المساعد الشخصي الرقمي

مشاهدة النسخة كاملة : هل يحق للأخ ان يتدخل في حياة اخته و الأب موجود


مايهزها الا عزها
01-27-2008, 08:58 AM
السلام عليكم ورحمة الله وبركاته


حبيت أعرض لكم هاذي الموضوع إلي جفته في أحد المنتديات ...


(( هذا واحد من الشباب اطلعت أخته لعيد ميلاد صديقتها مع



مجموعه من صاحباتها .. عاد اشترط عليها قبل لا تطلع إنها


ترجع للبيت الساعه 9ونص .. لكن البنت عجبتها الجلسه ومع



السواليف ما ردت إلا الساعه 11 وهناك بالبيت استلمها


أخوها بالضرب والرفس المبرح .. تنومت بعدها من كثر ما ضربها


بالمستشفى ؟؟! .. ومع كذا ما ندم بالعكس قال أحسن ..


عشان تعرف إن بالبيت رجـّال لازم تخاف منه وتحترمه ..


وثاني شي أنا قاعد أحميها من نفسها .. لأن الوقت


هذا مافيه أمان والبنات فسدت أخلاقهن ..


وصعب علينا نصلحهن بدون شده وعنف ..؟!!))


المناقشــه :،،،،

1- شنو تعليقكم على ماسبق ؟


هل صحيح قول (( اكسر للبنت ضلع يطلع لها 24 ضلع )) ؟؟



2- هل صحيح إن الولد غير البنت في الخطأ ؟؟


3- هل صحيح إن لايحق للأخ يتدخل في أخته إذا كان الأب موجود ؟؟


تحياتي للجميع

منقول للامانة

مايهزها الا عزها
01-27-2008, 09:15 AM
وانة راح اعلق على الموضوع وباقول رايي فيه وبصراحة واتمنى كل البنات والشباب مايزعلون ولكن كلام الصح والعدل ماينزعل منه

انة في رايي ان الاخ له حق انه يتدخل في اخته لان هالوقت قليل من الآباء اللي يدرون عن عيالهم وفوق هاذي اذا الاخ يتدخل ويقول لأخته لا تتأخرين وحدج لهاذي الوقت معاه حق ولكن مايمد يده مهما كان البنت ماغلطت ولا شي بس الاخ العاقل اللي يتفاهم مع اخته بأسلوب حلو ينصحها يعطيها جم كلمه حلوة والله ان البنت بتطيعه واذا مانفع معاها يحرمها من الطلعة مو لازم تطلع اللي يبيها ايي لها وفي هالوقت محد يآمن على البنات يعني ماتدرون اخوها يوديها بيت صديقتها الا شوي طالعة مع واحد مع احترامي للبنوتات وبالنسبة حق السؤال: هل صحيح إن الولد غير البنت في الخطأ انة اقول صح الولد مايعيبه شي الا اذا بتيي وحدة وتقول جيبه فانة اقولها يقدر يشيل هالعيب ويشتغل اي شغله بس البنت عيبها سمعتها اهلها شرفها اذا البنت فقدت شرفها مين يبيها وشلون راح ترجع شرفها حتى لو قالت عملية بس العيب عيب لو شنو صار واتمنى اني مادوختكم بكلامي لان طويل

تحياتي للجميع

سعوديه بهواي
01-27-2008, 10:37 AM
يسلموووو ع الموضوع خيتووو من جد أكثر من رائع
راح اجااوبك..
أكسر للبنت ضلع ... بصراحه هذي كلام ناس معقده مو واثقين ببنتهم ولا بتربيتهم أماا الاخ يدخل هذا من حقه بس بحدود حتى أذا الاب موجود اذا كان الاخ خلوووق مو متسلط وطبعآ حتى البنت لازم تكون ذوق ومحترمه ولا تستاهل اللي يجيها وأكيد ان الخطآ عند البنت غير بكثير عن الولد بس كمان ماننسى كما تدين تدان...
تقبلي مروري
سعوديه بهواي وراميه العالم وراي

مايهزها الا عزها
01-27-2008, 11:26 AM
هلا اختي سعودية بهواي صح لسانج وكلامج على راسي والله

