قصيدة تبكي والله تبكي

[مايهزها الا عزها]

هذه قصيدة من أم هجرها ولدها لمدة سنه فأرسلت له هذه الرسالة مع احد أقاربه وهذه القصيدة للموعظة


يوم أنشدوني عن دموعي وأنا أمك
جاوبتهم وأبعدتهم عن طواريك

ما بغى أجرحك بكلمه تزيد همك
وما بغى أقول أن السبب من تجافيك

يوم لمست الصدر في يوم ضمك
نسيت أنا اللي حولي وقمت أبكيك

مدري أنت عايش وارتجي لمس جسمك
أو ميت وقول يرحمك واليك

يا ما سهرت وزاد غمي لغمك
مرتاح لين تهتني لياليك

ويا ما إذا طولت في نومك أشمك
وتأكد انك عايش لي ورجيك

ويا ما ازعلوا مني خوالك وعمك
ويا ما هجرت اقرب قريب ضحك فيك

ويا ما ذرف دمعي لا سال دمك
براءة الأطفال ماهي بتنهيك

ويا ما انتظرتك عند بابي وأنا أمك
وأقول في يوم تجيني وأحييك

أخاف يوم يجيني يضمك
ويجيك علمي مع عزيز يعزيك

أنا على الله داخله ثم إليك
ارحم قليب تالي الليل يشيك

فكر بمنهي صابها الضيم وظلمك
واذكر حاشى فمك وعسر المساليك


ودي أشوفك قبل يومي ويومك
لو مره بالعام الله يخليك


مابيك تقطعني لو امري يهمك
بقعد معك اضحك واسولف وحاكيك

ياوليدي اذكر كلمه قالها فمك
لا قلت كلمة يوه قلبي يلبيك

واذكر زمان به فراشي بجنبك
ولا شكيت تقول يمه وسليك

ولا شتد مابك فوق كتفي ازمك
مرتاح لين ربي يعافيك

والختم لا جتك الرسالة وانا امك
يمه تجي ولا انا ازحف واجيك





وبعد مرور سنة عانى فيها الابن ما عانى جاءوه خبر وفات أمه فحزن حزنا شديداااااااا

وقرأ رسالتها فنزلت عليه كالصاعقة فكتب لها هذه الرسالة


يمه انا شفت الرساله وهليت***دمي على خدي وزادة همومي

ضاقت بي الدنيا وستاسع البيت***وضاقت على جسمي وساع الهدومي

مافكرت نفس الردى لاولاوحيت***كلمة نصوحي تجيب لي عنك العلومي

يقول امك عايشه جسمها ميت*** تعجز عن الوقفه اذا جت تقومي

نسيت كم ليلة في حضنها ابيت *** ومن ثديها الطاهر طعامي ارومي

ماهمهاالاوجاع يوم اني الفيت*** مع مخرج ضيق ورحمن ضلومي

وكتوفها لي مركب طحت وعييت***ومايهدى الخاطر ليني اقومي

تبيني في عز وراحات بالبيت***لوداسو العالم عليها الهدومي

خفت من ولي العرش يومي تناسيت***وبليس حط في قلبي سهومي

حزنها علي يفتت القلب تفتيت***سمعتها يوم تقول بزحف واجيك

ياليت اشوفك واسعد القلب ياليت***واجلس معك لو كان حقي مهضومي

هذا كلامك يمه بقلبي انا اوحيت*** اثري بهجرك شقي محرومي

ماينفع اللي لا ولا اليل صليت***ولوالدهر كله ازكي واصومي

وماينفع لو طعت ربي وسميت***وبرك وحقك وسط قلبي معدومي

من اول عايش وفي داخلي ميت*** احسب حياتي غير واثري محرومي

لامنهم جابو لي اسمك توذيت***الف بالموضوع لاحد يلومي

وافتح كتاب الله واقراة وان جيت***عند ايه الاف العظيمه احومي

تايب وبعلن توبتي لحامي البيت***وارجيه يغفر مامضى من جرومي

حق الاميمه ما اعدة لو احصيت***ومن قام به يلقى السعادة تدومي

وان كان جاء تفريط في شمعة البيت***ترى العقوبة نحس دايم وشومي

يمه انا جيتك ولراس وطيت***اطلبك وعارف ان قلبك رحومي

جيتك اشيل هموم ما شالها هيت***موجودبين الناس كني معدومي

انا سجين الضيق شبيه بالميت*** ابيع نفسي لجل ترضين دوم

انا اعترف واصبح للعالم اخطيت***يوم اني بهجرك عقدت العزومي

تمت وبصلي على ذايع الصيت***رسولنا صفوات رجالا قرومي

هذة قصه حقيقيه وانشاء الله كل يتعظ منها ياشباب امهاتكم
امهاتكم

[درب المحبه]

القصيــــــــــــده حزينه جدا

بس ارجو منكم المثابره

اكثر
واكثر
وارجو منكم على كل مابدر مني الاتعــــــــــــــــــــــاظ

[شموع الغرام]

~*¤ô§ô¤*~شموع الغرام~*¤ô§ô¤*~

[i love k.s.a]

اهنيكي والمزيد انشاءالله وباذن الله .

[مايهزها الا عزها]

هلا وغلا دروب المحبة

انشاء الله ومن عيوني الثنتين


تحياتي للجميع

[مايهزها الا عزها]

يسلمووووووووو والله اي لوف كي اس اي


تحياتي للجميع

[مايهزها الا عزها]

يسلموووووووووووو شموع الغارام على المرور


تحياتي للجميع

[خمسه قديمه]

مايهـــــــــــزها...
هزيتيني بها القصيده الرائعه جدا ...واكثر من رائعه ...واهنيك كثير على ذوقك الرائع...أترقب الكثير منك..



تقبلي تحياتي ...خمسه قديمه ...

[مايهزها الا عزها]

هلا وغلا اختي خمسة قديمة

مشكورة اختي على مرورج

تحياتي للجميع