: اوكي
مريم: يلا وينج ما صارت!
ريم: كاني طالعه من بيتنا
مريم: يلا انطرج....

المكان: ديوانية محمد رفيج زيد

كانوا مجموعه من الشباب قاعدين....ناس تسولف و ناس تلعب و ناس نايمه....يعني الوضع لووويه

زيد: يا شباب!!!
الكل: ها...شفيك...شتبي....(لويه)
زيد: انا بطيح عشى اليوم
الشباب: ليش؟
زيد: عليوي ملج
الشباب: من صجك؟...متى ....وينه....
زيد: كاهو ياي توه دق علي و قالي
محمد: كااااااااااااااااااااك!!...من صجك انت؟!
زيد: اي و الله العظيم.....تو دق علي و قالي....يلا نقوا مطعم و انا اللي عازمكم
فهد: لا عيل ماكو برجر كنج اليوم
زيد: ههههههه....عاد يا حمار مو تقعد تتشرط خلصوني شتبون؟
مشعل: دام العشى عليك......نبي من الشيراتون.....كااااااااااااااااااااااك
زيد: خلصني زيييييييييين.....انتوا كفوا الشيراتون.....بيزا هت و يخب عليكم
محمد: لا يبه ما يصير انا صاحب المكان و انا اللي عازمكم...
زيد: فكنا و اللي يرحم والديك
محمد: كيفيك...انت تحي الخساير
فهد: كااااااااااااااااااك....صج جعص ما لزم يدفع...بس قتله لا رجع بكلمته
محمد: اوريك يال...
فهد: كااااااااااااااااااااك!!!
زيد: فهيد حمود فكوني شتبون عشى؟؟؟؟؟؟ قبل لا يوصل علوي
حامد: يبا انت من صجك تشاورهم....دق على 99 و اطلب شاورما و صمون مشكل و يخب عليهم
زيد: و الله انك صاج .....يلا 99
مشعل: لا يبا 99.....برجر كنج ارحم
زيد: الحين خلصوني شتبون؟؟؟
محمد: يبه خلاص نطلب من كنتاكي...شرايكم؟
زيد: لا ما احبه...غيره.....تدرون شلون...انا بروح ايب عشى و برجع....منو يبي يجي معاي؟؟؟
فهد: انا
زيد: لا انت بارد...ما تنفع
زيد: مشيعل...قوم وياي
مشعل: يلا....
محمد: بس لا تتاخرون
زيد: لا بس ترى بطلب لكم على ذوقي
فهد: اطلب اللي تبيه....انت تفصل و احنا نلبس يا بو حمد
مشعل: انت و الله عجاف! هم يزفك هم تعجفله
فهد: ههههههه...يا اخي شسوي احبه
زيد: حبك برص....عاد ما لقيت الا تحبني انا....حب عبيد حب طروق...حب بدير...انا ليش!! تقردني بحبك ليش!!
مشعل: كااااااااااااااااااااااااااااااااااااااااااااااااا ااك!!!!!!!!
فهد: (يحب يطفرهم و معروف ان خف طينه) تدري زيود................... لو انت بنت جان خطبتك
الشباب كلهم: كاااااااااااااااااااااااااااااااااااك!!!
زيد: اقول فهود....تدري لو انا بنت و انت اخر ريال بالدنيا شسوي........انتحر ...من حلاة كرشك و لا من حلاة صوتك و لا من حلاة قيفتك اخذك!!!....اقول اسكت لا احطك الحين و انام فيك!
الشباب: كاااااااااااااااااااااااااااااااااااااااك!!
فهد: و الله زيود مو هين توني استوعب انك مملوح
الشباب: كاااااااااااااااااااك
زيد: (يدري ا نيبي يطفره...بس هم عصب...لان طبعه حار) فهيد بتسكت و الا انام فيك الحين
محمد: يلا من زمان ما صار اكشن
فهد: كااااااااااااااااااك.....لا لا خلاص....دام عشانا عليك...كلش و لا زعلك
زيد: اي ....حريم ما تجي الا بالعين الحمره
الشباب: كاااااااااااااااااااااااااااك!!!
مشعل: زيود خلصني انت وياه كملوا غرامياتكم بعدين......ميت يوووع!!!
زيد: يلا يلا.....

و طلعوا زيد و مشعل و ركبوا السياره....
زيد: يلعن خيره فهيد...ملسون بس احبه ابن الكلب!
مشعل: هههههه....اي و الله
زيد: الحين شنيب لهم عشى
مشعل: الحين انت من صجك عليوي ملج؟؟
زيد: اي و الله تو دق علي
مشعل: هذا صاحي...للحين ما تخرج
زيد: يقول يبي يحافظ على نفسه
مشعل: كااااااااااااااااااااااااااااااااااااااااااك!!!!!! ! شلون يعني!!؟؟
زيد: شدراني عنه مينون
مشعل: و انتم اكو مني مناك
زيد: شنو مني مناك؟
مشعل: يعني ما عندك احد
زيد: صاحبه يعني؟
مشعل: اي
زيد: لا و الله من وين
مشعل: علينا زيوووود..............ههههههههههههههه
زيد: اي و الله....و بعدين انا مو فاضي حق دلع البنات....
مشعل: اااخ يا زين دلعهم
زيد: ها جنه الحبيب غاص
مشعل: اي غاص.....قول منتهي
زيد: ههههههه...من صجك انت؟
مشعل: اي و الله
زيد: لا لا...انا مو مال هالسوالف
مشعل: قم زين.....بتفهمني ما تعرف وحده
زيد: اي و الله
مشعل: يلا عاد...لا تستشرف علي
زيد: و الله مشيعل شفيك ...من صجي
مشعل: لااااااا....انت يبيلك اظبطك عيل
زيد: لا يبه......خلني جذي مرتاح
مشعل: بلاك ما جربت!
زيد: كاااااااااااااااااااااااااااااااك!!!...جنك مسويها...ها....مشيعل!!
مشعل: و الله تصدق اول مره احس ان صج.....قبل لعب و مليون وحده هالمره غييير
زيد: شلون؟
مشعل: يا اخي مادري شقولك....بس صج يلعن ابو الحب
زيد: كااااااااااااااااااااااااك!!!...انزين انا قاعد اسوق و مادري وين اروح
مشعل: تدري شلون
زيد: شلون
مشعل: انا اقول امش انا و انت نروح سلايدر ....و خلهم يولووون
زيد: كااااااااااااااااااااااااك!!!...تهقى؟
مشعل: اف!...هذيل مو كفو.....خلهم ....نروح ناكل و نخلص و تالي نردلهم
زيد: كاااااااااااااك!! و عليوي
مشعل: عليوي وين و الاكل وين ....تلقاه الحين بيكشت فيهم و بيطلع مرته
زيد: تدري شلون...بدق عليه بقوله لا يروحلهم...و انا و انت نتعشى و تالي نرجع لهم
مشعل: كاااااااااااااااااااااك!!!...بس اخاف فهيد ياكلك
زيد: كااااااااااااااااااااااااك!!! يخسي الا هو.....