ومشكورة على مرورج

تحياتي للجميع

الأغر
01-27-2008, 11:43 AM
بوركتي اختي على موضوعك....وطرحك المميز للمواضبع الأجتماعية
أولأ تعليقا على القصة..أنا ضد الضرب مهما يكن سواء من اخ او والد او زوج لأنه الضرب ما بحل مشكلة انما بالعكس قد يولد ردة فعل عكسية وقد نصل لنتائج غير محمودة أبدا

أما تعليقا على عنوانك...نعم يحق للأخ التدخل ولكن بحدود ..كما يحق للأخت التدخل في حياة أخيها وبحدود أبضا ...إذا لم تسمى عائلة ...لأنها حياة مشتركة وبناء مشترك


مشكورة مرة تانية اختي ونتنتظر مواضبعك الاجتماعية المميزة وافكارك الرائدة

مزاجي شحيه
01-27-2008, 11:06 PM
اممممممممممممممم
الصراحه انا راي من راي اختي ما يهزها الاعزها
وهي ما قصرت خلصت الكلام ما بقى شى ما قالته

مايهزها الا عزها
01-28-2008, 03:54 AM
هلا وغلا مزاجي شيحة يسلموووووو والله على المشاركة المتواضعة


تحياتي للجميع

فاش
01-29-2008, 01:45 PM
من واجب الأخ إنه يهتم بشؤون أخته ويحرص عليها ، بس لقافة إذا قام يتدخل في كل صغيرة وكبيرة. ونفس الشيء البنت من واجبها تهتم بشؤون أخوها وتحرص عليه ، ونفس الشيء ما تتلقف.

وبالنسبة للضرب، مهما سوت البنت ما يحقله الأخ يطقها. ويقول "أحسن خلها لازم تعرف إنه في رجال في البيت تخاف منه". الله أكبر ، العلاقة الأخوية مبنية على الخوف والترعيب بدل المحبة والإخوة. أي واحد في الدنيا ماله حق يتسلط على الثانين.

سلام

مايهزها الا عزها
01-29-2008, 02:37 PM
صح لسانك اخوي فاش ومشكور على مرورك

تحياتي للجميع

عزوتي ديرتي
01-31-2008, 06:53 PM
كلام حلو كثيييييييييييير

طيب عندي سؤال :

لو البنت عنيدة وراسها يابس وانه ما لاي احد الحق بالتدخل في حياتها , هذي كيف تتصرف معها ؟؟؟؟

بتقولون لي بالحوار الهادف والكلام الحلو اقولكم

دورو غيرها!!!!!!!!!!!!!!!!!!!

في ذي الحالة مو اكسر ضلع واحد الا اكسر ضلوعها كلها ..................

ويسلمو على الموضوع الرائع .

الهرم السعودي
02-01-2008, 09:46 PM
مشكوره ما رح اعلق بس رح ارد على الاسئله


1- شنو تعليقكم على ماسبق ؟ صح انه ضربها بس يعني مو يدخلها المستشفي


هل صحيح قول (( اكسر للبنت ضلع يطلع لها 24 ضلع )) ؟؟ ههههههه
مدري


2- هل صحيح إن الولد غير البنت في الخطأ ؟؟ الاخطاء مو مثل بعظ يعني في اخطاء يعتبرن مثل بعظ وفي اخطاء تكون للبنت عار على الهل اما الولد ما يكون عليه شي


3- هل صحيح إن لايحق للأخ يتدخل في أخته إذا كان الأب موجود ؟؟ يصح لان رح يكون الابن اعلم ببعض الامور التي يغفل الاباء عنها

مايهزها الا عزها
02-01-2008, 11:22 PM
هلا عزوتي صح كلامك اذا البنت ماتسمع كلام احد وراسها يابس في ذي الحالة لو تقتلها حلال عليك والله

والله يسلمك

ومشكور على سؤالك

تحياتي للجميع

ولد سعودي
02-04-2008, 06:54 PM
شكور اخوي الله يعطيك العافيهانا سعودي ولي الفخر

مايهزها الا عزها
03-12-2008, 04:33 PM
هلا ولد سعودي الله يعافيك

طفلة دلوعة
03-13-2008, 12:37 AM
تعليقي : يكسر يدة على الضرب
لية اذا تاخرت شوى تنقلب الدنيا
اصحاب العقوال في راحة


ليس لة الحق في وجود الولد او غير وجودة
اخوية على عيني وراسي لكن كال شي بي الحترام

