|
|
|||||||
 مساحة اعلانات نصية ذهبية |
||
| اعلن هنا | اعلن هنا | اعلن هنا |
 |
|
|
أدوات الموضوع | انواع عرض الموضوع |
|
#1
12-03-2013, 07:15 PM
|
|||
|
|||
وفاة الشاعر احمد فؤاد نجم (الفاجومى) .. اقرا اهم اشعاره و قصائده
وفاة الشاعر احمد فؤاد نجم (الفاجومى) .. اقرا اهم اشعاره و قصائده
اعلن اليوم وفاة الشاعر الكبير احمد فؤاد نجم الشهير ب "الفاجومى" عن عمر يناهز ال 84 عاما ، وقد شهدت وفاته موجة من الحزن عبر مواقع التواصل الاجتماعى و من عدد من النشطاء فقد كان "الفاجومى" بمثابة المتبقى من جيل من الثوار فى السبعينيات ردود افعال حزينة توالت ردود الافعال الحزينة والتعليقات الراثية فهذا يقول رحل الفاجومى و ذاك يقول وصل "كلب الست" لنهاية مشواره وعلقت قناة "اون تى فى" شارة سوداء حدادا عليه كما نعي التيار الشعبي المصري، للشعب المصري والأمة العربية، رحيل الشاعر والمناضل الكبير أحمد فؤاد نجم، أحد أعمدة الشعر العربي، وصاحب التاريخ النضالي الطويل. ويعتبر التيار الشعبي رحيل "نجم" خسارة كبيرة للأمة العربية، وقال إن عزاءنا في رحيله هو ما تركه من رصيد وافر من الأعمال الابداعية والمواقف النضالية التي يزخر بها تاريخه، كونه أحد أبرز المشاركين والداعين لثورة 25 يناير وموجاتها المتعاقبة حتى 30 يونيو، ونضاله في مواجهة نظامي مبارك والسادات، واعتزازه بالتجربة الناصرية التي عبر عن خلافه مع نظامها السياسي بكل جرأة ووطنية. وقال بيان التيار الشعبي المصري أنه يفخر بإبداع "نجم" ونضاله،لا يفوته التذكير بانحيازه الدائم لفقراء الوطن، وقضاياهم وحمل همومهم وآلامهم وأحلامهم إلى قصائده، إضافة إلى الروح الوطنية والمشاعر الانسانية الراقية التي كان يتحلى بها الراحل الكبير، والتي ألهمت الشباب طوال السنوات الماضية، وأضاءت لهم طريق الابداع والنضال كما رثاه عدد كبير من السياسين منهم حمدين صباحى و اخرين < قصائد من زمن ثورى جميل وهنا نعرض لكم عدد من اهم قصائده التى ستظل ملازمة للوجدان الشعرى المصرى لسنين ورقة .. من ملف القضية إنت شيوعي أنا مصراوي إنتو مصايب إنتو بلاوي ممكن أعرف مين الأول بيكلمني إحنا نيابة أمن الدولة دول مين دولة مصر مصر العشه ولا القصر أيوه حنبدي ندور ونلف حاجه تنرفز خالص إف مالك ... شايل طاجن خالك لم لسانك ما تخرفش أنا ما اقصدش اهانتك طبعا أيوه استعبط لاما اعرفش إيه رأيك في سفارة كوريا إيه رأيك في قضية مصر مصر ف وحده هى وسوريا وليبيا ولازم ييجي النصر ييجي منين وازاى ولمين آدى كلام الشيوعيين أنا من حقي حق ف عينك أنا بتكلم بيني وبينك يعني كلام بره التحقيق إذا كانش يسبب لك ضيق طيب قول مين مسئول ؟ مين مسئول عن إيه يا إخينا ع إللي جرى لنا ف غزه وسينا أنت شيوعي أكيد وطاوعني فض دمغك من دي قضيه شعبنا جاهل مهما تقول له مش حيآمن بالشيوعية ما الشيوعية فى فيتنام إيه رأيك فيهم يا همام مش بطال مش بطال لكن إحنا .. ورانا عيال طب ما نحارب لجل عيالنا يطلعوا أسعد من أجيالنا إنت الظاهر مخك فاضي وحتتعبني معاك ع الفاضي وأنا بحبحت معاك بكفايه إبقي اتفلسف عند القاضي هى قضيه ؟ لأ ملوخية أمال فاهم إيه آمال هى الدولة دى لعب عيال ممكن أعرف أنا هنا ليه أيوة حتعرف أمال إيه يوم خمسه وعشرين الماضي إيه مشاك عند التحرير تحرير إيه يا جناب القاضي أنا مش فاضي بكره تصير بطل غلبه وجاوب دوغري أنا غلباوي كده من صغري كل الشيوعيين أمثالك آخر غلبه وقله ذوق يحصل إيه لو تمشي ف حالك فاكر نفسك مين ما تفوق لو راح افوق مش من مصلحتك أنا معجب جدا بصراحتك إيه رأيك فى حكايه الطلبه حاجه عظيمه بشرة خير إنت دماغك ينفع جزمه وانت لسانك ينفع سير إخرس قطع لسانك سافل كتر خيرك مخك قافل مين وداك بقي عند الطلبه رايح ضمن المندسين رحت أناقشهم واسمع منهم تسمع منهم إيه يا سي طين دول عايزين الدنيا تولع علشان أصلا مش فاهمين هى الحرب يا عالم لعبه دى بتتكلف بالملايين وأنت حتدفع إيه من جيبك امال ح ادفع من جيب مين إنت حمار وخدوك فى مشمك رحت هناك زى الباقيين عاملين لجنه وقال وطنيه مش ممكن دول وطنيين وجماعة أنصار الثورة وفلسطين وهباب الطين ما نخلينا يا سيدي في حالنا مالنا ومال الفدائين هو إحنا اللي نهبنا بلدهم دول عالم صيع فاقدين قتلوا الراجل عند الشيراتون وإحنا إللي طلعنا القاتلين وصفي التل دا كلب وخاين اهو كل العالم خاينين واحد صاحبي مراته مرافقه وهو مرافق ييجي عشرين أمريكا بتزعل وبتحرن هو إحنا يا عالم ناقصين مش نستعبر م إللي جرالنا ونعيش بقي زى العايشين دي عيال عملا للشيوعيه وإحنا عدو الشيوعيين ورق دمك بس يا بيه مين مساعدكو بقالكو سنين بيساعدونا صحيح يا سي بعجر علشان أصلا مش فاهمين إحنا حيلتنا منين نديهم ونسددهم بالملايين يمكن يعني قضيه مبدا مبدا مين وزكايب مين هي دى عالم تعرف مبدا دولا باقول لك ناس مجانين اخترعولنا السد العالي علشان نبقي اشتراكيين إشتراكيه هناك ف بلدهم وإحنا ف دارنا نعيش حرين عايزين الفلاح الجاهل يتساوى بالمحترامين وكمان قال تحديد ملكيه أبو ألفين يدوه خمسين شغل ملاحده وعالم كفره ومخالفين أحكام الدين والعمال رخرين اسم الله فاهمين روحهم بني آدمين ناس عايزين الحرق بولعه دا كله من الشيوعيين نشروا لنا الأفكار السوده أولاد الكلب الملاعين مين وداك بقي عند الطلبه انطق قول اتكلم مين هما إيه مطالبهم ؟ انت حتستجوبني يا شاطر لأمش قصدى بس أنا باسأل كانوا طالبين كراريس ومساطر ولا مطالب ميه الميه كل الشعب مآمن بيها دول طالبين حرب وشعبيه مين مجنون بقي حيمشيها عايزين يدوا الرتش سلاح عشان تحصل فيها مجازر أنا لو أشوف حلوف فلاح شايل شومه لازم اهاجر لازم بينه وبينك دم دم ف عينك هس اتلم ثم نحارب ليه وبايه بسلاح ما يموتش بعوضه ورق دمك بس يا بيه الحرب ضروره ومفروضه واهو نفس سلاحنا المظلوم في فيتنام دابح أمريكا دى طبيعه أرض يا بني آدم بطلوا بقي كدب وبولوتيكا طب ما الهند بنفس سلاحنا فى باكستان بعزقت الغرب رأيك يعني ضروري ان إحنا وحتما يعني نخش الحرب طيب حاضر فين المخبر حتغير رأيك بالضرب شيد قصورك شيد قصورك ع المزارع من كدنا وعمل إيدينا الخمارات جنب المصانع والسجن مطرح الجنينة واطلق كلابك في الشوارع واقفل زنازينك علينا وقلّ نومنا في المضاجع أدي احنا نمنا ما اشتهينا واتقل علينا بالمواجع احنا اتوجعنا واكتفينا وعرفنا مين سبب جراحنا وعرفنا روحنا والتقينا عمال وفلاحين وطلبة دقت ساعتنا وابتدينا نسلك طريق مالهش راجع والنصر قريب من عنينا النصر أقرب من إدينا شقع