وصلوا مشعل و زيد سلايدر....ما كلن حيل زحمه بس هم في ناس....دخلوا و قعدوا على الكراسي اللي على البار (مو بار صج بس طاولات تصير على طاوله نص دائره تطل على المطبخ و اكثر من شخص يقدر يقعد حتى لو مو ياين مع بعض....)
طلبوا و قعدوا يسولفون و ضحك و اللي بالديوانيه كل شوي يدقون عليهم....و هم يقولون كانا ياين....و عقب ربع ساعه دخلت مجموعة بنات...2 كانوا متحجبات و 1 سفور...ما كان في ولا طاوله فاضيه ....بس ال4 كراسي اللي على البار...

متحجبه 1 (نوره) : الحين شلون؟
سفور (مي) : اي عادي نقعد على الثلاث كراسي اللي بالبار و نخلى كرسي بينه و بين الشباب
متحجه 2 (حصه) : عرفتي هذيل؟
نوره: لا ما اشوف
حصه: واي امشوا نقعد مكانه بيعيد عنهم...

قعدوا البنات و طلبوا.....و مشعل و زيد يطالعونهم لانهم معاهم بالجامعه..
مشعل: هذيل ويانا
زيد: صج؟
مشعل: اي كلهم
زيد: اول مره اشوفهم
مشعل: انت ويا ويهك ما تشوف شي تمشي مسبه!
زيد: و انا شدراني بقعد اطالع الكل البنات اللي ويانا

حصه: هذا زيد ال...و اللي يمه مشعل ال...
نوره: اي صح ...هذيل اللي بمستقله صح؟
مي: ا ي...عرفتهم
نوره: اي واحد زيد و اي واحد مشعل
حصه: اللي لابس دشداشه بس زيد...و اللي مغتر مشعل
نوره: اها

مشعل: دقيقه و برجع
زيد: وين
مشعل: لا بس بطلع شوي
زيد: دقت المدام؟
مشعل: هههههه....اي

و قعد زيد ياكل و يحاول ان ما يطالعهم....و هو اصلا مو طبعه يخز البنات....بس ما يدري ليش وحده من المتحجبات (نوره) شدته....مو اعجاب او شي....بس فيها شي شده....

المكان: غرفة شوق

كانت شوق قاعده على الفراش سرحانه....و كالعاده تفكر بخالد!!! و شلون اسلوبه حيل وقح...شلون هي سامحتله يتمادى معاها!...شوي جان تدق عليه...

خالد كان قاعد بالديوانيه عند ربعه....طلع بره و رد عليها و هو متنرفز منها...

خالد: الوو (وصوته مبين انا متنرفز....بس كان خانس مو عالي)
شوق: الو
خالد: الووو...
شوق: وينك؟
خالد: عند الربع
شوق: مشغول؟
خالد: يعني
شوق: انزين ابي اكلمك
خالد: خير؟
شوق: لا خلاص اذا رجعت البيت دق علي
خالد: لا قولي الحين
شوق: خلاص كلمني لما ترجع البيت
خالد: لا بنام اذا رجعت قولي شعندج
شوق: (و هي محتره من اسلوبه لان يكلمها بنفسيه و كان زعلها مو هامه) يعني ما يهمك زعلي؟
خالد: شنو؟
شوق: (تدري ان سمعها بس يبيها تعيد الكلام) يعني ما يهمك زعلي؟
خالد: لا طبعا
شوق: شنو؟؟؟
خالد: انا ما زعلت احد.....اذا زعلانه من غيري انا شكو
شوق: كل هذا و زعلتني؟؟؟
خالد: اي انا اللي المفروض ازعل....لان انتي اللي طولتي لسانج و صكيتي بويهي....انا ما قلت شي غلط
شوق: لا و الله.....
خالد: اي
شوق: خالووود!! لا تحرني!
خالد: اسمي خالد لو سمحتي...ماني اصغر عيالج
شوق: واااي ...انت شفيك!
خالد: ما فيني شي!....انتي اللي داقه
شوق: (و هي متنرفزه من بروده ) يعني انت الحين زعلان
خالد: يهمج؟
شوق: اكيد
خالد: اي...
شوق: احلف
خالد: ما له داعي احلف .....
شوق: من صجك؟
خالد: اي
شوق: ليش؟
خالد: بس!
شوق: لا و الله ليش؟
خالد: راجعي نفسج و شوفي انتي شقايله
شوق: انا!! شقلت
خالد: تطولين لسانج....و تقللين من قدري...و تسكرينه بويهي!
شوق: انت نرفزتني!
خالد: ليش انا شقلت
شوق: (استوعبت ان هي عمرها ما شرحتله ان حركاته تنرفزها...و خالد وااايد ذكي يعني ما يقول اي كلمه يدري ان يمكن تحس عليها يوم من الايام) حبيبي انا بس كنت متنرفزه
خالد: و انا متنرفز....اغلط عليج يعني!
شوق: لا حبيبي...مو قصدي....بس انا مادري شفيني
خالد: و الله مادري عنج....انا بمشي
شوق: وين؟
خالد: الربع ناطريني
شوق: خالد..
خالد: نعم؟ (و هو للحين جامد بالكلام)
شوق: احبك
خالد:......
شوق: خالد؟
خالد: نعم
شوق: اقولك احبك
خالد: انزين شسوي؟
شوق: لا و الله؟!
خالد: اي و الله
شوق: خااااااالد!
خالد: نعم
شوق: تحبني
خالد: مادري
شوق: لا و الله!
خالد: اي مادري هو حب و لا معزه.....بس الحين مع اسلوبج يمكن حتى المعزه تروح لان الانسان كرامه...
شوق: (حست ان خالد من صجه قاعد يتكلم....و اخترعت تدري ان هو بايعها...خافت اذا عاندت يسوي شي ما يرضيها و هي ما عندها غيره) خالد....اسفه
خالد: انا بمشي
شوق: خالد!
خالد: نعم
شوق: و الله اسفه
خالد: انزين
شوق: شنوا نزين؟؟....للحين زعلان؟
خالد: حصل خير
شوق: انزين ...براضيك
خالد: شلون؟
شوق: شي انت كنت تطلبه من زماااان
خالد: شنو؟
شوق: لا الحين روح حق ربعك....و اذا رديت البيت دق علي
خالد: يصير خير....يلا باي