مشكور على موضوع 

مايهزها الا عزها
03-14-2008, 12:21 PM
هلا طفلة دلوعة ودي اعلق على اللي قلتيه بس مهما كان هاذي رايج ومااعتقد لو اني علقت على كلامج راح تغيرين وجهة نظرج

مشكورة على مرورج

بلبل الشرق-
03-18-2008, 01:19 PM
البنات عاطفيات وسرعان ماتنسى نفسها لكن يجب حمايتها من نفسها ومن الاخرين ويجب على الاخ ان يكون حمايه لاخته ويجب على البنت ان تعمل حساب لاخيها ,مسؤلية الاخ على اخته ان يكون رحيم وقريب ونصوح وشديد عند اللزوم لان البنت عندما تقع لا يرحمها احد ولا المجتمع ولكن يجب على الاخ انيكون ذا اسلوب حسن ومتحضر

بلبل الشرق-
03-18-2008, 01:21 PM
البنات كالزجاج اذا انكسر لا يتصلح

DEVILS
03-18-2008, 02:32 PM
هل صحيح قول (( اكسر للبنت ضلع يطلع لها 24 ضلع )) ؟؟
ما أدري



2- هل صحيح إن الولد غير البنت في الخطأ ؟؟
أكيد

3- هل صحيح إن لايحق للأخ يتدخل في أخته إذا كان الأب موجود ؟؟
بل يحق له في بعض البنات فاسدات أخلاقيا ويستاهلو الضرب
ويحق للأخ أنو يتدخل بس بسؤال ممكن عندها عذر ما تدري أنا لو كنت مكانه
أسألها ليش تأخرتي وحسب الجواب إذا يتصدق أو لا
وعلى قول المثل حبل الكذب قصير

طفلة دلوعة
03-18-2008, 11:43 PM
تراني احقد
ههههههههههه حلوة هذي حبل الكذب قصير

على كذا صار عدوي ماهو اخوية

حتى لو سألتها وكذبت عليك اهم شي تكون مقتنعة بلى تسوية جعلكم ماصدقتو

خلاص اذا انتم خايفين عليها لية تخلونها تروح
ولى انتم تبون تضربون باي طريقة%

مايهزها الا عزها
03-20-2008, 01:56 PM
مشكورين على مروركم الطيب

khokha
04-01-2008, 11:00 PM
لازم الاخ يهتم باخته وبدون تعقيد وشده
لامه كل مايزيد التعقيد كل مايزيد العناد

لان البنت كانت مع رجال كان صار لها نفس الشي وضربها اخوها

فايش الفرق....يعني هذا جزاتها انها احترمت نفسها

والاخ مفروض مايتصرف بدون الاب
وليش في اب في البيت>>زينه ولا شنو

الاخ الشكاك دايما يكون هو الخربان لانه يشوف الناس بعين طبعه

والله يهدي الجميع

مشكووره اختي على الموضوع

imported_بنت النور
04-11-2008, 02:53 PM
انا بصراحه اقول له حق لانه مو جاي من طريق بعدين هاي اخته يعني شرفه يمكن ابوها مو مهتم لها فعادي اذا اتكلم لها اخوها لانه ادره بمصلحتها يمكن اهيه مو عافه طريجها

*قمر الليالي*
04-13-2008, 04:31 AM
اول شي مشكوووووووووووووووره مايهزها على موضوعك الرائع ..


1- شنو تعليقكم على ماسبق ؟

تعليقي ..

مادرى بس كلهم غلطانين ..

البنت بتأخرها .. واخوها بضربه لها يعنى ماتوصل لهالحد .. كل شي بالتفاهم

حلو ..
2_ هل صحيح قول (( اكسر للبنت ضلع يطلع لها 24 ضلع )) ؟؟

" اكسر للبنت ضلع يطلعلها 100 ضلع بعد .."

مهب 24 بس ..
3- هل صحيح إن الولد غير البنت في الخطأ ؟؟

لا كلهم نفس بعض بس مجتمعتنا فرضت علينا هالشي ..

4_ هل صحيح إن لايحق للأخ يتدخل في أخته إذا كان الأب موجود ؟؟

الا له الحق بكل شي .. لان البنات مهب واحد .. في الزين والشين ..

انا يهمنى جدا ان اخوى ينصحنى ..بالعكس احس ان في احد يهتم بي ..