بقع انا الأديب و لا تعرفنيش تقرالي لكن ما تشوفنيش كلامي لا هو مادهون ورنيش و لا المعاني عليها غبار شقع بقع يا ديل الفار *** يا شعب مصر يا خم النوم ما تفوق بقى و تشوف لك يوم الثورة قامت في الخرطوم و انت اللي نايم بالمندار شقع بقع يا ديل الفار *** يا شعب ثور داهية تسمك و شيل اصول اسباب همك عصابه بتمص في دمك و الاسم قال ضباط احرار شقع بقع يا ديل الفار *** اخدوا اليهود غزة و سينا و بكرة يبقوا هنا وسطينا و الراديوهات بتغدينا خطب و نتعشى اشعار شقع بقع يا ديل الفار *** الشيخ امام قال كلمة حق و الست ثومة قالت لأ و ابو النجوم على ودنة اندق في المعتقل و الدنيا نهار شقع بقع يا ديل الفار أبجد هوز ( سايجون) أبجد هوز حطي كلمن إفتح صفحه إمسك قلمن إكتب زي الناس ما بتنطق سقطت سايجون رفعوا العلمن طلعت شمس اليوم دا أغاني كل ما نسمع نعشق تاني طلعت شمس اليوم دا حريقه تشفي الجرح وتبري الألمن سايجون عادت للثوار فوق الدم وتحت النار جدوا فوجدوا زرعوا فحصدوا وإحنا إدينا للسمسار وإللي قالوه السمسارجيه وإللي حكاه السمساردار لما قروه القروانجيه بالمستعدل والمندار هتش ونتش بعزم الصوت عن أمريكا وهوا أمريكا زعموا الفانتوم شايل موت سقط الموت بعلم أمريكا جاتكو فضيحه يا طبقه سطيحه وعامله فصيحه وجايبه العار قراونجيه وكتبنجيه وسمسارجيه وسمساردار سايجون دره يا ثوار عادت حره للأحرار داحنا حنشبع بكره أغاني إسمع وحفظ يا كتباني واثبت عندك فى الأوراق مصر بتنضح بالأشواق مصر عروسه وبكره عريس والعشاق إحنا العشاق فينا وبينا ولينا الثوره إحنا الثوره وهي الناس فينا الماضي وبينا الحاضر والمستقبل هو الناس كلب الست فى الزمالك من سنين وف حما النيل القديم قصر من عصر اليمين ملك واحدة من الحريم صيتها اكتر م الادان يسمعوه المسلمين والتتر والتركمان والهنود والمنبوذين ست فاقت ع الرجال فى المقام والاحترام صيت وشهره وتل مال يعنى فى غايه التمام قصره يعني هى كلمة ليها كلمه فى الحكومه بس ربك لجل حكمه قام حرمها م الامومه والامومه طبع ثابت جوه حوا من الزمان تعمل ايه الست جابت فوكس رومي وله ودان فوكس دا عقبال املتك عندة دستة خدامين يعنى مش موجود فى عيلتك شخص زية يا اسماعين واسماعين دا يبقى واحد م الجماعة التعبانين اللي داخوا فى المعاهد والمدارس من سنين حب يعمل واد فكاكة يمشي حبة فى الزمالك والقيامة والفتاكة يرموا طبعا ع المهالك عم سمعة من قيامتة حب يعمل فيها فلة بعد ما الوظ بيجامتة اشترى حتة مجله قول مشي يقرا فى حكاية من حكايات الغرام واندماجة فى القرايه خلا مشيه مش تمام ع اليمين يحدف بعيد خطوتين ويروح شمال لمحه فوكس من الحديد قال دا صيد سهل حلال هب نط فى كرشه دوغري جاب بيجامته لحد ديلها اسماعين بدال ما يجري قال يا رجلي رجلى مالها ؟ بص شاف الدم سايح من عاليها ومن واطيها وياللى جاي وياللي رايح المجله مش لا قيها حبه واتلموا الظنايا اللى هما البوابين والحكايه والروايه قال لهم دا كلب مين؟؟ كلب مين !! ما كلب مينشى سمعه لبخ حبتين قال واحد منهم امشى اللى جابك عنده مين؟ قال دا شارع يا مواشي والجميع بيمر منه اللى راكب اللى ماشى مستحيل نستغنى عنه كلمه من دا وكلمه من دا ظاطو واترسمت فضيحه قول نهايته القصد من دا اسماعين اكل الطريحه راحو قسم الشرطه طبعا والنيابه كفيله بيهم واترموا فى الحجز جمعا لما ييجي الدور عليهم حبة والشاويش امين قال : سعيد النقشيندي قام غريم عم اسماعين قال له: محسوبك يا افندي قام سي سمعه يروح معاه الشاويش قال : غور بدمك راح تعوصنى وفوق قفاه كف طرقع داهيه ف امك تفتكر يفضل سي سمعه قد ايه فى القسم نايم ؟ استضافه الحجز جمعه يا بلاش ادي العزايم شاف بلاوي ما تتحكيش م الديابه المسجونين قال يا عالم يا شاويش يا نيابه يامسئولين خلصوه بعد المناهده جثه من جحر الديابه هى يمكن ساعه واحده كان فى مكتب النيابه قال له مالك يااسماعين قال لة زي البمب ... مالي ؟ قال له عضك فوكس فين قال له سيبنى اروح لحالي انت شوف سي فوكس يمكن خد تسمم غصب عني الوكيل قال برضة ممكن والشاويش قعد يغنى انت فين والكلب فين انت قدة يا اسماعين طب دا كلب الست يا ابني وانت تطلع ابن مين بشري لصحاب الديول واللى له اربع رجول بشرى لسيادنا البهايم من جمايس او عجول اللى صاحبه يا جماعه له غناوي فى الاذاعه راح يدوس فوق الغلابه والنيابه .. بالبتاعه 
|
|
| الكلمات الدلالية (Tags) |
| (الفاجومى), .., الشاعر, احمد, اشعاره, اهم, اقرا, فؤاد, وجل, وفاة, قصائده |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| وفاة الشاعر احمد الناصر الشايع - صور أحمد الشايع | مراسل المنتدى | أخبار محلية | 0 | 01-08-2017 05:47 PM |
| وفاة الفنان احمد راتب - تعرف على السيرة الذاتية للفنان الممثل المصري احمد راتب - صور جنازة احمد راتب | مراسل المنتدى | اشراق الفن - فنيات - فن | 2 | 12-14-2016 09:10 AM |
| الشاعر محمد الثبيتي - قصائده وحياته ووفاته | alfares | ادبيات - شعر - خواطر | 7 | 01-16-2011 07:41 PM |
| الأمير الشاعر /عبد العزيز(السامر)أمر بإيقاف جميع قصائده المغناة | فتى المشرق | ارشيف مواضيع الحمْلات | 5 | 06-15-2009 01:11 AM |
| الشاعر المصري الكبير :أحمد فؤاد نجم | mizo_wizo | ادبيات - شعر - خواطر | 591 | 03-20-2007 04:10 PM |
|
شراء روابط نصية |
|
| راسلنا الآن لشراء روابط نصية باك لينك وجيست بوست | خدمات الباك لينك والروابط النصية |
|
روابط نصية AAZ |
||
| متجر الرياض | شحن شدات ببجي | شحن شدات ببجي |
|
روابط نصية AHD3 |
|||||||||
| عزل اسطح | كشف تسربات المياه | عزل فوم بالرياض | شركة عزل اسطح | كشف تسربات المياه بالرياض | عزل اسطح بجدة | شركة كشف تسربات المياه | نقل اثاث بالرياض | شراء اثاث مستعمل بالرياض | شركة تنظيف بالرياض |
|
روابط نصية KSM |
|||||||
| خصومات | هدايا وكوبونات | توفير المال | مال واستثمار | صفقات وتسوق | عروض اسواق السعودية | تحسين مالي | كوبونات |
|
روابط نصية AN |
||||
| يلا شوت | يلا شوت | يلا لايف | yalla shoot | يلا شوت |
|
روابط نصية M11 |
|||||||
| كورة جول | يلا لايف | دوت سبورت | bein match | yalla shoot | yalla shoot | koora live | koora live |
| يلا شوت | koora4live | سوريا لايف | تابع لايف | كورة لايف | كورة جول | كورة لايف | koora live |
|
روابط نصية AWA |
||||
| كورة لايف | Koora live | يلا شوت | Yalla shoot | يلا شوت |
العرض العادي