دخل خالد الديوانيه...و قعد يفكر بكلامها....و استوعب ان هو طالب منها كذا شي...واحد منهم ان يقعد وياها و يسولفون في شقته....بس استبعد ان هذا يكون اللي في بالها ....لا شوق حيييييييييييييييل صعبه و بالغصب ترضى تطلع وياه مكان عام و يشوفها من بعيد!

شوق قعدت تفكر بطريقه كلام خالد....و شلون هي داقه تبيه يراضيها اخر شي هي اللي راضته.....و استوعبت انها وعدته تراضيه....و هي عارفه انه عنييييد!! و مو كل شي يرضيه!

المكان: بيت بدريه

كانوا ريم و مريم و نور قاعدين بالصاله....ضحك و سوالف و وناسه.....و فجأة دخل عبدالرزاق.....و كان يغني و يصفر...و فجأة لما و صل شاف ريم.....تخسبق.....

عبدالرزاق: (و هو منزل راسه) السلام عليكم
الكل: و عليكم السلام...
عبدالرزاق: ريم شلونج؟
ريم: هلا ...الحمد الله طيبه
عبدالرزاق: وين امي؟
مريم: طالعه.....شفيك راد مبجر
عبدالرزاق: لا بس تعبان شوي....يلا انا استأذن

ركب رزاق غرفته و هو منحررررررج!!! و قعد يضحك على روحه......

ريم: يلا انا بمشي
مريم: وين تو الناس؟؟
نور: اي تو الناس....
ريم: لا وين الساعه عشر....بس بعد
مريم: انزين انماشيج بالسياره؟
ريم: لا شدعوه مو من بعد البيت....يلا مع السلامه
مريم: الله يسلمج
نور: تعالي بحبج....مووواااااااااه!
ريم: ههههههه....حبتج العافيه
نور: و الله ريموا احبج!
ريم: ههههههه....حتى انا ا..ههههههههه
مريم: واي انتي و ياها غرامايات...فكوني بس
ريم: هههههه.....يلا باي
مريم: بباي

وصلوا ريم لي سيارتها و رجعوا قعدوا بالصاله....

نور: ابيييه رزاق بدع
مريم: ههههه....عادي
نور: وااااي...جان زين ياخذها......
مريم: وليييين انتي شفيج
نور: والله حدهم يلوقون
مريم: شكو
نور: وااااااي......انتي شفيج!
مريم: ما فيني شي....انا بقوم بشوف فروح....و بنام
نور: اي انا بعد بنام دخت....

ركبوا فوق و لا رزاق قاعد بالصاله الصغير اللي فوق....

مريم: انت مو قلت بتنام؟
رزاق: لا بنطر الوالد
مريم: اها...
نور: يلا تصبحون على خير
رزاق: وين تو الناس؟
نور: لا دايخه...
رزاق: مريم قعدي شوي ابيج
مريم: خير (و هي واقفه)
رزاق: قعدي
مريم: ها...
رزاق: الناس تقول نعم
مريم: شتبي رزاق...دايخه ترى
رزاق: ابيج تشوفيلي وحده
مريم: شلون؟
رزاق: اي ....عزمت اتزوج
مريم: ههههههه.....حظي عليك انا اشوفلك.....و انت شسالفتك
رزاق: لا انا ما اعرف
مريم: اكو ريال ما يعرف
رزاق: اي و الله.....شدراني
مريم: بالله شلون تبيها شقرا بيضه سمره
رزاق: عن الاستهبال....من صجي
مريم: و الله انت موديل قدييييم شخباري .....الحين الصبيان ينقون و يحطون الاهل اما المر الواقع
رزاق: اي انا داثر زين
مريم: انزين قول شنو المواصفات اللي في بالك...متحجبه سفور...سمره بيضه
رزاق: عادي... بس ابي وحده سمحه....
مريم: واي يحليلك...بريء
رزاق: انتي شفيج من صج!
مريم: انزين....شكثر بنات سمحين ...حدد شنو تبي
رزاق: شرايج بريم؟
مريم: رفيجتي؟
رزاق: اي
مريم: واااي انتوا شفيكم عليها اليوم؟!
رزاق: (و هو مخترع شوي) ليش في احد ثاني خاطبها؟؟
مريم: لا لا بس حتى نور توها تقول ناخذها حقك
رزاق: ليش لا
مريم: يالعيار لا تقعد تقولي شوفيلي.....قول ابيها و خلاص
رزاق: لا و الله مو جذي بس هذي الوحيده من ربج اللي اعرفها...
مريم: مممم.....مادري باجر نتفاهم....انا الحين مقفله
رزاق: خلاص اوكي...بس لا تقولين حق امي...ترى بتقعد تحن علي حنه و انا مابي خلق!
مريم: هههههه...يلا تصبح على خير....

دخلت مريم غرفتها...و ما تدري ليش كانت مقموته....و حست انها مو بالعه ريم اليوم مع ان المسكينه ما سوت شي.....بس يمكن ليش نور و رزاق و الكل يمدحها و ياب طالري الزواج......مريم ضاق خلقها على روحها....صج انها تبين ا نمو هامها موضوع الزاج....بس كل مره تسمع ان وحده من ربعها انخطبت او بتنخطب يضيق خلقها....مو غيره او حقد...بس يضيق خلقها على روحها...صج ان مريم تنخطب بس للحين ما ياها واحد يترس العين.....و اللي يحرها اكثر ان اختها نور يخطبونها ناس واااايد زينين و ساعات ودها لو خاطبينها هي بدال نور.....يعني جم مره تقدموا ناس حق نور كانت مريم تتمناهم حقها....قامت مريم لبست بيجامتها و حطت راسها على المخده و هي تدمع......

