سنابل شوق وإرتجال حـزن

[دايم الوجد]

السلام عليكم ورحمة الله وبركاته

لأنــي لا أجيد صياغة المقدمات

أستسمحكم عذاً

أنا أدعكم مع بــوح حــرفي المتواضــع

و صــبـــاحـــكم شــعـــــــــر

{{{ سنابل شوق وإرتجال حـزن }}}

[poem=font="simplified arabic,6,blue,bold,normal" bkcolor="transparent" bkimage="backgrounds/21.gif" border="solid,10,blue" type=0 line=0 align=center use=ex num="0,black""]

(( سنابل شوق )) والطاري من هموم ((الـقـصــيـــد)) أحيان = على عشب السهر وأغلى ربيع العمر وأشواقه
يميل الوصف وعيون القصايد والمدى التحنان = و((صوت الصمت)) في نبض الجريح وهامة أعماقه
حبيبي لا تخالط جرحي المغمور بالأحزان = ترى بعض الدروب اللي جفاها الوصل....مشتاقه
تغيب أغلى تعابير الجروح وصمتها الخوان = وينبض للحزن صدر الزمان وناعس أحداقه
يسيل البوح من واهج هجوسي وأحتري هتان =ونزف العمر هو مركب عناي وموتي إفراقه
يسافر مغترب ديره ويرجع مغترب خلان = مشاويره محطات السواد ولجة اوراقه
على ريق الضما ماتت طيوفي والعطش عنوان = عليه إنساب ويميل البخت لا مال براقــــه
وهبت اللي ترك جرحي ملامح صوتي اللي بان = شريت من العتب حضن الكلام ولحظة إعناقه
و أنا اللي يحتري صبره ويسري به مع الابدان = شعورن يحترق با ادفى الخفوق ويعلن إحراقه
يصـَـوت للدفاء والبرد بضلوعه رفيق{ن} كان = مع همومه تراتيل الجفاف وجرح خفاقه
تمحور به من {{ الـلــهــفــه }} كساد الامنيات وحان =من الغيره سجع قلبه ونادى وإنحنى ساقه
على صمته كسح كل العباير نبضه العطشان = وعاتب با الرماد أخر ثواب الجرح بـــ أخلاقه
يسمي رحلته مركب قصايد واللقاء بستان = ((محل)) في نظرته درب ((السحاب)) وعانق اذواقه
مع انه لو لقى با اخر فتافيت الشقا أوطان = يــجود ويرتمي دلوه من اجل قلوب عشاقه
سلب عذره سلب عمره سلب مايشتهي إنسان = سلب حتى مسافات الحنين وخالف إسياقه
تمهل في مسافاته ولو قلب العنا مالان = عسى يصبح على شمس الوصال وشمعة إشراقـه
(( سنابل شوق )) والطاري من هموم ((الشعور)) أحيان = على عشب السهر ....يورق.....عمر....ما بلل ... ارياقـــه
حبيبي قلت ماعندي وسلمت القصيد أوزان = ولابه في رضاك إلا شموخ الياس واسواقه
عساك ان شفت في جرح الضماير تكرم الزعلان = وترسم له بدورات الامل تاريخ لـــــ أشواقه

[/poem]

شــعـــر : خالد الفرحان
(( دايـــــــــم الـــــــوجــــــــــــد ))

[بــنــــدر]

قصيده جزله من شاعر جزل
صح لسانك وتسلم يمناك ياخوي
لاهنت
الله يعطيك الف عاااافيه

[غادر]

شاعر مميز وكبير وكلمات تدخل القلوب مباشرة
والله استمتعت كثيرا معك

لاهنت ياشاعرنا الكبير