السلام عليكم ورحمة الله وبركاتة

أسعد الله أوقاتكم بالخير والمسرات
اليوم راح أقولكم عن قصة المنتدى

كيف تم تبني فكرته وتمت الموافقة عليه ؟
وكيف تم حجز الدومين (( اسم الموقع )) وعمل المنتدى بشكله الحالي ؟
وليش تأخر المنتدى ما افتتح ؟

أبي أبدأ أقولكم قصتي انا ورفيق دربي ماي سويت هارت مع المنتدى وان شاء الله تقدروا ظروفنا وتعذرونا على اللي حصل .. اللي حصل مرة كنت أنا وماي سويت هارت نسولف بالمسنجر عن المنتدى الفلاني والمنتدى الفلاني وكل واحد يمدح له بمنتدى وبحركة خطافية قالي صقيقي ماي سويت هارت .. كحولي <- اسم الدلع .. وه بس يا ملحه :blushing: قالي وش رايك نسوي لنا منتدى أنا ما صدقت على طول قلت : موافق .. موافق .. موافق <- يقلد بشير غنيم .. لوووول المهم بذاك اليوم صارت الفكرة بروسنا إننا نسوي منتدى وجلسنا نفكر ونمخمخ من هالاسامي اللي كل ما كتبنا شي قال الاسم محجوز اقصد بالدومينات .. لو تكتبون " قمز أحمد الجدار " قالك محجوز <- متأثر باللغة العربية الأخ هههههههههه مالكم بالطويلة ونركض ونركض امممم وش دخل الركض الحين نرجع لموضوعنا أحسن .. المهم ما حصلنا بذيك الجلسة على المسنجر اسم مناسب او متوفر .




بعدها بيوم كنت رايق بالحيل جالس على الكمبيوتر أسمع " غالي الأثمان " وإلا ذاك الاسم اللي ينط براسي من قوة الفرحة بالاسم شغلت حمام جانا مسيان وخذ رقص الين ارهقني الرقص اتوقع اني استنزلت ذاك اليوم بس ما حسيت هههههههه المهم وابحث عن الدومين واحصله متوفر يعني مو محجوز وقتها كان عندي مشوار .. وين كنت بروح ..... ايه صح تذكرت كنت بروح لـ .. " إلا وش دخلكم بمشواري " <- قام يتميلح يا حليله نرجع لصلب الموضوع رحت مشواري وبطريقي دق موبايلي <- مب عاقل ما يعرف يعني يقول جوال مسوي وخروا عنه لعبته الحركتات حقات الهاي كلاس ... هع رديت علي اللي دق وطلع لي ماي سويت هارت على الطرف الآخ يقول .. السلام عليكم يا كوحيلان (( بضم الكاف )) ورديت عليه .. وعليكم السلام ياأخ العرب ماي سويت هارت المهم وشلونك ووش أخبارك ومن هالكلام مالكم بالطويلة وإلا بحركة الدودة أقوله عن الدومين اللي حصلته (( لانه هو قالي عن فكرة المنتدى بحركة خطافية )) <- ما تفوت عليه .... إلا يوم ماي سويت خقـ ـقـ ـقـ تعرفون خقـ ـقـ ـقـ بدت شدوقه تهز من الخــقــه " عليه حتة شدوق بسم الله عليهن ودي بس اقبصه معهن .. وه بس " قالي اوكي يا كحولي وإلا يجي دور خقتي أنا يوم قالي كحولي بس ما ابطيت ولا عندي شدوق مثله .. هع




أتفقنا على اسم دومين موقعنا اللي هو (( السعودية aLs3oDia )) وحجزنا الدومين مع المساحة المبدئية وجينا الحين لتصميم الموقع والمنتدى أنا طقتني اللقافة وقلت لماي سويت مانبي شركة تسويه بتكلف علينا لكن أعرف لك واحد من ربعي يعرف يصمم ومن هالكلام و وريته شغل له ووافق ماي سويت .. وليته ما وافق ههههههههه (( ماي سويت اذا تقرأ لا تضحك اتوطأ ببطنك )) هههههههههههه بدأ رفيقي بالشغل رفعنا واجهة مؤقتة اذا تذكرونها اللي تقول (( كنا نعتقد أن عجائب الدنيا سبع ولكنها بكم أصبحت ثمان )) وبدأ بالشغل بالمنتدى بحماس في البداية وشوي شوي إلين راح الحماس وبدت مأساتنا أنا وماي سويت هارت مع المنتدى قام رفيقنا كل يوم يقول بكرا اشتغل والا اللي بعده ومن هالأعذار اللي ماتخلص مع العلم ان المنتدى إلى الآن وبهاللحظة ما خلص .