المكان: سلايدر

مشعل: يلا مشينا...ِبوا علينا تلفونات
زيد: يلا (و هو ما يدري ليش وده ما يقوم)...مشيعل خل نقعد بس شوي...(توه خلص جملته جان البنات يقومون)....و لا اقول يلا يلا قمنا
مشعل: هههههه...شفيك
زيد: مافيني شي....
ركبوا السياره و رجعوا الديوانيه....و طووول الطريج و زيد سرحان....و مشعل كان لاهي يدز مسجات ما سأله شفيك ساكت.....

المكان: غرفة خالد....

فصخ خالد دشداشته و دخل غسل....و نسدح على الفراش....و على طول اتصل على شوق

شوق: الوو
خالد: هلا
شوق: بالبيت؟
خالد: اي (و هو يكح)
شوق: شفيك؟
خالد: صدري متنك
شوق: سلامتك
خالد: يسلمج....خير
شوق: شنو خير
خالد: (بدى يطفرها) انتي قلتي اذا وصلت دق
شوق: اي...براضيك
خالد: شبتسوين
شوق: بسولف معاك
خالد: شنو؟؟؟
شوق: بسولف معاك
خالد: هذا اللي انا كله اطلبه ؟؟!!!!.....لا عيل انا لنام وراي دوام
شوق: (استوعبت ان كالعاده خالد ما يطوفه شي....هي يوم قالت الكلمه ما كانت تقصد شي معين بس كانت تبي تراضيه حزتها لان خالد من النوع اللي كل ما طول بالزعل كل ما صار اصعب تراضينه)...شدعوه بو وليد
خالد: والله العظيم....انتي ترفعين الضغط!
شوق: انا!
خالد: اي
شوق: ليش؟
خالد: الحين تخليني ارجع من الديوانيه عشان تسولفين
شوق: (انجرحت من اسلوبه...بس حست انها ما تقدر تخليه زعلان) براضيك....شتبي
خالد: تدرين شبي
شوق: شنو؟
خالد: تعرفين
شوق: لا ما اعرف
خالد: تين معاي الشقه....

[عديلة الروح]

شوق: خالد من صجك؟؟؟؟!!
خالد: اي من صجي....شايفتني العب
شوق: لا لا.....لو شنو ما اروح وياك شقه!
خالد: خلاص عيل....انا بنام
شوق: خالد لحظه!!!!
خالد: نعم
شوق: ممكن افهم ليش الشقه؟
خالد: قتلج ليش من قبل
شوق: لا فهمني ابي افهم
خالد: من عرفتج و لا مره قعدنا انا وياج بروحنا يمكن بس مرتين او ثلاث و كله عشان تراضى عقب هوشه....يعني و لا مره قعدنا سولفنا ضحكنا....كله من بعيد لي بعيد و لا بالتلفون!
شوق: يعني شنو نقعد نسولف....و الحين اللي قاعد نسوي بالتلفون شتسميه؟
خالد: لا في فرق.....
شوق: و الله مادري شقولك
خالد: خلاص عيل لما تدرين دقي علي...تصبحين على خير
شوق: لحظه!.....اول شي هالشقه وين؟
خالد: (شافها بدت تلين.....قام عدل اسلوبه معاها) بابا انتي اذا رضيتي اقولج وين
شوق: مادري....عطني كم يوم افكر
خالد: شدعوه يبيلها تفكير.....بابا ماني مسويلج شي....
شوق: مادري خالد اخاف
خالد: تخافين مني؟
شوق: لا مو منك...بس....
خالد: بس شنو؟
شوق: مادري خالد....وين قاعدين اخر زمن ادخل شقيق و هالسوالف
خالد: انتي شفيييج!!! شنو شقيق.....بابا هذي شقه بعماره انا املكها...يعني مو مركز دعاره!!
شوق: انزين....ما قلت شي لا تعصب!....واي صاير جبريت
خالد: انتي.....ترفعين ضغطي!
شوق: انزين عطني جم يوم افكر
خالد: براحتج....(بنفسيه)
شوق: خالد
خالد: نعم؟
شوق: تحبني؟
خالد: اعزج
شوق: شنو يعني ؟؟؟
خالد: قتلج اعزج
شوق: بالله شتطلع هذي؟
خالد: يعني لج معزه بقلبي
شوق: اي بفهم....تحبني و لا لأ؟؟
خالد: اذا شفتج اقولج
شوق: والله امرك غريب....تصدق....عمري ما شفت احد مثلك
خالد: و لا راح تشوفين ....انا خالد واحد ماكو غيري
شوق: واااااي....الثقه!
خالد: هههههه.....يحقلي.....بذمتج عمرج شفتي واحد مثلي
شوق: لا!
خالد: خلاص عيل....
شوق: واااااااااااااااااااااااااااااي!!!!
خالد: ههههههه....شنو واااااي....تدرين ادوخ منها لا تقولينها لا ايج الحين و اخذج جدام اهلج
شوق: لا و الله.....فيك خير سوها!....(قصدها اخطبني بطريقه غير مباشره)
خالد: ماشي يا شوقوا اوريج
شوق: ولييين!....ِشقلت بعد؟
خالد: اوريج!...يلا باي
شوق: باي

سكرت شوق التلفون و هي بداخلها قلق....ما تدري ليش خافت و بدت تستوعب انها قطت روحها بمشكله حيييل صعبه!! يعني لا تقدر تسمع كلامه لانها اذا طاعته يمكن توصل لمرحله تخسر فيها كل شي....و ما تقدر تقطع علاقتها فيه لانها تحبه و ما عرفت غيره....و لا هو من النوع اللي يرضى بنت تتخلى عنه....تخاف يسوي لها شي!...تعوذت من ابليس و حاولت تنام بس كان قلبها حيل ناقزها و مو مرتاح و لاول مره من عرفته و تحس بالخوف جذي....بالعاده لما يطلب منها شي للمره الاولى تحس بخوف بس بنفس الوقت بشوق و وله....هالمره بس خوف و نغزه بقلبها....و صارت تقول حق نفسها...الله يستر

مر الاسبوع بسرعه....اللي يدرسون كان عندهم امتحانات و اللي يشتغلون لاهين بدواماتهم....و عقب اسبووع مرهق حييييل صار يوم الخميس.....