" طبعا يدخل لازم بس بحدود المعقول "

يعطيك العافيه .. وجهة نظر اتمنى تتقبلونها ..

تحياتي لك ..
*قمر الليالي*

قمركم كلكم
04-13-2008, 09:52 AM
التعليق؟؟؟
كلمج حلو ... بس مو كامل .. سؤال تخيلي انتي البنت إشتكت على أخوه بشرطة ؟؟؟ .................................................. اريد جواب...

انا بقولج الجواب:
كل سبت اسير المحكمة عسب اخذ خبرات الاني بسير محامية ان شاء الله ..في يوم سمعت القاضي يصارخ دخلت وجلس في الكرسي .. شفت بنت تصيح والقاضي يصارخ على الولد يقوله: عندها ((أب)) يقوول الولد: اي
عيل ليش تضربها .. وسكت الولد ما عرف شو يجاوب الان ما له حق ما دام ولى أمرها موجود.. وعاقبه القاضي .. ما اعرف شو عقابه الاني طلعت من المحكمة بسرعة ذاك اليوم ...اما اذا كان الاب ميت .. في ذاك الوقت له حق ان يراقب عليها .. مو يضربها ......... اتمني ان يوصل كلامي للجميع ...

هل صحيح قول (( اكسر للبنت ضلع يطلع لها 24 ضلع )) ؟؟ هذي مقولة غير صحيحة .. بنظري...

هل صحيح إن الولد غير البنت في الخطأ ؟؟ كلهم نفس الشيء .. الخطأ خطأ هذا بيتعاقب وهذي بتتعاقب ...


هل صحيح إن لايحق للأخ يتدخل في أخته إذا كان الأب موجود ؟؟ طبعا لا .. يجب ان لا يتدخل فالاب ولي امرها وليس الاخ

& الـغـامـديـ &
04-14-2008, 03:22 AM
أما ما فعله الولد فهذا شئ لا يطاق ودليل على العنف لديه
وسوء فكره وتعامله
وبصراحه اصبحت الحيوانات افضل ...
وقول اذا كسر للبنت ضلع يطلع لها 24 ضلع
فاعتقد انها مجرد مقوله او انها كنايه عن ان المراه مهما كسرت لها ضلع ما راح ينفع لكن عاملها باسلوب
سواء كان المداراه او الحيله المهم ((( باسلوووووووووووب )))))

أما الخطأ كلا الجنسين متساويان دون اي نقاش لان الخطأ يبقى خطأ

وقضيه تدخل الاخ في أخته من رايي لنه طبيعي لانه
دليل على الحرص
لكن باسلوب راقي حضاري بعيد عن العنف ويكون بالحسنه لانه بهذي الطريقه الاخت راح تتقبل وايضا راح تزداد الموده بينهم ....

هذا مجرد راي قد يحتمل الخطأ ...

تحياتي ...

مايهزها الا عزها
04-14-2008, 10:25 PM
كلكم كلامكم صح وعلى العين والراس ومشكورين على مروركم

سعودي من المهد الى الحد
04-29-2008, 02:08 AM
مـــشكوره اختي على موضوعك !

بس من حق الاخ تدخل في اخته بس مو في كل شي يعني ما تصير فضولي

ولا تمنعها من شي وانت تسويه .

مايهزها الا عزها
04-29-2008, 07:43 PM
صح كلامك بس مو كل شي اهوة يسويه خطأ يخلي اخته تسوي مثله
مشكور على مرورك

دنـــدووونـة الـسعـووديـة
05-02-2008, 06:00 PM
1- شنو تعليقكم على ماسبق ؟

تعليقي ان هذا الانسان مايعرف يتفاهم مره تفكيره منحط

هل صحيح قول (( اكسر للبنت ضلع يطلع لها 24 ضلع )) ؟؟

لا

2- هل صحيح إن الولد غير البنت في الخطأ ؟؟

ايه غير البنت اذا اخطت خطاها بسيط وع طوول تطلع لها سمعه وما ترجع حتى لو تابت
اما الولد خطاهم كبير ولو تاب خلاص ترجع سمعته مثل ماكانت


3-هل صحيح إن لايحق للأخ يتدخل في أخته إذا كان الأب موجود ؟؟

ايه ما يحق له يتدخل

مايهزها الا عزها
05-05-2008, 12:53 PM
مشكورة اختي دندونة السعودية على تواصلج