ويوم بعد يوم نقول لعل وعسا ونرجي الله انه يكمل الين قالنا يا شباب ما اقدر اكمل لكم المنتدى لظروف لا يعلمها الا هو .. الدب ماي سويت هارت على طول قفلت معاه وداس بالكلام على رفيقي ههههههههه وخربت العلاقة وصلت للحظر مع الحذف .. لوووووووول . وأنا زعلت وربي وشلت بخاطري من رفيقي مع العلم انه يشتغل بمقابل مو معروف منه المهم مالكم بالطويلة ماي سويت بعد هاللحظة قالي أنا غسلت يدي من المنتدى لكن أنا بقي فيني شوية حماس لكن على إيش على شي ما ينفع وصرت اكلم واتلفت أدور أحد يكمل المنتدى ورزقنا اللي بكم شخص وعدلنا فيه حاجات بسيطة لكن مو كافية وبعدين جت للمنتدى فترة خمول ما سويت فيه شي وبيوم من الايام نويت اترك المنتدى واسحب عليه وأذكر اني كنت بالمسنجر اكلم الشلة عندي وإلا ذاك الواحد اللي أدعي من الله إنه يوفقه بدنياه وآخرته وين ما راح قالي يا كحيلان ليش ما تفتحه تشوف هو يمشي والا لا جرب منت خسران شي اذا كنت ناوي تتركه .. أنا أعجبتني الفكرة وكلمت ماي سويت وقالي اللي تشوفه حبيبي وإلا يوم قالي هالكلمة إلا يوم انتثر بالارض عجزت أجمع روحي <- لا يكثر كمل .. تيب لا تدف المهم فتحت المنتدى وشلت رسالة المنتدى اللي تقول قريباً هههههههههههههه صار له اكثر من شهرين وهي موجودة قريباً ذي .. لووول

وبفضل من الله اننا ما استعجلنا أنا ورفيق دربي ماي سويت هارت بترك المنتدى .. ونرجي من الله إننا نتوفق في إدارته وإراضائكم على أكمل وجه وإعطائكم ما تستحقونه في سبيل رقي منتدياتنا وإن الله يوفقنا بأعضاء راعين تصميم وأصحاب خبرة بالمنتديات من ناحية التحكم بها عشان تركيب هاكات ومن هالكلام اللي ما يخلص .

وهنا تنتهي قصة منتديات السعودية معاي ومع رفيقي ماي سويت هارت ومنكم السماح على الإطالة أو إستخفاف دمي بكلامي وسامحونا على التأخير .



تم افتتاح منتدياتنا في يوم الأحــد الموافق 12 / 7 / 1427 هـ -- 6 / 8 / 2006 مـ
في الســاعة الحـــادي عـشرة مــســـــاءً

أخوكم .. كـحـــــــــــــيلان

..

^_^ >> ما تدري ايش تقول ..


الحمد لله عالسلاااااااامه ..




وعموما الف وتسعميه وخمسطعشر الف مبرووووك .. يعطيك خيره ويكفيك شره يالحبيب انت وخويك ^_^




ريموووه هااانم

اهي اهي اهي


>>>يصيح من قصت المنتدى خخخخـ^_^


وعلى قولت الخانم اللي فوقي ^_^

7
7
وعموما الف وتسعميه وخمسطعشر الف مبرووووك .. يعطيك خيره ويكفيك شره يالحبيب انت وخويك^_^


ويعطيك الف صحه وعافيه حبيب البي ^_^

[align=center]..

شكراً لمروركم الكريم .. قصة محزنة صح <- لا يكثر اقول

ههههههههههههههه

..[/align]

الف مبرك





و ان شاء الله يصعد الى القمه




تقديري لكم ولجهودكم المبذوله




الله يعطيكم العافيه





و عساكم على القوه

[align=center]..

اللهم آمين أخوي الغامض

الله يعطيك العافية على كلامك المشجع صراحة
انا كل همي حالياً إني أرضي أسرة السعودية
وإذا رضيوا أسرة السعودية بمشيئة الله
راح يصعد المنتدى بتوفيق من الله
وبعزمكم ودعواتكم



لك شكري .. كـحــــيلان

..[/align]

مبروك المنتدى

وتقطعونه بالعافيه
<يسمع الشيبان يقولونه

وعساه يعمر بكل خير ويضم بالمحبه

اخوك السمار.......

[align=center]..

هههههههههههههه

الله يبارك بعمرك خيو السمار
ويعافيك يارب وأشكرك على مرورك
وجبر خاطري :friends:

ههههههههههههههههه


أخوك .. كـحـــيلان

..[/align]

[align=center]..

الله يعافيك أخوي زامل نورت الحتة خيو
والله يعافيك على هالطلة الحلوة

..[/align]

ههههههههه امحقها من قصه جنان الصراحه قصة كفاح مررررره