المكان: مكتب شوق

كانت شوق حيييييل هلكانه من الشغل ...و طول الاسبوع و هي مشغوله حيل بالدوام و البيت لان مرت اخوها والده فكل يوم استقبال...و هي مندمجه بالشغل فجأ’ انطق الباب...رفعت راسها و لا تشوف واحد طويل لابس دشداشه رماديه تحتها قميص ابيض و شماغ ..عليها طول و عرض مو طبيعي....و لونه يذبح حنطااااوي...و الضحه الشقاقيه اللي من يضحك طلعت الغمازات....طبعا عرفتوا منهو هالريال..

خالد: حبيبي
شوق: هلا هلا
خالد: ممكن ادخل
شوق: تفضل...ههههه
خالد: اسكر الباب ...(و هو مطلع لسانه يطفرها)
شوق: لا لا....خله مالنا خلق فضايح
خالد: ولهان عليج يالخايسه
شوق: ههههه...انا اكثر و الله...
خالد: وينج هالاسبوع ؟؟
شوق: و الله لوووويه!! دوام و عقبها استقبال مرت اخوي....و عفيييسه!
خالد: اها....انزين متى بشوفج
شوق: هههههههه....ليش انت مو قاعد تشوفني الحين
خالد: لا تستعبطين......تدرين شقصدي
شوق: (من يقولها متى بشوفج و هي تدري ان يبيها تروح له الشقه) ممممم....مادري
خالد: لا شلون ......الليله
شوق: اليوم؟
خالد: اي
شوق: لا ما اقدر
خالد: ليش؟
شوق: بس عطني وقت افكر
خالد: وبعدييييين!!! انتي شفيج!!
شوق: و الله خالد ابي افكر عدل
خالد: شوق! كلها بتركبين سيارتج و بنقعد انا و انتي نسولف....ما قتلج تعالي (....)
شوق: شششششش......فضحتنا...قصر حسك!
خالد: سمعي....الليله!
شوق: اشوف
خالد: ماكو اشوف...ابيج الليله يعني الليه!
شوق: انزين اسكت فضحتني!
خالد: و مو تقعدين ربع ساعه مثل كل مره و تمشين....لا اقل شي ساعتين ثلاث
شوق: شنو؟؟؟؟....صاحي انت؟!
خالد:اي
شوق: وااااااي!!!....الله يستر منك
خالد: ههههههه...خايفه
شوق: اووووف!
خالد: ههههههههه......شدوعه ترى ما اكل....بس اذا شوقتيني مادري يمكن بس (....)
شوق: خالد!!
خالد: هههههه...اضحك بابا....انوين شنو بتلبسينلي؟
شوق: شنو؟؟!!
خالد: شنو بتلبسين؟
شوق: خالد.....بسك اذا بتخربط من اولها بلاها وااايد احسن
خالد: هههههه.....يبا اضحك خلاص لبسي اللي تلبسينه...بس تعالي
شوق: خالد!....من الحين اقولك اذا بتسوي حركات ماصخه بطلع
خالد: لا بصير خوش ولد.....ههههههههههه
شوق: انزين قوم خلني اشوف شغلي
خالد: انشالله عمتي....مواااااااه
شوق: بس بس فضحتني
خالد: كيفي...حرام الواحد يبوس مرته
شوق: ولي يعافيني!
خالد: فديتهم.....فديييييتهم!
شوق: بس يلا وراي شغل
خالد: يلا....مواااااه (يبوسها بالهوا)
شوق: استغفر الله....ههههههههه

و طلع خالد من مكتبها و شوق حست بشعور غريب.....ما تدري شلون حست كانها بدت مرحله يديده مع خالد...بس ما يندرى شنو اخر محله راح تكون بهاللعبه!

المكان: بيت منيره
صار العصر و حمد قاعد مع منيره و دلال و بندر و زيد بالصاله

حمد: منيره...قشري لي برتقاله
منيره: انشالله
بندر: انا بعد يمه
زيد: انا بعد
دلال: ههههه ...حتى انا
منيره: انشالله انشالله
حمد: زيد
زيد: هلا يبه
حمد: شسويت بالامتحان؟
زيد: اليوم اخر واحد... انشالله زين (و وجهه ما يبشر بالخير)
حمد: و انت؟
بندر: انا امس خلصت....لا الحمدالله زين
دلال: (و هي عافسه وجهها) بس انا ما خلصت !
حمد: متى تخلصين؟
دلال: الاثنين
منيره: هاك حبيبي (و هي مقشره برتقاله و حاطتها بصحن)
حمد: تسلمين يا ام خالد...
زبد: يمه اذا تزوجت ابي وحده مثلج
حمد: ما تلقى....هذي ام خالد ما تلقى مثلها
منيره: ههههه.....و انا اقول انتوا طاعين عيايره على منو....ابوكم اكبر عيار!
حمد:ههههههه....افا يا ام خالد.....انا عيار؟
منيره: ههههه...احلى عيار
دلال: يمه...متى بنمشي؟
منيره: على ال8
دلال: ليش متأخر؟
منيره: انطر ابوج يمشي من غير شر و عقب بروح حق وحده والده
حمد: يلا انا بمشي....تامرون على شي؟
منيره: سلامتك...عاد مرنا بالشاليه
حمد: انشالله

قامت منيره وصلت حمد لي الباب ....حبها على راسها و طلع....و رجعت الصاله

دلال: يمه..ماني رايحه الشاليه
منيره: ليش؟؟؟
دلال: بس مالي خلق...بدرس
منيره: فكيني...اخذي دراستج وياج...و انت بندر روح ويا ربعك و وقت النوم تعال نام بالشاليه
بندر: لا يمه احنا نسهر....يعني متى ما دخت نمت حتى لو بالصاله

و هم قاعدين يسولفون دخل مشاري....

مشاري: السلام عليكم
الكل: و عليكم السلام
منيره: وينك؟...ابوك طلع
مشاري: رحت النادي
منيره: وي ما عندك سالفه
مشاري: الله....يمه قشري لي برتقال
دلال: كاااااك!!
منيره: انشالله!!....عيال ال... مدلعين حتى البرتقال لازم نقشره لهم
مشاري: ليش تضحكين؟
دلال: لان مسكينه قشرت لنا كلنا
مشاري: (و هو لام و امه و يبوسها على خدها) يمه اذا تزوجت ابي وحده مثلج
دلال و بندر: كاااااااااااك!!!!
مشاري: شفيكم بعد؟؟؟!!!!!
دلال: ابييييييه!!!! توا زيود قاعد يقول حق امي نفس الكلام
مشاري: و الله يمه....يا بخت ابوي خذا وحده مثلج...حلوه و طيبه و سنعه.....
منيره: علم ابوك!
مشاري: شفيه مسكين....شايلج بعينه
منيره: عسى الله لا يحرمني منه
دلال: و انا ابي ريل مثل ابوي
زيد: استحي!
دلال: شتبي؟!!
زيد: شنو ابي ريل!....
دلال: وااااي!!
منيره: فكوني عن اللويه......وين خالد؟
دلال: نايم
منيره: و هذا يا نايم يا طالع!....بندر عفيه يمه روح قعده بشوفه قبل لا اروح الشاليه
بندر: يمه مالي خلقه يقعد يزف
منيره: وليييين!! يعني لازم انا اقوم!

