على طاري ابن المقفع....

[eshrag]

بسم الله الرحمن الرحيم

حكاية ربما تكون في كتاب ابن المقفع الشهيييييييييييير (كليلة ودمنة ) وعلى

طاري ابن المقفع اتوقع لو عايش معنا في هالزمن المر لكان قد تحطم من

بداياته واتوقع لن يسمع عنه احد ولن يحصل على اي نصيب من النجاح ...

وذلك في نظري يرجع لاعتبارات كثيييييرة ومنها ان معاييير الشهرة والنجاح

اختلفت في عصرنا عن عصر ابن المقفع ...ففي عصره كان النجاح والشهرة

من نصيب الادباء والشعراء ورجال العلم والدين وعلماء الفلك والرياضيات

والكيمياء ...الخ......

اما في عصرنا فكلنا نعرف ان الشهرة من نصيب لاعبي كرة القدم

واهل المغنى والتمثيل ...وتكون ملازمة بالتأكيد للامراء والطبقة

المخملية ...فكلهم شعراء وكلهم رجال اعمال ناجحين وعباقرة

وهكذا لكل عصر فئات تستأثر بالصعود الى سماء النجاح فيه

على حسب المستوى الثقافي لذلك العصر واهتمامات الناس

وهممهم وهمومهم ...وابن المقفع لم يكن لاعب كورة او شاعر

نبطي حتى يعرف ويشتهر ...اما السبب الثاني الذي كان كفيلاً

بتدمير ابن المقفع فهو اسمه ...نعم اسمه ..فلو عاش ابن المقفع

بيننا لتركنا ادبه وكتاباته واهتمينا باسمه والتندر والسخرية منه

ولكان اتى آت ليحكي لنا عن شخص تم تكريمه --- بعد وفاته طبعاً--

في ذلك النادي الادبي الصغير او في تلك الاثنينية او الثلوثية والتكريم

تم على انغام التهام اطباق المثلوثة ...تدرون كرموا ميييين؟؟ يسأل صاحبنا؟؟

ميييييين ؟؟ نرد احنا ؟؟؟ واحد اسمه ابن المقفع ؟؟!!!!

وش مقفعه؟؟ وش يحس فيه ؟؟ ما لقي اسم الا ابن المقفع ؟؟!!

طيب كان سمى نفسه ابن المقرشع !! ما كان ازين ؟؟

وبعدين كان بدينا نحلل كلام اكيد ابن المقفع لو عاش بيننا كان مل

من كثر ما يسمعه ...اقول !!! المقفع ذا ابو ابن المقفع وش يرجع ؟؟؟

وش هو من لحية ؟؟؟؟ يقولون انه مجوسي ؟؟ اتركك منه ما يجي

من وراه الا البلاوي !! يقولون والكلام فنون شنهو اللي ينن المينون

انه كاتب كتاب سماه كليلة ودمنة ويتفلفس فيه على لسان الحيوانات !!

بالله فيه حيوانات تتكلم ؟؟ اكيد انه ملحووووس هالمقفع !!!!

وبعدين انتبهوا تقرون هالكتاب يقولون فيه علوم ماهي بزينة ؟؟؟

وعلاقات محرمة ؟؟ اكيد انه علماني ولد المقفع انا الحين بمنع

كتابه وابذل الغالي والنفيس لمنعه من معرض الكتاب ما باقي

الا اولاد المقفعين يفسدون ملتنا وعقيدتنا عليهم من الله ما يستحقون

المهم ...يحكى ان ثلاثة اصدقاء اتفقوا ان يزوروا قريتهم القديمة

ليسترجعوا ذكريات الطفولة الجميلة وبعدما وصلوا الى قريتهم

تمدد اولهم تحت تلك الدوحة الخضراء واستمتع بخيوط النهار

المتسللة من بين اغصانها واوراقها المبهجة ...واما صديقه

فأخذ يلهو تماماً كما الماضي الجميل في ماء النهر ..واما

ثالثهم فقد لفت نظره ذلك العصفور الصغير الذي لا ينفك يروح

ويرجع الى شاطئ النهر فأصر على معرفه سبب ذهابه ورجعته

وفي كل مرة يحمل شيئاً في منقاره !! وهنا صاح الكوكو ونكمل بعدين

ولا يجي احد ويقول افى يا خراطلي صرت الاميرة شاهيناز مدري مين

اللي مع الامير شهريار ...لا ابداً ..لا شختيار ولا شنكبار القصة ومافيها

نكمل بعدين علشان هازا كراتلي عيون مال انا سيم سيم فولفول هازا

عشان هاذا نوم مافي لازم شوية كراتلي نوم كويس ...

___ لا نضارب في السوق ولسنا مضاربين وانما نحن ننتظر موجتنا

وهذا اختيارنا (المستثمرون في القيعان ...)لا نتدخل في قرار احد وليس

لأحد الحق بالتدخل في قراراتنا ....

خاتمة

تستطيع ان تطردني من قلبك

وان تنساني ....ان ترحل ...بعيداً الى آخر العالم

ولكن الشئ الذي لا تستطيعه

هو ان تغادر قلبي ....