المساعد الشخصي الرقمي

مشاهدة النسخة كاملة : الصورة وتلوينها ...شعر معيض الزهراني


الفــــــارس
09-20-2012, 08:35 AM
الارض عشب بْعيوني / لو غدت حنظل وشوك وحجَر
.... لو زانت انظار الانسان , الصور بالعين يازينها


سلام يالارض عدّ الرمل الاصفر والمدن والبحَر
.... رسمْت لي صورة اشواق وعلى الاحباب تلوينها


عايش شموخي ولي نظرةْ ولي في كل بقعةْ قصَر
.... وعزة النفس ميثاق الشرف مابيني وبينها


أمّا كتبت الشعر حتى تصير الشمس / قطرة مطّر
.... والاّ دفنته تحت عين الغياب وتحت رجلينها


حملْت لـ اصحابي التبجيل في صدري , وظاق الصدَر
... ياكبر قدْر القلوب اللي عشاني مدّت ايدينها



سامحت من سبّني بالغيب , وابدلت الجمر بالتمَر
... والصمت يكسر عيون اللّمْز ويكبّل ذراعينها


قلوب صدّت جفا من دون توديع وسلام وعذر
... ثامن عجايب حياتي لو بتنطق يافمي : وينها !!؟


والشمس ماكّرهتنا فـ الغياب ولاظناها السفَر
... تغيب والسحْر الابهى في جدايلها وفي عينها


والعيطموس ان جفتني واحرمتني من حلاة السهَر
... قلت : الله يقوّم البخت ويعطّر بي فساتينها


يَشرَق بها الما / وينبت في عطر ليّن جسدها زهَر
... والبدر ماهو شبيه لزين نورة / يشبه لشينها


وشينها / لو حواها الظلْم واثنتها دموع الكدَر
... من شان عدل الخيول اللي تراكض في ميادينها

قالوا لي : العمر فرصة , قلت : لا والله حظ وقدَر
....كم اقتنصنا فُرص , ظاعت على القنّاص من حينها


سلامٍ اسمى من النجمات واجمل واطهر من الطهر
... والصورة اللي مضت ياصحبتي تفداكم سنينها

أغزيل
09-21-2012, 10:48 PM
رائعه جدا
صح السانك

حفظك الله اخوي

عسووولة
09-25-2012, 09:50 PM
صح لسانك ..
كلمات راقت لي ..
يعطيك الف عاافية ..
داام قلمك وابداعك

ضجيج الصمت
10-01-2012, 09:18 AM
لافض فوك أستاذي الفارس
قصيدة تألقت ريشتك برسم حروفها
ووهج فكرك بضياء معانيها
أبيات رائعة لشاعر كان ولازال للجمال الشعري والجزالة عنوان
سلمت يداك على ماخطت من درر
حفظك الله