قامت منيره تقعد خالد....و كالعاده ما رضى يقوم....

منيره: يمه خالد قوم اقعد...بشوفك قبل لا اروح
خالد: يمه!!! (و هو نايم على بطنه و مسكر عينه)
منيره: يلا يمه...ولهانه عليك
خالد: يمه تعباااان!
منيره: اففف!! الله يهديك و يصلحك بس!
خالد: يمه...
منيره: نعم
خالد: احبج
منيره: عيااار!
خالد: ههه...انزين يمه سكري الباب وراج
منيره: انشالله...يلا مع السلامه...

المكان: بيت براك (زميل مريم)
كانوا براك ز شريفه قاعدين بالصاله....

شريفه: حبيبي
براك: هلا
شريفه: شرايك نروح الشاليه؟
براك: بخاطرج؟
شريفه: اي و الله نسبح انا و انت....(و هي تبتسم )
براك:هههههههههه.....ما عندي مانع.....يلا متى؟
شريفه: مممم....يالليل مو الحين
براك: خلاص صار....انا اروح حق الربع شوي....و على ال9 امرج؟
شريفه: لا مرني على ال10...عشان اروح يمعت بيت يدتي
براك: خلاص صار

اذن العشا و خالد كان توه طالع من الشاور....الكل كان طالع.....بدل لبس دشداشه كحليه بس مفرع ما لبس غترة....حط كلونيه....و طلع من البيت.....و اول ما راكب سيارته دق على شوق....
شوق: الوو
خالد: هلا هلا
شوق: ههههههه
خالد: وينج؟؟؟؟
شوق: بالبيت
خالد: يلا متى بتطلعييين؟؟؟؟؟؟؟؟
شوق: خالد.....
خالد: ها!!؟؟؟؟
شوق: خالد...اخاف
خالد: من شنو؟؟؟
شوق: مادري...الوضع غريب
خالد: بابا...شفيج...انا خالد....يعني ما راح اسويلج شي انتي ما تبينا
شوق: بس بابا...اخاف احد يشوفني
خالد: لا تخافين انتي صفدي سيارتج مكان انا امرج و ننزل مع بعض
شوق: انزين....انت وينك
خالد: بس بروح اشتري سجاير....و انطرج
شوق: انا يبيلي نص ساعه
خالد: يلا لا تتاخرين!!
شوق: انزين

سكرت شوق التلفون و قامت بدلت.....و كانت مفهمه امها انها بتروح يمعت بنات.....

المكان: الشاليه

منيره و بدريه و البنات كانوا قاعدين على البحر...

منيره: الجو يهبل....مال معدس و دقوس
مريم: هههه...اي و الله خالتي شوقتيني
بدريه: اقوله يسوي؟
منيره: اي و الله
دلال: خالتي مشتهيه بطاط مقلي
بدريه: انشالله
فرح: خالتي....وين بندر؟
منيره: عند ربعه....دقي عليه قوليله تعال سلم
فرح: انشالله....(و طلعت الموبايل و دقت عليه)

بندر: الوووووو.....
فرح: هههههه...هلا
بندر: انتي وينج يالقاطعه؟!!
فرح: شسوي لووويه...شسويت بامتحان العربي؟
بندر: خرا!
فرح: ويييي......حتى انا زفت عادي!
بندر: وينج؟
فرح: بالشاليه
بندر: مع منو؟
فرح: كلنا
بندر: امي عندج؟
فرح: اي...و تقولك تعال سلم
بندر: لا مو الحين بالليل كلش بيكم....
فرح: خلاص براحتك
بندر: فرح
فرح: هلا
بندر: نطريني ....مو تنامين
فرح: ليش؟
بندر: ولهان عليج...
فرح: و بعدييين!!؟؟؟
بندر: و الله ولهان
فرح: يلا باي

منيره: شفيه؟؟
فرح: ما فيه شي
منيره: عيل شنو اللي و بعديين؟؟؟
فرح: ها.....لا ماكو بس يطفرني (و وجهها حمر من الخرعه!)
نور: منو يبي يمشي معاي؟؟؟
منيره: قعدوا وين تمشون بهالبرد
دلال: انا انا....
نور: ودي اتمش خالتي.....الجو حلو
منيره: انزين بس لا تباعدون و اخذوا موبايل معاكم
نور: انشالله......

و صاروا نور و دلال يتمشون على البحر و يسولفون.......

المكان: سيارة شوق
كانت شوق خايفه حييييل و قلبها ناغزها....بس كان هذا الحل الوحيد انها تحافظ على علاقتها مع خالد....و صلت شوق الماكن اللي اتفقوا يتواعدون فيه عشان تصفط سيارتها و تركب معاه.....صفطت شوق و على طول دقت على خالد....

خالد: هلا بابا...وينج؟
شوق: جدامي عماره بيج
خالد: وين ما اشوفج؟
شوق: يمي مطعم مال عصير
خالد: ا ي اوكي....يلا نزلي كاني وراج

نزلت شوق من السياره و قلبها يطق يطق....و كل جسمها يرجف.....و الجو بارد يعني زاد الطين بله!!....تلفتت شوق و تأكدت ان محد شافها....و بسرعه ركبت سيارة خالد....و اول ما راكبت

خالد: موووووووووووووووووووووووووووواه (على خدها)
شوق: خالد!!!!!!!.....ترى و الله انزل الحين...عن الحركات البايخه! (و هي ميته خوف من داخل و ما تدري ليش حست ان الوضع يخرررررع جنها بفيلم او مسلسل)

مشوا بالسياره خمس دقايق و فجأة نزل خالد سرداب عماره و صفط السياره....

خالد: يلا بابا نزلي
شوق: (تشوف المكان و ودها لو ترجع بيتهم) بابا يخرع المكان
خالد: شوق...شفيج؟؟؟ انتي الحين بتركبي...بتطير عينج من الشقه.....شي عجييب
شوق: انزين.....خلها مره ثانه
خالد: (بدا يعصب عليها) يا بنت الناس نزلي و الله جنيت منج!
شوق: (افتحت الباب و هي خايفه و نزلت و مشت يم خالد) بابا حدي خايفه
خالد: ههههههه...ِشفيج انا معاج (و هو لامها و هي من الخرعه مو مستوعبه!!)

دخلوا من الباب اللي مال المواقف اللي بالسرداب و ركبوا الاصنصير.....شوق توقعت ان العماره تكون قديمه....بس اللي شافته انها حيل راقيه و هدووووء......

وصلوا الدور اللي فيه الشقه و اول ما فتح الاصنصير...طلع خالد و صار يمشي لي الشقه و شوق تلحقه و هي لازقه فيه من الخرعه....دخل خالد المفتاح عشان يفتها الباب و مع صوت فتح القفل شوق اخترعت بشكل مو طبيعي....

خالد: حياااج

دخلت شوق و قامت الطالع المكان و لا الشقه حيييل كلاس و راقيه و الاضائة حلوه و كل شي اوكي....

خالد: قعدي بابا اخذي راحتج..
شوق: هذي العماره عمارتك؟
خالد: اي بابا توني قبل سنه شاريها...شرايج فيها؟
شوق: حلوه
خالد: و انا خذيت الشقه اللي بالدور الللي فوق كلش عشان محد يضايقني....
شوق: زين تسوي....انزين انت ليش عندك هالشقه؟ شتبي فيها؟
خالد: ها.....يعني ساعات اذا مانبي نقعد بالديوانيه...ينا قعدنا فيها
شوق: اها
خالد: بابا فتحي التلفزوين على ما اشوف شنو في شي ينشرب ميت من العطش

فتحت شوق التلفزوين و قعدت تغير بالقنوات و شوي شوي حست انها مرتاحه...مو مثل اول ما دخلت...

خالد: ماكو الا سفن اب....حظيتلج فيه ليمون
شوق: مشكور
خالد: (حط السفن اب و انسدح على القنفه اللي يم شوق) حي الله من جانا
شوق: يحيك
خالد: و اخيرا حنيتي علينا
شوق: ههههه
خالد: و الله اخاف و اخاف......باكلج و لا شبسوي فيج...قتلج نقعد و نسولف و ناخذ راحتنا..
شوق: هههه
خالد: اي جذي...ضحكي مو مساع مخترعه جنج شايفتلج ميت!
شوق: بابا شسوي اول مره اي شقة
خالد: اللي يسمع شقه يقول شقة دعاره...بابا عادي كلها مكان نقعد فيه و ناخذ راحتنا

و صاروا يسولفون و يضحكون بمواضيع عاديه.....شوي جان يطلبون عشا بيتزا و كملوا السوالف و الضحك......و شوق كانت مرتاحه و نست الخوف اللي كانت تحس فيه....و من السوالف اكتشفت جانب اول مره تشوفه بخالد...حركاته تصرفاته....و هو نفس الشي حس انها انسانه ثانيه غير شوق الجامده اللي يعرفها...شاف و حده مرحه تحب السوالف و الضحك.....و مرت تقريبا ساعتين و اهما على هالحال......


المكان: الشاليه
دخل بندر عليهم و هم كلهم متيمعين بشاليه منيره و قاعدين يشربون حليبه و يطالعون التلفزيون و كل وحده فيهم متلحفه بشال و لا كفر من البرد....

بندر: السلام عليكم
الكل: و عليكم السلام
منيره: ها حبيبي شلونك
بندر: (راح قعد يم امه) تمام....الله شكلكم حدكم مندمجين مطفين الليتات و حليب....
منيره: اي و الله خوش فيلم
بندر: اها...(و دز مسج حق فرح)
فرح كانت قاعده تطالع التلفزون و فجأة شب ليت موبايلها....

المسج: تعالي بره ابيج
ردت عليه: شتبي؟
بندر: ابيج!
فرح: اي شنو؟
بندر: بسولف وياج
فرح: مالي خلق
بندر: عن الدلع!
فرح: انوين اسبقني و انا شوي و ايك
بندر: مو تتأخرين

بندر: انا بقعد بره....اخليكم مندمجين
منيره: يمه غير هالشورت اللي لابسه بره موت برد
بندر: لا مو بردان لا تحاتين

طلع بندر و قعد على الكرسي اللي جبال البحر.....و عقب عشر دقاقيق طلعتله فرح و هي لابسه جاكيت و لابسه سكارف و حاطه الاي بود بأذنها.....شوي شوي مشت بالتراب البارد لين وقعدت بالكرسي اللي يمه....

فرح: خير؟
بندر: بل!! شفيه البوز حامض!!؟؟!!
فرح: مافيني شي...بس دايخه
بندر: يلا عاد هاد الربع و ياي بسولف وياج
فرح: محد طلب منك
بندر: فرووح!!....عن الملاقه...
فرح: ههههه...انزين...

و قعدوا يسولفون عن الامتحانات و لوية الدوام....و و و وااااايد اشياء عاديه و سوالف و ضحك و غشمره....بدون كلام حب و خرابيط!

المكان: شقه خالد
خلصوا عشاهم....و الضحك....و اندمجوا يشوفون فيلم و الساعه كانت 10!!...شوق كانت حيل مرتاحه و حست انها اكتشفت جانب يديد بخالد و حست ان فعلا هذا الشخص اللي تبيه زوج لها....كانت دايما تشوفه من بعيد او بمكان عام او بالشغل يعني دايما في ناس معاهم و اول مره تقعد وياه مده طويله بروحهم و هي مرتاحه ان محد راح يشوفها......اكتشفت ان خالد فيه جاذبيه مو طبيعيه يعني يضحك و عصبي و طيب و مزاجي و كل هالاشياء تخليه شخصيه مركبه بس مو من النوع اللي تكش منه بالعكس هالتناقضات تجذبها له اكثر.....

و خالد هم اكتشف جانب بشوق اول مره يشوفه....اكتشف انها من داخل حيل حساسه مو قويه و عنيده مثل ما كانت تبين له.....كانت شوق مو حاطه وايد مكياج بس كحله و الحمره انمسحت عقب الاكل....و حتى لبسها كان بسيط....بس خالد شاف ان هذي احلى مره شاف فيها شوق....

فجأة و هم يطالعون الفيلم صار في مقطع يخرع و بدون لا تحس شوق غطت وجهها ورا ظهر خالد...و كانت ماسكه طرف دشداشته....خالد اول ما حس بيدها تمسك ظهره.......

صار اللي كان ماسك روحه ساعتين ما يبيه يصير!! (طبعا فاهمين!!)....و مع كل حركه كان يشم ريحية شعرها و تزيد المشكله....لان صار مو مرتاح و هو قاعد و مو قادر يتحمل ان يمسك روحه.....خلص المقطع اللي يخرع بالفيلم...و رجعت شوق قعدت عادي...بس اللي صار ان خالد صار عنده شي صعب يرجع مثل ما كان....و اذا قدر يتحمل ساعتين بمعجزة (لان طبعه حار حيييل....و مستغرب شلون قدر لان بالعاده كان ما يقدر ينطر وايد عليهم لما يكونون معاه....فمابالكم ان ناطر شوق 3 سنين!!! يعني حتى هو مستغرب من نفسه شلون قدر يتحمل)...مرت دقيقه جنها ساعه و خالد صار مو مرتاح بالقعده كل شيبي يسوي شي بس مو قادر!!

و عقب خمس دقايق مروا كأنهم ساعه قام خالد شوي شوي و لزق يم شوق و حط ايده على ظهرها من تحت....و باسها على رقبتها....شوق على طووول فزت من مكانها مخترعه...

شوق: خالد!!!!!
خالد: (دااايخ حده!) تكفين يرحم والدينج ماني قادر و الله!
شوق: خالد!!!!
خالد: بابا و الله (....) حدي
شوق: خالد!!!...انا بمشي

خالد على ظول قام من مكانه و استوعب ان شوق ما راح تستسلم الا اذا دوخها و خلاها غصبن عليها تقعد....و قام مسكها من ظهرها حيييل و تلها لين صار صدرها على صدره....و باسها حييييل....بالاول حاولت شوق توخره عنها بس عقب اول دقيقه....

شوق ما قدرت تتحمل لان خالد كان ماسكها من اماكن صعب الوحده تقاومها.....و صارت هي تبوسه حيييل و كأنها تطلع كل اللي كان موجود بينهم 3 سنين!!

خالد شافها تجاوبت قام زاد العيار....شالها من ريلها و حطها على الصوفا و قام يبوس رقبتها و ورا اذنها و ايده على فخوذها....شوق حست انها بتفجر بس عقب اول خمس دقايق استوعبت ان اللي قاعد يصير شي مو طبيعي و يمكن خالد يزيدها و عقب ما تقدر توقفه!!.....قامت شوق و دزت خالد من فوقها.....و بسرعه و قفت

شوق: خالد...بس!!...و الله ما اقدر
خالد: (و هو عينه كلها نظرات انتوا فاهمينها عدل) شوق و الله ما اقدر ....بابا ابيج الحين
شوق: خالد...ما اقدر
خالد: بابا ليش؟....قتلج انتي لي انا و بس!....بابا لا تخافين مني
شوق: (و هي من داخل تشوفه و ودها لو تقط روحها عليه) بابا و الله ما اقدر
خالد: (استوعب ان لازم يتلها تل مثل ما استدرجها عشان تبوسه لازم يغريها عشان تكمل ...) احبج

و راح مسكها من خصرها و قربها منه.....و شوي شوي رفع نفنوفها و حط ايدها على فخوذها من ورا و راسه بين رقبتها و صدرها...و صار يبوسها حيييل....و شوق مغمضه عينها و تحس مثل شي يسيح داخ صدرها و الجو بدا يصير حيل حااار....و خالد كل شوي يزيد العيار....

شوي شوي....فصخ خالد دشداشته....و بسرعه فصخ الفنيله....شوق اخترعت و استوعبت ان الموضوع مو بس تبوس لا في شي اخطر!!...

شوق: بابا...بس و الله ما اقدر

وخالد كان وقتها واصل حده فمو سامعها و لا حاس بروحه....قام بسرعه شالها و قطها على الصوفا....و شوي شوي نزل النفنوف من صوب الكتف....و شوق كل مالها و خلاااااااص ما تقدر تتحمل لانها قامت تحس ان جسمه حيييل عليها ....و بدون لا تستوعب فصخها خالد اللي عليها و كانت قاعده بلامبسها الداخليه بس!!!!!

وقف خالد و شوق منسدحه على الصوفا.....شافها و هي شبه عاريه....و على طول .........................................

شوق حاولت تقاوم بس مع كل حركه صار الشي صعب....و تموا على هالحاله نص ساعه.....و خالد كل شوي يزيد العيار لين..................

صارت الساعه 12!!!....و شوق و خالد بنص الموضوع و الجو حااااار لدرجه ان شوق قامت هي اللي تطلب من خالد مو هو اللي يغصبها.....و الوضع انم حد فيهم لابس شي بالمره!!!!!

و فجأة رن موبايل شوق.........شوق كانت مندمجه و ما استوعبت....تمت دقيقه و الموبايل يرن!!....لين بلحظه اللي وقف فيها خال بس عشان يغير خالد وضعيته.....اسمعت شوق التلفون.....فزت من مكانها و رخضت ترد و خالد وراها ماسكها من بطنها و ظهرها على بطنه....و هو يبوسها من ورا...

شوق: ابيييييه!!!! هذي امي!!!.....ابيه خالد الساعه 12!!!!!!!.......الووو (وصوتها مخترع)
عذاري: انتي وينج الساعه 12!!!!!!؟؟؟؟؟؟
شوق: ها.....يمه البنات للحين موجودين مد طلع
عذراي: شفيج ساعه ادق ما تردين؟؟؟
شوق: لا بس كان ازعاج ما سمعت شي (و خالد مكمل و شوق تمسكه من ايده حيل عشان يوقف)
عذاري: وين ما اسمع شي يمج؟!
شوق: اي طلعت من الصاله عشان اكلمج!
عذاري: يلا وين بيت رفيجتج اخوج بيجي يمرج.....ابوج معصب و يقول ما ترد بروحها!!
شوق: ها!!!

...........................يتبع.....

[عديلة الروح]

آسفة بس الرواية فيه بارت وصخ, ><!

أتمنى حذف الموضوع , وآسفة مررة